Charla

Etiquetas:
27/04/2016
Este sábado, 30 de abril, a Casa da Ría, en Ribadeo, acollerá unha nova xornada participativa para salvar á abella e loitar contra a avespa velutina.
 
O Concello e a asociación de Abelleiros de Ribadeo, tras o éxito da primeira xornada participativa para salvar a abella fai un chamamento para a segunda que terá lugar este sábado, 30 de abril, ás catro da tarde na Casa da Ría en Santa Cruz.  
 
Segundo explican desde a Concellería de Desenvolvemento Local “á primeira xornada asistiron unhas 50 persoas, das que 19 apadriñaron unha trampa. Aproveitouse esta forza e interese colectivo para crear un grupo de traballo  para loitar contra este insecto e desde o que se comparte coñecemento, experiencias  así como un seguimento das avespas velutinas atrapadas. A día de hoxe levan un total de 40 insectos capturados aproximadamente”. 
 
... leer más
Etiquetas:
13/04/2016
Nova charla médica este venres, 15 de abril, en Burela. A anestesia será a protagonista da conferencia que pronunciará o doutor Muñoz.
 
O Concello continúa co ciclo de charlas médicas que iniciaba o pasado mes de marzo. A vindeira será este venres, 15 de abril, ás 20:00 horas na antiga Biblioteca, e correrá a cargo do doctor Francisco Muñoz que falará sobre Anestesia. Desmitificando Tópicos.
 
O concelleiro de Sanidade, José Díaz, salientou que “este viernes tenemos esta nueva charla médica en la antigua Biblioteca a las ocho de la tarde. En esta ocasión será el anestesista del Hospital da Costa, el doctor Francisco Muñoz, y el tema creo que muy interesante es Anestesia Desmitificando Tópicos”.
 
O edil socialista cre que “puede resultar interesante a la gente, así que invitamos desde...
leer más
01/04/2016
O salón de actos do Concello de Lourenzá acollerá o 5 de abril unha conferencia sobre o adorno prehistórico e as xoias áureas na antiga Gallaecia. Tamén se inaugurará unha exposición de ourivería do Museo Provincial de Lugo.
 
O salón de actos da Casa do Concello de Lourenzá acollerá o vindeiro martes, 5 de abril, unha conferencia sobre o adorno prehistórico e as xoias áureas na antiga Gallaecia a cargo da directora do Museo Provincial de Lugo, Aurelia Balseiro García. Será ás seis da tarde e a continuación da charla inaugurarase unha exposición da colección de ourivería antiga do Museo Provincial, que estará aberta na sala de exposicións municipal ata o 2 de maio e poderá visitarse de luns a venres en horario de cinco a oito da tarde.
 
A alcaldesa, Rocío López, explicou que esta mostra “está organizada polo Museo Provincial e propón unha visión completa, a través dunha serie de paneis fotográficos e explicativos, da colección de obxectos de ourivería...
leer más
Etiquetas:
25/02/2016
A Casa do Mar de Ribadeo acollerá unha charla sobre a avespa velutina. Será este venres, 26 de febreiro.
 
O Concello, en colaboración coa asociación de nova creación de apicultores Os Abelleiros de Ribadeo organiza unha xornada formativa práctica sobre a avespa velutina, co obxectivo de dar a coñecer as diferenzas deste tipo de insecto, a explicación do ciclo da mesma e os diferentes modos de eliminación dos seus niños. 
 
A charla contará coa participación do experto viveirense José María Vázquez  en exterminación de avespas velutinas, que recentemente creou un sistema para protexer as colmeas. 
 
Os organizadores salientan a importancia e a difusión destas xornadas  ante a ameaza que supón este tipo especie para a biodiversidade e o medio ambiente en xeral. 
 
A charla, que será gratuíta e aberta a todo o público, terá lugar este venres, 26 de febreiro ás 20:30 horas no salón de actos da Casa do Mar. ...
leer más
Etiquetas:
22/02/2016
Viveiro lembrará a Rosalía de Castro o 24 de febreiro cunha charla, con música e coa lectura de poemas da escritora.
 
O día 24 de febreiro, con motivo da celebración do Día de Rosalía de Castro, o Concello de Viveiro, a través da súa Concellaría de Cultura, Muller e Xuventude, organizará un acto para conmemorar esta data. 
 
O acto, que terá lugar no sala multiusos da Casa do Concello, ás 20.30 horas, iniciarase cunha charla a cargo de Sabela Barcón, profesora do IES María Sarmiento, que versará sobre a vida de Rosalía de Castro. 
 
A continuación, terá lugar unha pequena actuación de poesía e música, na que David Bellas, artista, músico e profesor do Conservatorio Profesional de Música de Viveiro, interpretará diversas pezas musicais e na que se lerán poemas da escritora.
... leer más
Etiquetas:
19/02/2016
Lourenzá acollerá unha charla sobre o infarto de miocardio a cargo do cardiólogo Ramón Ríos Vázquez. Será o 25 de febreiro ás oito e media da tarde.
 
O salón de actos da Casa do Concello de Lourenzá acollerá unha charla sobre o infarto de miocardio a cargo do cardiólogo Ramón Ríos Vázquez, que exerce no Hospital Universitario Lucus Augusti (HULA), de Lugo. Será o día 25 deste mes, xoves, ás oito e media da tarde.
 
A alcaldesa, Rocío López García, anunciou hoxe que este acto “organízao o Concello de Lourenzá en colaboración coa Federación Veciñal Lucus Augusti. A charla terá como tema principal o infarto de miocardio e será impartida polo doutor Ramón Ríos Vázquez, cardiólogo do HULA e membro do equipo do doutor Carlos Juanatey”.
 
A rexedora municipal engadiu que na charla “abordaranse cuestións moi...
leer más
Etiquetas:
12/02/2016
En Cervo a Delegación Municipal de Igualdade e catro asociacións organizan diversos actos para conmemorar o día internacional da muller o vindeiro 5 de marzo.
 
A Delegación Municipal de Igualdade e catro asociacións do municipio de Cervo (Mulleres de San Ciprián, Mulleres en Igualdade, Mulleres Rurais As Espalladoras e Alborada) organizan diversos actos para conmemorar o Día Internacional da Muller o vindeiro 5 de marzo, sábado. O programa de actividades foi presentado hoxe pola concelleira de Igualdade, Pilar Armada, e representantes dos catro colectivos.
 
Os actos empezarán na Casa do Mar, de San Ciprián, ás 17:30 horas cun Café Bombón. Ás seis da tarde haberá unha charla sobre Dinámicas para mellorar a calidade de vida, que será impartida por Reyes Quelle. A continuación, ás 19 horas, terá lugar unha demostración de taichí a cargo da asociación Alborada. Posteriormente as actividades...
leer más
Etiquetas:
28/01/2016
Nordés Faladora aborda nas xornadas "Labregos do século XXI" a praga da couza, que sofre a pataca. Será o 29 e o 30 de xaneiro.
 
Nordés, a asociación polo desenvolvementos das Terras da Faladora sigue incorporando novos contidos ás súas actividades. Nesta ocasión levará adiante unhas xornadas adicadas a un dos productos polos que Galiza ten sona: a pataca, centrándose nun dos meirandes problemas que sofre este tubérculo: a praga da couza, e dende a perspectiva dos labregos do século XXI, aqueles que están comprometidos coa agricultura ecolóxico sin esquecer a tradición.
 
As xornadas terán dous actos diferenciados, sendo o primeiro o venres, 29 de xaneiro, no salón de actos da Casa do Concello de Mañón, e consistirá nunha charla informativa na que compartirán micrófono os labregos Henrique Puentes e Quique Fojón coa técnica da Oficina Agraria Comarcal de...
leer más
Etiquetas:
19/01/2016
Xavier Grandío dará unha charla didáctica sobre "O tarot, historia e natureza". Será o 21 de xaneiro na Librería Bahía, en Foz.
 
Desde Librería Bahía sinalan que "todos os interesados e interesadas no antigo arte do tarot ou todas as curiosas e curiosos que vos chame a atención este tema, tedes unha cita este xoves, 21 de xaneiro, ás oito e media da tarde na Librería Bahía con Xabier Grandío que nos dará unha charla didáctica titulada O tarot, historia e natureza". 
24/11/2015
O 28 de novembro remata no Valadouro o ciclo de conferencias sobre "A loita antifascista na Galiza", que organiza a Concellaría de Cultura.
 
A vindeira fin de semana, remata o ciclo de conferencias sobre “A loita anfascista na Galiza”, organizadas pola Concellaría de Cultura que dirixe Eduardo Chao.
Nesta ocasión tócallle o turno a Manuel Monge que pronunciará a conferencia que levará por título “A recuperación da memoria democrática. A historia secuestrada polo franquismo”. 
O acto será o vindeiro sábado, 28 de novembro, ás 20:00 horas no salón de actos do centro socio-cultural, xuvenil e da terceira idade Manuel Lourenzo de O Valadouro. A entrada, como de costume, é de balde.