Maxia

Etiquetas:
01/08/2016
Este venres, 5 de agosto, chega a Barreiros un espectáculo de teatro musical mesturado con maxia cómica. Está destinado a todos os públicos.
 
O centro sociocultural Manuel Díaz Sampedro acollerá este venres, 5 de agosto, un espectáculo de teatro musical mesturado con maxia cómica. Animar-T representará “Laia, aprendiz de maga” a partir das 12:30 horas. Trátase dunha cita para todas as idades e enmárcase no programa Cultura no Camiño da Xunta de Galicia. 
 
A historia conta “a admiración de Laia polo seu avó mago, vese destruída pola decisión de seu pai de levar ao avó a unha residencia. Laia fai o posible para conseguir que o avó regrese á casa”.
 
O espectáculo está organizado pola Agadic e a Xunta e conta coa colaboración do Concello de Barreiros a través da Delegación Municipal de Cultura e...
leer más
Etiquetas:
11/07/2016
O programa de actos do festival Gadélica, de Cervo, inclúe actuacións musicais, exposicións, recitais, charlas temáticas e maxia. Será do 29 ao 31 de xullo.
 
O programa de actos de Gadélica foi presentado hoxe na Casa do Concello Cervo. Este primeiro Encontro Contemporáneo e Interdisciplinar de Arte e de Cultura de Vangarda terá lugar en Sargadelos do 29 ao 31 deste mes de xullo. Haberá actuacións musicais, exposicións plásticas, recitais poéticos, charlas temáticas e espectáculos de maxia, entre outras actividades. A entrada para todos estes actos será de balde.
 
O alcalde, Alfonso Villares, manifestou que “vai ser o primeiro encontro contemporáneo e interdisciplinar de arte e de cultura de vangarda e ímolo facer en Sargadelos, lugar que foi ao longo da súa historia vangarda en moitas cousas. Xa con Ibáñez, hai máis de dous séculos, coa instalación da fundición que se puxo en Sargadelos...
leer más
Etiquetas:
06/07/2016
O Parque de San Francisco, en Ribadeo, acollerá o 7 de xullo maxia, pallasos e música dentro do programa Vive o Camiño.
 
Mañá, 7 de xullo, a partires das 19:30 horas, o Parque de San Francisco acollerá actividades de maxia, pallasos e música dentro do programa Vive o Camiño da Consellería de Cultura da Xunta. 
 
O concelleiro de Cultura de Ribadeo, Farruco Graña, anunciou que “este xoves ás sete e media da tarde, vai botar andar no Parque de San Francisco, un serán cheo de entretemento e diversión para o público familiar con actuacións ben diversas e todas elas cun claro obxectivo, facernos pasar uns bos momentos. Unha tarde de verán de comezos do mes de xullo chea de maxia, pallasos e música”.
 
O edil nacionalista contou que “estas actividades están encadradas dentro do...
leer más
Etiquetas:
20/06/2016
O Mago Antón ofrecerá 5 actuacións este venres, día 24, no seu auditorio móbil, que estará instalado na praza César Chavarría, en Lourenzá.
 
O Mago Antón ofrecerá 5 actuacións este venres, día 24, no seu auditorio móbil, que estará instalado na Praza César Chavarría, de Vilanova de Lourenzá.
 
As funcións serán a estas horas: 13:00, 18:00, 19:00, 20:00 e 21:00. En cada sesión hai capacidade para unhas 70 persoas e a entrada é gratuíta.
 
Esta actividade encádrase dentro do programa Cultura no Camiño, que pon en marcha a Xunta de Galicia a través do AGADIC. A Concellería de Cultura laurentina anima a asistir a este espectáculo e a gozar dunha tarde de ocio e maxia da man do Mago Antón.
 
 
Etiquetas:
29/05/2016
Barreiros, Lourenzá, Ribadeo e Trabada serán escenario de varios espectáculos do programa "Cultura no Camiño", do Agadic e Turismo de Galicia.
 
A actuación musical Ao encontro de Martín Códax, de Xoan Curiel, abriu en Trabada a programación da cuarta edición de Cultura no Camiño na comarca da Mariña. 
 
Este ambicioso proxecto, promovido pola Axencia Galega das Industrias Culturais (Agadic) e Turismo de Galicia, percorrerá con 14 espectáculos máis os concellos mariñáns da ruta do Norte ao longo dos vindeiros meses, xirando polos municipios de Barreiros, Lourenzá, Ribadeo e Trabada.
 
O obxectivo do programa é incentivar a distribución de produtos culturais galegos nos diferentes concellos vinculados ao Camiño de Santiago e facer chegar a cultura á cidadanía mediante eventos e actividades...
leer más
Etiquetas:
14/04/2016
Cultura no Camiño levará 15 espectáculos aos concellos mariñáns da Ruta do Norte. Participan: Barreiros, Lourenzá, Ribadeo e Trabada.
 
A cuarta edición do programa Cultura no Camino levará 15 espectáculos nos vindeiros meses aos concellos mariñáns da ruta do Norte. Este ambicioso programa está promovido pola Axencia Galega das Industrias Culturais (Agadic) e Turismo de Galicia e figura xa como un evento consolidado que dende o seu comezo, no ano 2013, practicamente triplicou o seu orzamento, as compañías participantes e as actuacións contratadas.
 
A delegada territorial, Raquel Arias, presentou hoxe este proxecto, que xirará por 24 concellos da provincia ofrecendo en total 92 espectáculos de maxia, teatro, circo e música para todos os públicos. Os concellos mariñáns participantes son Barreiros, Lourenzá, Ribadeo e Trabada.
... leer más
Etiquetas:
11/02/2016
Maxia e música son as dúas propostas do Concello burelés para os días 13 e 14 de febreiro. Luis Boyano e María do Ceo ofrecerán sendos espectáculos na Casa da Cultura.
 
Maxia e música son as dúas propostas do Concello burelés para a vindeira fin de semana. O edil José Díaz confirmou hoxe que xa quedan poucas entradas en venda anticipada para o concerto que María do Ceo ofrecerá o domingo na Casa da Cultura.
 
O sábado, 13 de febreiro, a maxia será a protagonista en Burela. Luis Boyano deleitará ao público infantil e familiar co espectáculo 30 anos de maxia e humor. O prezo da entrada é de 2,5 euros. O concelleiro de Cultura dixo que “Luis Boyano es un mago muy conocido en Galicia. Su espectáculo es muy divertido y resultará muy interesante y agradable para los asistentes”. O público gozará participando durante unha hora das imaxes e propostas que se lle ofrecerán en forma de xogos e sketchs máxicos...
leer más
Etiquetas:
25/11/2015
Finaliza o Mes da Maxia, que organizou a Mancomunidade de Municipios da Mariña, con menús e actuacións en catro restaurantes de Ribadeo, Burela, Cervo e Alfoz.
 
O venres e o sábado, 27 e 28 de novembro, catro restaurantes da comarca acollerán a cuarta edición do Mes da Maxia, que organiza a Mancomunidade de Municipios da Mariña lucense en colaboración coa Axencia de Turismo de Galicia, da Xunta, e que se desenvolveu dende a última fin de semana de outubro. Remata un mes de maxia e gastronomía que fixo as delicias dos asistentes. 
O venres, 27 de novembro, o restaurante Casa Pepe “O Piano” de Ribadeo preparará un menú de cadea máxica (milfollas de polbo e minitosta de chicharro en salmoira), apócima branca (bacallao pil-pil), claro de lúa (queixada de ibérico ao Mencía) e pedras filosofais (trufas de chocolate). Actuará o mago Teto logo da cea. 
Tamén o 27 haberá menú máxico no Mis en Plas de...
leer más
Etiquetas:
18/11/2015
Continúa o Mes da Maxia os días 20 e 21 de novembro en restaurantes de Cervo, Viveiro, Mondoñedo e O Vicedo.
 
O venres e o sábado, 20 e 21 de novembro, respectivamente, continúa en catro restaurantes da comarca a cuarta edición do Mes da Maxia, organizada pola Mancomunidade de Municipios da Mariña lucense en colaboración coa Axencia de Turismo de Galicia, da Xunta. En total participan 20 restaurantes nesta iniciativa, xa consolidada entre as propostas de outono da comarca. 
O venres, 20 de novembro, haberá menú máxico no Restaurante Buenavista, en Cervo. Alí os que acudan poderán degustar embruxo do mar (croquetas e paté de ourizo), pedras mariñas (rodaballo con améndoas), feitizo da terra (redondo de tenreira en prebe de mazá) e o truco da chistera (copa de tiramisú). Actuará o mago Pedro Bugarín.
Ese mesmo venres tamén haberá menú máxico...
leer más
Etiquetas:
11/11/2015
Continúa o Mes da Maxia os días 13 e 14 de novembro en Cervo, Barreiros, Ourol e Ribadeo.
 
O venres e o sábado, 13 e 14 de novembro, respectivamente, prosegue en catro restaurantes da comarca a cuarta edición do Mes da Maxia, que organiza a Mancomunidade de Municipios da Mariña lucense en colaboración coa Axencia de Turismo de Galicia, da Xunta. Participan 20 restaurantes nesta iniciativa, que xa é unha cita consolidada entre as propostas de outono da comarca. Grazas a este programa, os comensais gozan dos menús máxicos preparados polos locais xunto aos espectáculos dos magos Teto, Rafa e Charly. A cita prolongarase ata o 28 de novembro. 
O venres, 13 de novembro, haberá menú máxico no restaurante Río de Oro, en Cervo. Alí os que acudan poderán degustar os conxuros do mestre (polbo con vinagreta de mango e crema de cabaza con sorpresa), embruxo da terra sobre o...
leer más