Teatro
O Teatro Pastor Díaz de Viveiro acolle este sábado, 18 de novembro, ás 18:00 horas, a representación de O Faiado.
O Teatro O Cubo presenta esta obra do xénero musical dirixida a un público infantil, maior de 3 anos. Ten unha duración de 40 minutos.
A historia cóntanos como Vera, Roi e Anxo, tres irmáns con xeitos moi diferentes de ver o mundo, tras un acontecemento familiar que pode cambiar o curso das súas vidas, vense na necesidade de chegar a un acordo co cal terán que confrontar os seus idearios. A trama desenvólvese no faiado da casa do seu avó, onde medraron, xogaron e soñaron, alimentados polas moitas historias que este lles conto una súa infancia.
Diversas disciplinas como a música, a danza, o circo e os monicreques, combínanse para desenvolver esta historia dirixida ao público...
leer más
O vindeiro domingo, 19 de novembro, haberá teatro en Barreiros.
Nesta ocasión o grupo Andanzas, de Viveiro, porá en escena a obra Las entretenidas. Será ás 18:00 horas no centro sociocultural Manuel Díaz Sampedro en San Cosme de Barreiros.
Esta actividade está organizada polo Concello de Barreiros a través da Oficina de Información Xuvenil e da Concellería de Cultura. Colabora o grupo de teatro Andanzas de Viveiro.
Pistacatro presenta Outono no Teatro Pastor Díaz de Viveiro este sábado, 11 de novembro, ás 20:30 horas.
Con motivo dos dez anos do nacemento de Pistacatro, esta compañía de novo circo galego da o seu mortal máis arriscado, Outono. Trátase dun novo espectáculo no que reúne aos seus fundadores para celebrar o máis difícil aínda, facerse maior.
Outono é unha homenaxe aos pallasos clásicos contada a través dunha compañía de clowns en plena crise. Un espello no que se miran os artistas e as súas personaxes, unha carpa caída onde se suceden as estacións. Outono é un espectáculo de teatro-circo con música en directo, que nos conta a viaxe nostálxica de catro artistas ao seu pasado. Unha celebración da amizade e dos fracasos, unha reivindicación de ser idiotas, unha mirada poética ao antigo oficio dos pallasos. Un...
leer más
Este sábado, 4 de novembro, ás 19:30 horas terá lugar a primeira representación do I Certame de Teatro Concello de Lourenzá. A obra que abrirá este concurso leva por título A miña muller volveu e será representada pola Asociación Cultural Pico do Castro, de Foz. E o domingo, 5 de novembro, tamén ás 19:30 horas, tócalle o turno á Asociación de Teatro Airiños de Rianxo (A Coruña) coa obra Mass co-medias.
O concelleiro de Cultura, Manuel Arango, explica que “será un xurado formado por sete persoas o encargado de valorar a calidade das obras presentadas a concurso, a actuación dos distintos actores e actrices e a mellor montaxe (decorados, luz, son, vestiario, etcétera). O prezo das entradas para cada unha das actuacións será de 3 euros”.
As actividades comezarán coa proxección da película Siembra na Casa da Cultura este xoves, día 2, ás 20:30 horas. O prezo da entrada é de 3 euros. Esta película, estreada no ano 2015, foi dirixida por Ángela Osorio e Santiago Lozano.
Ao día seguinte, o venres 3, ás 20:30 horas na igrexa parroquial focense haberá un concerto do Coro Xuvenil da Escola de Música de Foz. No mesmo lugar é a mesma hora o venres 10 terá lugar un concerto da Orquestra de Corda do Conservatorio de Viveiro. Tamén o venres 10, pero ás 20:00 horas, no centro social da parroquia de San Martiño haberá teatro a cargo da compañía Pico do Castro, que representará a obra A miña muller volveu.
A programación continuará o sábado 11 con teatro infantil. Ás 18:30 horas na Sala Bahía a compañía Baobab ofrecerá a obra Pum-Pum. Os prezos das entradas son...
leer más
Teatro do Atlántico presenta Xuízo a unha lurpia este sábado, 4 de novembro, ás 20:30 horas, en Viveiro. Será no Teatro Pastor Díaz. A obra está protagonizada por María Barcala.
Baixo a dirección de Xulio Lago, esta obra de Miguel del Arco adaptada por Inma López Silva, atopámonos coa bela Helena de Troia pero no século XXI. Helena é agora unha muller con certos signos que nos falan do implacable paso do tempo aínda que cunha enerxía desbordante transitando, habitando nunha especie de tobogán emocional transitado polos intensos episodios da súa travesía vital. Nesa vida mestúranse a dor da nena violada por Teseo coa dor da esposa obrigada por Menelao, a paixón da amante namorada do fermoso Paris co desafío e o rencor polo seu pai Zeus. Helena diríxese reiteradamente a nós preguntando quen escribe a historia e rexeitando a maneira en que...
leer más
O vindeiro venres, 3 de novembro, ás 21:00 horas na Casa da Cultura terá lugar a representación da obra O furancho, escrita e dirixida por Santiago Cortegoso e interpretada por Marián Bañobre e Isabel Risco. Está dirixida a público adulto. As entradas, que terán un prezo de 5 euros, xa se poden mercar na Biblioteca Municipal de Burela.
Ibuprofeno Teatro presenta un espectáculo de creación propia, sustentado na interpretación actoral e na escrita dramática, que parte da imetáfora de converter o escenario do teatro nun furancho. Para os habitantes das Rías Baixas é un referente moi claro: un tipo de local ao que todo o mundo foi algunha vez, que é un fenómeno popular nas primaveras, cunha afluencia de público sorprendente, cun ambiente moi peculiar. Conservan aínda, na maioría dos casos, o regusto da tradición, que consiste en servir nas...
leer más
O Teatro Pastor Díaz de Viveiro acollerá este sábado, 28 de outubro, o Concerto Singular que ofrecerá Píscore.
A actuación, dirixida a un público infantil e para todas as idades, ten unha hora de duración e dará comezo ás 18:00 horas.
Píscore son catro prestixiosos músicos fronte a un gran conflito, 16 baquetas e unha soa marimba. Catro músicos dispostos a facela soar do xeito máis orixinal e abraiante, pero organizarse xa non vai ser tan doado. Píscore achéganos a mellor música e moito humor para un concerto singular nunha proposta que se encadra na liña dos grandes espectáculos que mesturan o virtuosismo musical e os ritmos coa comedia xestual. Un espectáculo de vocación universal que fará rir e disfrutar a público de todas as idades apelando ao máis clásico do humor e do sketch musical.
... leer más
Oito obras foron seleccionadas para participar no primeiro certame de teatro Concello de Lourenzá. Representaranse os catro fins de semana do vindeiro mes de novembro.
O concelleiro de Cultura, Manuel Arango, anunciou que “as obras e grupos teatrais seleccionadas para participar no I Certame de Teatro Afeccionado Concello de Lourenzá son as seguintes por orde de actuación:
4 de novembro.- A miña muller volveu, da Asociación Cultural Pico do Castro, de Foz.
5 de novembro.- Mass co-medias, da Asociación Teatro Airiños, de Rianxo.
11 de novembro.- Las entretenidas, de Andanzas, de Viveiro.
12 de novembro.- Menciñeiro á forza, da Asociación de Veciños de Lagoa (Alfoz).
17 de novembro.- A taberna de Suso, de Os Trangalleiros, de Lourenzá.
18 de novembro.- El picadero de mi abuelo, da Asociación Cultural...
Teatro Crea, de Viveiro, presenta este sábado, 21 de outubro, en O Vicedo, a obra E ti, sabes de que cor son todas as laranxas?.
Inspirada en pezas de Carlos Casares, está dirixida por Lara Fernández Noriega.
Esta representación, para nen@s maiores de 5 anos, terá lugar na Casa da Cultura de O Vicedo a partires das 18:00 horas, con entrada gratuíta.
A asociación Espazo Crea de Viveiro presenta a adaptación desta obra pensada para un público infantil. Tamén durante este ano ten representada en varios puntos da provincia lucense, a obra Xoguetes Cómicos baseada en textos de Chejov.