Magosto
O día 15 de novembro, venres, na Praza do Concello de Trabada desde as 21 horas celebrarase a festa tradicional desta época do ano, o magosto. Está organizado pola asociación cultural O Picato, que anuncia: “contaremos con carpa, mesas e sillas para uso durante a cea e música a cargo de El Puma”.
Haberá castañas gratis e venderán racións de callos, pastelón de bonito e lacón asado.
Os tickets para a comida estarán á venda no mesón Camiño Norte e no supermercado Spar Express Trabada.
O colectivo Pensamento e Sementeira, de Viveiro, organiza un magosto para este sábado, 2 de novembro
O colectivo Pensamento e Sementeira, de Viveiro, organiza un magosto para este sábado, día 2 de novembro. Será na Casa do Forno, de Celeiro, dende ás 17:00 da tarde.
“Ven gozar dunha xornada chea de tradición, música e bo ambiente no noso magosto Popular. Temos o plan perfecto para todas as idades!”, anuncia a organización.
O programa de actividades inclúe “obradoiro de baile tradicional (Nivel iniciación): aprende uns pasos básicos do noso baile tradicional con Cris Canosa e prepárate para botar uns puntos ao ritmo da música en directo. É precisa a inscrición no obradoiro de baile a través da seguinte ligazón: https://forms.gle/...
leer más
A Asociación de Veciños e Veciñas de Santa Comba da Órrea, no concello de Riotorto, organiza un magosto este sábado, día 2 de novembro. Será desde as 20:00 horas no local social.
Haberá degustación de castañas, liscos e chourizos fritos. Os gastos cubriranse “seguindo o estilo de Ribadeo”, explica a organización, que tamén anuncia que para participar é necesario anotarse previamente no Whastapp 650.558.750. O prazo remata este mércores, 30 de outubro.
A localidade de Vilela, no concello de Ribadeo, celebrará un magosto con concurso de tortillas de pataca o día 2 de novembro, sábado.
A partir das 20:00 horas haberá degustación de castañas, torrezmos e as tortillas que se presenten ao concurso. A participación é aberta a todos os veciños de Vilela e haberá premios sorpresa para ó primeiro, segundo e terceiro posto.
Para asistir ao magosto a organización prega inscrición previa. O prezo é de 5 euros por persoa.
A Asociación Veciñal de Mor, no concello de Alfoz, organiza un magosto para o día 26 de outubro, sábado, a partir das 18:00 horas no pavillón de Alfoz.
“O próximo sábado 26 de outubro celebramos o magosto. Será cunha merenda composta de empanada, bolo preñado, castañas, viño e auga”, anuncia a Asociación Veciñal de Mor.
Para os socios do colectivo organizador e nenos ata 10 anos será gratuíto. Para os acompañantes dos socios e non socios o prezo é de 5 euros por persoa.
Para participar hai que inscribirse e o prazo remata o 23 de outubro.
A asociación Irmandade San Caetano, de Celeiro de Mariñaos (Barreiros), organiza un magosto para este domingo, 26 de novembro, nas escolas desa parroquia.
As actividades empezarán ás 13:00 horas cunha sesión vermú amenizada polo grupo Condensadores de fluzo. Ás 14:00 horas comezará a comida, na que servirán empanada, bolo preñado, panceta, castañas asadas, pan, viño, refrescos e café. O prezo é de 15 euros e para participar hai que reservar antes do venres. O evento rematará cunha chocolatada.
A organización anuncia que “o domingo 26 nas Escolas de Celeiro de Mariñaos despediremos o mes de novembro cunha xuntanza das que nos gustan: comida, bebida, música e bo ambiente”.
A Escola Oficial de Idiomas de Ribadeo celebrará un magosto este xoves, 16 de novembro, ás 18:00 horas. Será diante das instalacións do centro educativo.
Haberá castañas asadas e actuación de música tradicional a cargo da asociación ribadense Amigos da Gaita Galega.
A asociación de veciños Fontes Claras, da parroquia de San Pedro, no municipio de Viveiro, organiza un magosto para este sábado, 11 de novembro, a partir das 21:00 horas. Será no campo da festa, que estará cuberto cunha carpa.
Haberá castañas asadas, xamón cocido, chourizos, panceta á brasa, viño e refrescos. A música correrá a cargo dun dúo. O prezo para os socios do colectivo veciñal é de 10 euros e os que non o son teñen que pagar 15 euros.
Para asistir hai que reservar previamente a través do teléfono 628.04.12.15.
A asociación de veciños Irmáns Vilar Ponte, da parroquia de Bravos (Ourol) organiza un magosto para o 11 de novembro, sábado. Será no seu local social a partir das 21:00 horas.
Haberá cachelos, torresmos, chourizos e castañas de balde. E baile amenizado polo dúo Samba.
A asociación Amigos da Gaita Galega, de Ribadeo, prepara un magosto para o sábado 11 de novembro a partir das 18:00 horas. Será na rúa Rodríguez Murias da vila ribadense, que está na zona coñecida como Cuatro Calles.
Os organizadores anuncian que haberá castañas, chocolate quentiño e moita música.
- « primero
- ‹ anterior
- 1
- 2
- 3
- 4
- 5
- 6
- 7
- siguiente ›
- última »