Nadal

Etiquetas:
12/12/2025

Este domingo, día 14 de decembro, ás 20:30 horas o atrio da Igrexa de Vilaronte  converterase no punto de encontro para dar a benvida ao Nadal nesta parroquia do municipio de Foz.

Este evento está organizado pola Asociación Cultural O Atrio, que anuncia: “celebrarase o acendido oficial das luces, un momento especial que cada ano reúne á veciñanza nun ambiente cheo de emoción e tradición. A xornada contará cunha actuación musical en directo a cargo de A Subela e para entrar en calor nada mellor ca chocolate con churros quentiños e caldo de pita, preparados para que todos poidan gozar dunha tarde acolledora e festiva”.

A asociación O Atrio tamén dá a coñecer que “xa está en marcha o concurso de decoración exterior Vilaronte énchese de luz!. Este Nadal queremos que Vilaronte brille coma nunca: a asociación O...

leer más
Etiquetas:
11/12/2025

O Concello de Burela anuncia que a chegada das datas de Nadal trae consigo un calendario cheo de propostas que combina cultura e celebracións abertas á veciñanza en Burela.

O primeiro encontro terá lugar este sábado, 13 de decembro, na praia da Marosa, onde o Burela Surf Club convoca unha actividade aberta a partir das 16:30 horas. Haberá unha pequena sesión de surf con gorro de Papá Noel acompañada de chocolate quente, unha proposta gratuíta á que pode sumarse calquera persoa, aínda que non practique surf.

O mércores 17 ás 20:00 horas o Auditorio Municipal acollerá o Concerto de Nadal da Escola de Música de Burela e o 19 de decembro ás 21:00 horas o Grupo de Teatro A Adala porá en escena o espectáculo para adultos Marina Club. O día 20 celebraranse o Concerto de Panxoliñas da Coral Polifónica de Burela e...

leer más
11/12/2025

A parroquia de Celeiro de Mariñaos, no municipio de Barreiros, inaugurará a súa iluminación de Nadal este sábado, día 13 de decembro, ás 19:00 horas.

A Asociación de Veciños Celeiro de Mariñaos anuncia: “xa é Nadal en Celeiro. Gran inauguración da iluminación de Nadal. Convidámosvos a toda a veciñanza a vivir un momento máxico! Acende as túas ganas de festa e ven dar a benvida ao Nadal connosco. O vindeiro sábado, 13 de decembro, ás 7 da tarde nas Escolas de Celeiro. Haberá chocolatada para todos, un doce agasallo para quentar o corpo e o corazón mentres as luces comezan a brillar”.

Etiquetas:
11/12/2025

O Concello de Viveiro porá en marcha este Nadal o programa Divernadal’25, unha proposta de actividades de lecer dirixida a nenos e nenas de Educación Primaria. O programa desenvolverase os días 22, 23, 24 e 26 de decembro no pavillón Antonio Tarrío, en horario de 10.30 a 13.30 horas.

“O Divernadal’25 ten como finalidade ofrecer un espazo de xogo e convivencia durante as vacacións de Nadal, con actividades adaptadas ás idades do alumnado de Primaria”, anuncia o Concello de Viveiro, que engade: “as persoas interesadas poden inscribirse nos formularios que poden descargarse na web municipal ou recollerse na Conserxería ou na OMIX. O total de prazas ofertadas é 60. O prazo de inscrición remata o venres 12”.

Etiquetas:
10/12/2025

Acia Foz-CCA sorteará 10 Soños de Nadal o vindeiro 8 de xaneiro, xoves. A campaña terá lugar do 12 de decembro ao 6 de xaneiro.

O presidente da asociación focense, José Carlos Paleo, anuncia: “xa está en marcha a nosa campaña destas datas na que sortearemos 10 Soños de Nadal. Será entre todas as persoas que realicen compras superiores a 10 euros nos negocios asociados ente o 12 de decembro e o 6 de xaneiro”. O día 8, a través de Radio Foz, terá lugar o sorteo de 10 premios de 100 euros cada un en vales de compra.

Paleo anima “a seguir apostando polo comercio local, que é o que lle da vida ás nosas rúas e ao noso pobo. En Foz atoparemos todo o que precisamos para sorprender nestas datas e para que un soño de Nadal se faga realidade”.

Acia Foz-CCA encheu de color e de ilusión a vila co...

leer más
Etiquetas:
09/12/2025

A Escola Municipal de Música e Danza (EMMeD) de Ribadeo celebrará este sábado, 13 de decembro, ás 11:30 e ás 18:00 horas no Auditorio Municipal Hernán Naval, o seu tradicional Festival de Nadal. A sesión matinal contará coa participación do alumnado máis pequeno, mentres que na quenda da tarde actuarán as grandes agrupacións das distintas especialidades instrumentais e de danza.

O programa incluirá panxoliñas e outras pezas de música moderna e tradicional. Desde a dirección destacan que “o Festival de Nadal é, xunto co de fin de curso, o que máis éxito ten tanto entre o alumnado coma entre o público, por iso cada ano apostamos por incorporar novidades no repertorio e na posta en escena”.

“Un ano máis, o evento terá unha importante dimensión solidaria. Entre este martes, día 9, e o sábado a Escola recollerá...

leer más
Etiquetas:
08/12/2025

Ribadeo acolle ata o día 6 de xaneiro, martes, un Rastrillo de Nadal, organizado pola Asociación Española Contra o Cancro.

Está situado na Rúa Viejo Pancho, número 1, baixo, no casco vello da vila ribadense.

Etiquetas:
07/12/2025

O Concello de Cervo organiza para este Nadal unha nova edición do programa Cervo Concilia, que dará comezo o 22 de decembro. Estenderase durante as vacacións de Nadal, finalizando o 7 de xaneiro, en horario de 8:30 a 14:30 horas.

“Este programa, que está dirixido a nenos e nenas de entre 3 e 12 anos, componse dun completo calendario de actividades educativas e lúdicas pensadas para entreter ás crianzas nestas datas de lecer, sen deixar de lado a aprendizaxe e incidindo especialmente no concepto da conciliación das familias”, explica o Concello de Cervo.

As inscricións estarán a disposición das familias na Casa da Cultura de San Ciprián e na Casa do Concello a partir deste martes, día 9 de decembro. O prazo para anotarse remata o 17 de decembro e as prazas son limitadas.

Etiquetas:
06/12/2025

O alcalde de Xove, Demetrio Salgueiro, acompañado da concelleira de Cultura, María Dolores Meitín, veñen de presentar a programación de actividades culturais de Nadal, “deseñada para ofrecer diversión e maxia a toda a veciñanza que queira acercarse a desfrutar nestas datas tan entrañables. O programa cultural para este Nadal desenvolverase ata o 5 de xaneiro e inclúe unha ampla variedade de propostas que combinan tradición e entretemento e pensando sempre en tódalas idades”.

O Concello de Xove anuncia ademais que “relevantes son tamén as actividades propostas dende o Departamento de Emprego e Desenvolvemento Local para este Nadal coa organización da VII Gala do Emprendemento Local, un cabaret guiado por Dani Ríos para tódolos públicos, e do mercado de Nadal O faio de Generosa, que a maiores nos deleitará coa participación do grupo...

leer más
Etiquetas:
05/12/2025

O Concello de Cervo vén de presentar o seu programa de Nadal, unha proposta “ampla e diversa que combina tradición, cultura, deporte e diversión para todos os públicos”.

Na presentación, celebrada na Plaza do Concello, participaron a alcaldesa, membros do equipo de goberno e representantes das asociacións que colaboran na organización das numerosas actividades previstas, “reforzando unha vez máis o carácter participativo e comunitario que define ao noso concello”.

A alcaldesa destacou: “trátase dun programa variado, pensado para que todas as persoas, independentemente da súa idade, poidan atopar propostas para gozar destas festas. É tamén unha forma de dinamizar o noso concello, promover a convivencia e apoiar ao comercio e ao asociacionismo local, que son fundamentais para que Cervo siga medrando con forza”....

leer más