Teatro

Etiquetas:
01/02/2018

O grupo de teatro do colectivo cultural Ollomao presenta este sábado, 3 de febreiro, en Foz a obra Enciclopedia Álvarez. Esta representación terá lugar na Sala Bahía ás 20:00 horas, e o prezo da entrada é de 3 euros.

Enciclopedia Álvarez é unha peza teatral que se achega en clave de humor á realidade da escola franquista, tomando o seu título dun dos máis célebres libros de texto deste período, a Enciclopedia Álvarez. A obra ven ser un exercicio de memoria histórica sinalando os aspectos máis regresivos dun modelo educativo destinado a reproducir o corpo de valores e o proxecto social da ditadura. A montaxe non fica no teatro de tese senón que no seu ritmo e estilo achégase á comedia introducindo elementos de contemporaneidade.

A representación, organizada pola asociación cultural A Pomba do Arco, é resultado dun...

leer más
Etiquetas:
01/02/2018

O grupo de teatro Os Ghazafelhos presenta este sábado, 3 de febreiro, en Viveiro a comedia Lúa. Será no Teatro Pastor Díaz ás 18:00 horas.

É unha obra para público infantil de máis de 5 anos, dirixida por Pepablo Patiño, quen tamén forma parte do elenco artístico xunto a Jorge Casas e Montse Piñón.

A historia conta que algo acontece na terra onde hai moito ruído, berros e enfados que fai que a Lúa estea preocupada porque con tanto barullo as estrelas asústanse e non queren achegarse, así que decide baixar á terra e saber qué sucede.

Lúa trata dunha analoxía entre  o fantástico e o máxico á relación que temos as persoas no noso mundo que nos leva a non entendernos, e provocar medos e violencia. Da man dunha nena chamada Lúa a historia percorre o mundo da xente adulta cos ollos da infancia...

leer más
Etiquetas:
24/01/2018

A compañía Teatro Crea de Viveiro presenta a obra E ti, sabes de que cor son todas as laranxas?.

Esta representación terá lugar o domingo, 28 de xaneiro, ás 18:00 horas no Teatro Pastor Díaz. O prezo da entrada é de 2 euros.

A obra, dirixida a un público infantil e familiar, está dirixida por Lara Fernández Noriega cun guión inspirado en textos de Carlos Casares.

 

Etiquetas:
05/01/2018

A Delegación de Cultura do Concello de Foz organiza representacións teatrais para o 13 de xaneiro, sábado, en tres localidades do municipio.

En Vilaronte, o grupo Pico do Castro representará a obra A miña muller volveu. Terá lugar ás 19:00 horas no local da asociación cultural O Castro de Vilaronte.

Na parroquia de Nois o grupo de teatro A Adala presentará a obra Ola Doutor. Dará comezo ás 19:00 horas no centro social A Saira.

Tamén ese sábado 13 de xaneiro, en Marzán o grupo O Centiño porá en escena a obra Zume de Amorodos. Será ás 20:00 horas no local da Antiga Báscula.

 

Etiquetas:
26/12/2017

A programación de Nadal do Concello de Lourenzá inclúe para esta semana obradoiros de organería e de consumo responsable, un concerto e unha representación de teatro infantil.

O concelleiro de Cultura, Manuel Arango, anunciou hoxe que “durante toda esta semana continúan as actividades de Nadal programadas polo Concello de Lourenzá. Ademais dos obradoiros sobre organería e consumo responsable, que se celebrarán o mércores e o xoves respectivamente, o xoves, día 28 de decembro, ás 21 horas no salón de actos do Concello terá lugar o concerto de Davide Salvado e Pedro Pascual. Está actuación está patrocinada pola Deputación Provincial de Lugo. Para rematar as actividades da semana o sábado 30 ás 18 horas o grupo In Bocca al Lupo porá en escena a obra Superlía, un espectáculo para público infantil e familiar”.

Manuel...

leer más
Etiquetas:
11/12/2017

Elefante Elegante estará o sábado, 16 de decembro, no Teatro Pastor Díaz de Viveiro, con “A danza da choiva”.

Esta obra gañou o Premio María Casares 2017 ao mellor Espectáculo Infantil, e cóntanos qué acontecería se de súpeto deixase de chover, non durante un mes, un verán ou un ano, senón para sempre. María Torres e Gonçalo Guerreiro son autores e directores desta montaxe. 

Trátase dun espectáculo de teatro xestual, con danza, manipulación de obxectos e monicreques. Os seus efectos cómicos, plásticos e poéticos advirten, divirten e fascinan ao público familiar e infantil a partir dos 3 anos.

A representación dará comezo ás 18:00 horas e a duración é de 50 minutos.

 

Etiquetas:
10/12/2017

O grupo humorístico Trípode organiza unha gala benéfica para recadar fondos a favor de Cáritas. O evento terá lugar na Casa da Cultura Manuel Lourenzo de Ferreira do Valadouro, o domingo 17 de decembro, ás 18:00 horas, coa colaboración do Concello do Valadouro.

É costume que o grupo Trípode represente unha das súas obras e que estea acompañado por unha actuación musical. Nesta ocasión o grupo Trípode representa a súa obra Cousas de vellos, e os encargados da parte musical son os compoñentes de Xuntanza Musical que está formado polos músicos mariñáns: José Ramón Rico (Lourenzá) – saxo tenor, Manolo Cabaleiro (Moucide) –saxo alto, Remigio Vizoso (San Pedro de Mor) –batería, Esperanza Pérez (Viveiro) – percusións, Lino Rico (Lourenzá) – acordeón, e Antón Expósito (Lourenzá) –saxo alto-. O repertorio que interpretarán será como o das...

leer más
07/12/2017

Pistacatro presenta Outono, no Teatro Pastor Díaz de Viveiro este venres, 8 de decembro, ás 20:30 horas. A actividade ía celebrarse hai unhas semanas, pero quedou posposta para mañá.

Con motivo dos dez anos do nacemento de Pistacatro, esta compañía de novo circo galego da o seu mortal máis arriscado, Outono. Trátase dun novo espectáculo no que reúne aos seus fundadores para celebrar o máis difícil aínda, facerse maior.

Outono  é unha homenaxe aos pallasos clásicos contada a través dunha compañía de clowns en plena crise. Un espello no que se miran os artistas e as súas personaxes, unha carpa caída onde se suceden as estacións. Outono é un espectáculo de teatro-circo con música en directo, que nos conta a viaxe nostálxica de catro artistas ao seu pasado. Unha celebración da amizade e dos fracasos, unha...

leer más
Etiquetas:
28/11/2017

O vindeiro venres, 1 de decembro, dará comezo unha nova edición do obradoiro de teatro infantil que organiza o Concello de Cervo cada ano, a través da delegación de Cultura.

Tal e como explicou a edil responsable, Dolores García Caramés, o taller está dirixido a rapaces de entre 6 e 16 anos, que serán os que conformarán, un ano máis, o grupo de teatro municipal PimPim.

O prazo de inscrición estará aberto ata o mércores 29 de novembro. 

A actividade será cada venres no Auditorio da Casa da Cultura, no horario que se determinará en función das inscricións. O xoves, 30 de novembro, informarase aos anotados por vía telefónica.

O obradoiro será impartido de novo pola edil de Cultura, que “destaca o gran éxito que está a ter ano tras ano esta iniciativa, tendo en conta...

leer más
Etiquetas:
23/11/2017

O concelleiro de Cultura, Farruco Graña, anunciou que “o sábado pola tarde celebraremos o concerto dedicado a Santa Cilla, realizado pola Banda Municipal de Música de Ribadeo. Será no Teatro ás oito e media da tarde. E o domingo 26, unha novidade que non estaba incluída na programación, o grupo de teatro de Ribadeo dirixido por Toni Deaño vai representar O inspector, de Nikolái Gógol, será ás seis e media da tarde na escola de Cinxe. Non estaba incluído este acto na programación, posto que estabamos pendentes de ubicar a representación que non puido terse realizado na primavera pasada por indisposición dalgún dos membros do grupo de teatro”.

O concelleiro de Cultura lembrou que “ao longo de todos estes días e ata o 13 de decembro, poderemos contemplar as fotografías de Peter Schneider, un fotógrafo alemán que está afincado na nosa terra e...

leer más