Maxia
Tras a semana de Noiteboa, o Concello de Viveiro continúa co seu programa de Nadal estes días.
Para mañá, martes, 28 de decembro, o programa inclúe un espectáculo de maxia ás 20:30 no Teatro Pastor Díaz. Cómpre reservar a entrada no teléfono 982560162 ou no e-mail: rbg.cultura@viveiro.es
O mércores, 29 de decembro, organízase o pasarrúas da Banda Naval de Viveiro, a partir das 19:00 horas nas rúas da vila.
O xoves, 30 de decembro, celébrase o concerto da Banda de Música de O Landro, ás 20:30 horas na Igrexa de San Francisco.
E para despedir o ano o venres, 31 de decembro, organízase a troula de fin de ano con “Los Alcántara”, na Praza Maior de 13:30 a 15:30.
O Teatro Pastor Díaz, de Viveiro, acollerá o 28 de decembro unha Gala da Maxia.
A gala dará comezo ás 20:30 horas e contará coa participación dos magos Alejandro Revuelta, Martilda, Mago Paco e Mago Rafa. O prezo da entrada é de 5 euros e 3 euros para estudantes e xubilados. A reserva de entradas pódese facer a través do teléfono 982 560 162 ou rbg.cultura@viveiro.es.
O mentalista Alejandro Revuelta presenta un espectáculo baseado na nova visión do mentalismo, a través da palabra e do verso, e ven de ser galardoado en certames como Mundeca 2014.
Martilda mostra un espectáculo para toda a familia non falto de humor e reivindicación.
O Mago Paco é un dos magos galegos especializado en maxia infantil e presenta...
leer más
O salón de actos da Casa da Cultura do Valadouro acollerá este sábado, 9 de xaneiro, ás 19:00 horas a actuación do mago David Méndez.
Esta actividade está incluída no programa cultural de Nadal organizado pola Deputación de Lugo.
O salón de actos ten limitado o aforo conforme ás normativas para facer fronte á pandemia do COVID-19 e pódese reservar a entrada chamando ao 982.57.15.16.
O Mago Rafa actuará no salón de actos da Casa da Cultura de Alfoz o luns, 4 de xaneiro, a partires das 18:00 horas.
O espectáculo leva por título A Nova Maxia-Lidade e naceu na soidade do local de ensaio do Mago Rafa onde pasou oitenta días confinado desenvolvendo unha montaxe para a volta á nova normalidade, pero nada é normal. Trátase dunha función para o desfrute familiar e comprometida cunha cultura segura e exemplar.
Esta actuación, organizada polo Concello de Alfoz, está subvencionada pola Área de Cultura da Deputación Provincial de Lugo.
O Concello de O Vicedo continúa coa súa programación de Nadal coa actuación do Mago Deimi, que terá lugar o vindeiro domingo, 3 de xaneiro, ás 18:00 horas na Casa da Cultura.
Trátase dun espectáculo de maxia variada e divertida, moi dinámica e cun toque de humor e desenfado que encaixa á perfección co público familiar. Destaca a técnica deste mago con moita experiencia e dilatada traxectoria en cartomaxia, manipulación, escapismo, mentalismo, levitacións, aparicións e desaparicións, maxia con lume e transformacións, entre outros. Toda a montaxe está acompañada de grandes doses de retranca e música de fondo para marcar o ritmo dun espectáculo no que é fundamental a participación do público.
Manteranse as medidas establecidas por Sanidade e o aforo estará limitado a 60 persoas ás que se lles vai ir asignando butaca...
leer más
O Teatro Pastor Díaz, de Viveiro, acollerá o vindeiro mércores, 30 de decembro, Ghop de Teatro Circo. A actuación dará comezo ás 12:00 horas.
Trátase dun espectáculo de teatro de rúa, incluído na programación de Nadal 2020 da Deputación Provincial, cheo de maxia, monicreques e baile coa colaboración do público.
A reserva de entradas pódese facer no teléfono 982 56 01 62 ou en rbg.cultura@viveiro.es. A entrada é de balde.
A Concellería de Cultura de Burela programa para este sábado, 12 de decembro, a actuación do Mago Rafa co seu novo espectáculo Shukran, que terá lugar na Casa da Cultura ás 20:30 horas.
É unha función para desfrutar en familia co obxectivo de que sexa unha festa, polo que priman a alegría, a diversión e as sorpresas.
Despois de máis de vinte anos percorrendo diferentes escenarios e prazas coas súas actuacións, o equipo do Mago Rafa quere agradecer a enorme felicidade que sinte cada vez que sube ao escenario. Así nace este novo espectáculo, adaptado aos novos tempos, coa paixón, elegancia e profesionalidade que de sempre caracterizan ao Mago Rafa.
As entradas estarán á venda na billeteira do auditorio a partires das 17:30 horas. A actividade conta coa colaboración da Rede de Teatros e...
leer más
O Concello de Alfoz organiza a A Maxia da Igualdade a cargo de David Méndez. Será este sábado, 26 de setembro, ás 20:00 horas, na Casa da Cultura.
É un espectáculo didáctico no que, a través dunha escenificación máxica versátil e áxil, a maxia convértese nunha ferramenta de fomento da igualdade, ao facilitar o desenvolvemento de factores como a autoestima, a creatividade ou as habilidades sociais, que poden previr determinados comportamentos. Non se trata dunha fórmula máxica senón dunha ferramenta máis de prevención.
A actividade enmárcase na campaña Ler conta moito a través da Rede de Bibliotecas Públicas.
Os Xardíns Noriega Varela de Viveiro acollerán este domingo, 20 de setembro, o espectáculo do Mago Antón Micromaxias, dentro do programa Cultura no Camiño.
Haberá actuacións ás 12:00, ás 13:00, ás 14:00, ás 17:30, ás 18:30, ás 19:30 e ás 20:30 horas. A duración do espectáculo é de 45 minutos.
O Mago Antón emprendeu no 2018 unha nova aventura no magomóbil coa idea de achegar a maxia a todos os concellos de Galicia. O vehículo está deseñado para a presentación de espectáculos de maxia para un máximo de 30 espectadores por función.
A reserva anticipada de entradas pode facerse a través do teléfono do Teatro Pastor Díaz 982 560 162 ou en rbg.cultura@viveiro.es
O 26 de setembro ás 18:00 horas no Teatro Pastor Díaz Baobad...
leer más
Esta fin de semana remata o 8º Mes da Maxia, que organiza a Mancomunidade de Concellos da Mariña Lucense baixo o convenio asinado coa Axencia de Turismo de Galicia. O evento chega os días 29 e 30 de novembro a Barreiros (A Yenka), a Viveiro (O Val do Naseiro), a Cervo (O Almacén) e a Ribadeo (O Cabazo).
O Mes da Maxia comezou o pasado 25 de outubro e remata xa o 30 de novembro. No evento participaron 17 establecementos hostaleiros: restaurantes, hoteis e casas de turismo rural de distintos concellos da Mariña Lucense e 4 Magos: Rafa, Teto, Kiko e Pi.
Desde a Mancomunidade de Concellos da Mariña Lucense amósanse satisfeitos do discorrer desta cita, que estivo e está a reunir a moitos amantes da maxia e da boa gastronomía arredor dunha mesa cada fin de semana.
Os locais que acollen o Mes...
leer más- « primero
- ‹ anterior
- 1
- 2
- 3
- 4
- 5
- 6
- 7
- siguiente ›
- última »