Teatro

Etiquetas:
01/03/2022

A Vicepresidencia da Deputación de Lugo levará a obra teatral “Libre coma os paxaros” de Teatro do Atlántico a Sarria, A Pobra do Brollón, Chantada, Ribadeo e Meira durante os meses de marzo e abril. A xira polas comarcas desta obra, artellada en base a textos da propia Rosalía de Castro, forma parte do programa posto en marcha pola área de Cultura o pasado 23 de febreiro, co que puxo a disposición de concellos e asociacións diversas propostas culturais sobre a figura e obra da poeta.

A vicepresidenta da Deputación de Lugo, Maite Ferreiro, sinalou “o gran interese que concellos e asociacións amosaron por acoller as propostas formuladas desde a área de Cultura arredor de Rosalía e especialmente por esta obra teatral que nos guía pola súa literatura e pensamento, constatando a súa vixencia ” e explicou que “configuramos o calendario...

leer más
Etiquetas:
27/02/2022

O vindeiro sábado, 5 de marzo, ás 18:00 horas será representada na Casa da Cultura de Burela “A nena que vivía nunha caixa de mistos”, a nova proposta de Caramuxo Teatro inspirada no conto “A vendedora de mistos”, de Hans Cristian Andersen. Trátase da terceira parte da triloxía sobre contos populares que comezou con “As fabas máxicas”, continuou con “Feo” (Premio María Casares a mellor espectáculo infantil) e rematará con este espectáculo.

Trátase dunha peza cunha coidada posta en escena e cunha linguaxe contemporánea, utilizando como temática a pobreza infantil.

Unha nena camiña pola rúa dun lugar a outro coa súa caixiña de mistos, a casa onde pasa a noite. Pola mañá sae pola vila para vender mistos a quen os necesite, no día a día coñece unha morea de personaxes e dous pequenos amigos, un vello can e un paxariño...

leer más
Etiquetas:
17/02/2022

Os Náufragos porá en escena "Onde viven os monstros" este sábado, 19 de febreiro, ás 18:00 horas no Teatro Pastor Díaz de Viveiro.

A obra, dirixida a nenos e nenas de 4 a 9 anos, é unha adaptación do coñecido álbum ilustrado de Maurice Sendak na que se exploran a fantasía e a realidade por partes iguais. Narra a historia de Max quen pasa o día facendo trasnadas. A súa nai, cansa desta situación, decide castigalo. Enfadado, Max viaxará ao marabilloso mundo onde viven os monstros, no que vivirá aventuras extraordinarias até converterse en rei. Unha tarefa máis difícil do que el pensaba.

Trátase dun clásico vixente hoxe en día que plasma con grande expresividade os temores e desexos da máis tenra infancia, os monstros que asexan, os incomprendidos enfados e o medo ao abandono e a que os nosos país deixen de querernos...

leer más
Etiquetas:
10/02/2022

O grupo Engruna Teatre porá en escena a obra Sopa de Piedras este sábado, 12 de febreiro, no Teatro Pastor Díaz de Viveiro ás 18:00 horas.

A obra está dirixida ao público infantil a partir de 4 anos.

Sopa de Piedras fala de todas aquelas persoas que foxen da súa realidade en busca dunha oportunidade e chegan a un lugar onde se atopan unha sociedade que non ve ou non quere ver máis aló dela mesma e é incapaza de ver ao recentemente chegado como unha oportunidade e non como unha ameaza. É a historia de Alma, unha nena que ten que fuxir do seu país porque un día ve como o ceo en lugar de cometas énchese de avión. Despois dunha longa viaxe, chega a un lugar descoñecido, onde aparentemente todo o mundo ten de todo, pero ninguén quere compartir nada con ela. Con inxeño e intelixencia fai unha sopa de pedras que...

leer más
Etiquetas:
04/02/2022

A Concellaría de Cultura de Ribadeo anuncia que xa están á venda as entradas para o concerto que Ugia Pedreira ofrecerá  o día 12 de marzo ás 20:00 horas, no Auditorio Municipal Hernán Naval. O prezo da entrada é de 10 euros e pódese reservar en enterticket.es. 

Ademais, este sábado, 5 de febreiro, celebrarase o obradoiro do programa Apego Os Minimundos dirixido a crianzas de 3 a 6 anos. Terá lugar no espazo Apego, na rúa Viejo Pancho, en horario de 12:00 a 13:30 horas. Trátase dunha proposta de xogo baseado na recreación de escenarios da vida cotiá ou hábitats reais ou imaxinarios a pequena escala. As prazas son limitadas e é necesario inscribirse en cultura@ribadeo.org

Este domingo, 6 de febreiro, ás 20:00 horas, no Auditorio Municipal Hernán Naval, Sarabela Teatro porá...

leer más
02/02/2022

O Concello de Viveiro, a través da súa concellería de Cultura, anuncia o programa cultural para os próximos meses no Teatro Pastor Díaz, que se inclúe dentro da Rede Galega de Teatros e Auditorios, ao que se suman outras propostas culturais puntuais organizadas polo Concello de Viveiro. 

O programa inclúe espectáculos para todos os públicos, comezando o próximo sábado 12 de febreiro ás 18:00 con “Sopa de Piedras” de Engruna Teatre dirixido a público infantil dende os 4 anos. Tamén en febreiro, o sábado 19, os nenos e nenas de 4 a 9 anos poderán gozar da obra “Onde Viven os monstros” da compañía Os náufragos. 

A programación para adultos comezará o sábado 5 de marzo, coa obra de comedia “As que limpan” de A Panadería Teatro ás 20:30. O calendario propón hasta o mes de maio diferentes espectáculos, tanto para...

leer más
Etiquetas:
25/01/2022

Os días 29 e 30 de xaneiro chegan ao auditorio de Burela Touriñán e Carlos Blanco con Somos criminais 3. Finalmente serán 3 as funcións que ofrecerán para as que aínda quedan algunhas entradas dispoñibles. O concelleiro de Cultura, José Díaz, subliña que a química entre os dous actores covérteos nunha das parellas humorísticas máis brillantes de España. 

O edil burelés dixo que “este fin de semana tendremos en Burela una nueva actuación de lujo y de mucho nivel con la presencia de Touriñán y Carlos Blanco con Somos Criminais 3. Realmente es la segunda parte pero ellos decidieron jugar así con el título. Ya los tuvimos aquí en Somos Criminais 1, en el año 2019, y ahora vuelven con este espectáculo que recorrió las principales ciudades de Galicia y una vez más Burela está entre los sitios elegidos. Para nosotros es un placer y un honor...

leer más
Etiquetas:
19/01/2022

O 5 de febreiro ás 18:00 horas a compañía Katarsis Educación-Teatro representará na Casa da Cultura de Burela "Pa Cama", un espectáculo non verbal dirixido a nenos e nenas desde 0 ata 5 anos protagonizado por Estíbaliz Veiga e Kevin Stewart.

Trátase dunha exploración de xogos entre dous amigos que antes de durmir descobren un mundo de aventuras que lles distrae do sono. A súa predisposición e inxenuidade lévaos a atopar diversión no máis sinxelo, en todo o que lles rodea, no marco dun ambente tan acolledor coma un dormitorio. Un xogo leva a outro, dende unha pelota ata unhas almofadas que fan de ás para voar, pasando polas sabas axitándose no aire, a toalla enrolándose e desenrolándose, a luz apagándose e acendéndose e uns pequenos monicreques en forma de ollos que se bican. Unha peza que se desenvolve coma se fora unha coreografía de...

leer más
Etiquetas:
18/01/2022

O Concello de Viveiro informa aos seus veciños e veciñas da actuación de Leo Bassi o próximo 29 de xaneiro no Teatro Pastor Díaz ás 20:30 horas. O artista, que presentará o espectáculo “Yo Mussolini”, visitará a cidade do Landro no marco da súa xira por España, actuando tamén noutros puntos de Galicia. 

Leo Bassi é un dos grandes “clowns” do mundo do espectáculo, sendo unha gran referencia no mundo circense. No espectáculo que representará en Viveiro, pretende alertar do perigo que implica o avance da extrema dereita. 

“A súa obra é un alegato á liberdade, a través da cultura transmite valores e recórdanos estes feitos para non repetir os erros do pasado”, subliña Lara Fernández Fernández-Noriega, concelleira de Cultura. 

As reservas de entradas realizaranse no teléfono 982560162 ou no e-...

leer más
Etiquetas:
18/01/2022

A Casa da Cultura de Burela acollerá a representación de Bravas con Isabel Risco. A función terá lugar o 11 de febreiro ás 21:00 horas. O prezo da entrada é de 3 euros.

Trátase do segundo espectáculo unipersoal protagonizado por Isabel Risco no que presenta a súa particular visión da historia das mulleres galegas. Dirixido por Fran Rei reivindica e visibiliza persoaxes femininos da historia e da mitoloxía de Galicia, como María Soliña ou María Castaña, pero tamén a mulleres anónimas que se involucraron en movementos e loitas sociais como as cigarreiras de A Coruña que levaron a cabo a primeira folga feminina en 1831.

Colaboran na organización deste evento: Concello de Burela, Xunta de Galicia, AGADIC, Rede Galega de Teatros e Auditorios e Xacobeo 21-22.