Foz
A asociación cultual A Pomba do Arco organiza o mércores, 13 de xuño, ás 20:30 horas no salón de actos do Cenima, unha palestra sobre as formacións xeolóxicas da Mariña que correrá a cargo do xeólogo Xoán Ramón Vidal Romaní.
O conferenciante é un dos grandes coñecedores dos estudos xeolóxicos en Galicia e con diversos traballos sobre a realidade xeolóxica da comarca da Mariña. Destacan, entre os seus traballos recentes, as súas investigacións sobre a formación da Praia das Catedrais, e é autor de diversos estudos encargados pola Xunta de Galicia para analizar a situación do conxunto natural.
Xoán Ramòn Vidal Romaní, profesor emérito de xeoloxía na Universidade da Coruña e membro numerario da Real Academia Galega das Ciencias, fará un repaso pola historia xeolóxica da Mariña, significando aquelas formacións...
leer másO vindeiro domingo, 10 de xuño, terá lugar a carreira A Mariña Mediolanum 15K entre Burela e Foz. A proba presentouse esta mañá en Burela nas inmediacións do areal do Cabaliño.
A saída será ás 11 da mañá desde as inmediacións do Activity Center, en Burela, e a chegada será na praza Conde Fontao, de Foz. A proba é a segunda do circuíto 15K series Banco Mediolanum. Esa xornada tamén terá lugar unha andaina popular con saída ás 10 da mañá. Desde a organización subliñan que haberá autobuses gratuítos desde o peirao de Foz, tanto antes como despois da devandita proba.
Haberá 3 premios para os primeiros clasificados absolutos nas categorías masculina e feminina. O primeiro será de 200 euros, o segundo de 150 euros e o terceiro de 100 euros.
No acto de presentación Serafín Martínez, director...
leer másO Pico da Frouxeira acollerá unha recreación histórica o día 8 deste mes, venres. O acto, que é para todos os públicos con entrada gratuíta, comezará ás 21 horas, pero o público debe estar no lugar con media hora de antelación como mínimo porque o acceso ao escenario da representación pecharase 30 minutos antes do inicio do evento. Titúlase A historia cobra vida na Frouxeira e está organizado polos concellos de Alfoz e Foz.
Ese mesmo día, pero ás 11 e media da mañá, na Frouxeira haberá outra recreación histórica, pero neste caso dirixida aos alumnos e alumnas de 5º e 6º de Primaria dos colexios de Alfoz e Foz.
Os organizadores explican que se trata dun acto dos concellos de Foz e Alfoz para a promoción da Frouxeira, iniciativa que se suma á sinalización dunha ruta e dun miradoiro nese lugar, actuación que conta...
leer másO Centro Comercial Aberto de Foz colabora cunha campaña solidaria a favor da AECC (Asociación Española de Loita Contra o Cancro) que se desenvolverá do 1 de xuño ao 31 de xullo. Denomínase Colabora dulcemente. As pastelerías Amarena, Anduriña e Xoyma porán á venda galletas solidarias ao prezo de 2 euros co fin de recadar fondos para a delegación local da AECC.
A campaña foi presentada hoxe por Ángeles Piñeiro, de Xoyma; Ángeles Casas, de Amarena; Moncho Castro, de Anduriña; e Toñita García Fra, presidenta da AECC de Foz.
Desde o Centro Comercial Aberto de Foz fan unha chamada á solidariedade e á colaboración doce con esta causa “mercando estas ricas galletas en calquera das pastelerías que participan na campaña. Calquera de nós pode precisar da axuda da AECC nalgún momento”.
Os Sendeiros de Foz, en colaboración coa Escola Galega de Alta Montaña, organiza un curso de montañismo estival durante o mes de xuño.
O obxectivo da actividade é iniciar aos participantes no montañismo para chegar a realizar con autonomía e seguridade itinerarios sinxelos por montaña, non balizada, en terreos non nevados. O lugar de celebración será na comarca de Foz, e o sitio e a data poderán variar en función das condicións meteorolóxicas.
O prezo é 70 euros para as persoas federadas e 78€ para as non federadas, debendo aboarse na conta do Banco Sabadell. O aloxamento correrá a cargo de cada un, e a organización recomenda que a manutención sexa coa comida típica de monte e bebida que terá que levar á montaña cada día. Para o transporte os organizadores suxiren compartir coche co fin de facer un uso racional do...
leer másA Delegación de Cultura do Concello de Foz programa para os vindeiros días actividades de música e teatro.
Mañá, xoves, a compañía Ubú Teatro interpretará a obra Leonardo e os fontaneiros, de María Victoria Moreno, escritora homenaxeada este ano no Día das Letras Galegas. A actuación terá lugar na Sala Bahía ás 11:00 horas con entrada gratuíta e está dirixida a alumnos e alumnas de 5º e 6º de primaria.
Este venres, 25 de maio, dentro das actividades do Festival de Voces Xóvenes actuará o grupo vocal Entrelas de A Coruña. Terá lugar na igrexa parroquial de Foz ás 20:30 horas. A entrada é gratuíta.
E o sábado 2 de xuño na escola de música focense haberá unha masterclass impartida por Pablo Castaño, saxofonista, arranxista e compositor que exerce a docencia no Conservatorio de Grado Medio de...
leer másA asociación cultural A Pomba do Arco en colaboración coa Mesa pola Normalización Lingüística organiza o sábado, 26 de maio, a partires das 12:00 h enfronte da Casa do Mar de Foz unha xornada lúdica artística dedicada ao público infantil que ten como obxecto divulgar, dar a coñecer e achegar aos máis novos aos nosos escritores.
O acto, que no caso de choiva se trasladaría as instalacións da propia Casa do Mar, consistirá en colorear por parte dos cativos e das cativas presentes undepregábel onde aparecen rostros de diversos escritores galegos, personaxes da súa obra así como diferentes espazos singulares das súas localidades natais.
O despregábel, elaborado pola Mesa pola Normalización Lingüística baixo o título d´O país das letras. é un poster xigante de 100 x 70 cm realizado polo recoñecido ilustrador galego...
leer másA asociación cultural A Pomba do Arco organiza o xoves, 24 de maio, ás 20:30 horas, unha charla no Centro Social “A Saíra” de Nois, titulada “A propiedade da terra en Nois”, que correrá a cargo do estudoso local Antonio Sixto.
A palestra de Antonio Sixto, acompañada dunha introdución de Xoán Ramón Fernández Pacios, pretende achegarnos a unha etapa da historia de Nois, concretamente a aquela na que os veciños da localidade se fixeron donos da propiedade da terra.
Todo está listo para a cea de conmemoración do 30 aniversario da creación de Acia Foz, que terá lugar mañá, mércores, a partir das 21:30 horas no hotel restaurante Leytón.
Ao acto asistirán a directora xeral de Comercio da Xunta, Sol Vázquez, o presidente da Federación Galega de Comercio, José Mª Seijas, o delegado territorial da Xunta en Lugo, José Manuel Balseiro, a responsable da Área de Economía da Deputación de Lugo, Mayra García, o presidente da Mancomunidade de Municipios de Mariña, Alfredo Llano, o alcalde de Foz, Javier Castiñeira, así como edís dos diferentes partidos con representación no Concello focense. Exercerá como anfitrión o presidente de Acia/CCA, José Carlos Paleo, xunto ao resto da directiva da asociación que acaba de renovar por outros catro anos.
Na cita renderase homenaxe a Suso Fernández...
leer másOs Sendeiros de Foz organiza unha ruta por Somiedo ao Pico Cornón. Será o 27 de maio, xunto á asociación Rebollín de Salas, que serán os seus guías.
A saída será ás 6:30 horas, da Praza de Galicia.
O prezo é 30 euros para os socios federados, 35€ para os socios non federados e 40 euros para os non socios. Inclúese a merenda-cea ao remate e o ingreso debe facerse en conta bancaria. Para participar é obrigatorio anotarse e pode facerse nos teléfonos 606 718 482 e 670 369 017, ou no e-mail ossendeiros@yahoo.es. O prazo límite para inscribirse é o mércores 23 de maio.
A organización informa que o nivel de dificultade da ruta é medio, e recomenda levar equipo de sendeirismo.
Colabora con esta actividade o Concello de Foz....
leer más