Teatro
A programación de Nadal do Concello de Lourenzá inclúe para esta semana obradoiros de organería e de consumo responsable, un concerto e unha representación de teatro infantil.
O concelleiro de Cultura, Manuel Arango, anunciou hoxe que “durante toda esta semana continúan as actividades de Nadal programadas polo Concello de Lourenzá. Ademais dos obradoiros sobre organería e consumo responsable, que se celebrarán o mércores e o xoves respectivamente, o xoves, día 28 de decembro, ás 21 horas no salón de actos do Concello terá lugar o concerto de Davide Salvado e Pedro Pascual. Está actuación está patrocinada pola Deputación Provincial de Lugo. Para rematar as actividades da semana o sábado 30 ás 18 horas o grupo In Bocca al Lupo porá en escena a obra Superlía, un espectáculo para público infantil e familiar”.
Manuel...
leer más
Elefante Elegante estará o sábado, 16 de decembro, no Teatro Pastor Díaz de Viveiro, con “A danza da choiva”.
Esta obra gañou o Premio María Casares 2017 ao mellor Espectáculo Infantil, e cóntanos qué acontecería se de súpeto deixase de chover, non durante un mes, un verán ou un ano, senón para sempre. María Torres e Gonçalo Guerreiro son autores e directores desta montaxe.
Trátase dun espectáculo de teatro xestual, con danza, manipulación de obxectos e monicreques. Os seus efectos cómicos, plásticos e poéticos advirten, divirten e fascinan ao público familiar e infantil a partir dos 3 anos.
A representación dará comezo ás 18:00 horas e a duración é de 50 minutos.
O grupo humorístico Trípode organiza unha gala benéfica para recadar fondos a favor de Cáritas. O evento terá lugar na Casa da Cultura Manuel Lourenzo de Ferreira do Valadouro, o domingo 17 de decembro, ás 18:00 horas, coa colaboración do Concello do Valadouro.
É costume que o grupo Trípode represente unha das súas obras e que estea acompañado por unha actuación musical. Nesta ocasión o grupo Trípode representa a súa obra Cousas de vellos, e os encargados da parte musical son os compoñentes de Xuntanza Musical que está formado polos músicos mariñáns: José Ramón Rico (Lourenzá) – saxo tenor, Manolo Cabaleiro (Moucide) –saxo alto, Remigio Vizoso (San Pedro de Mor) –batería, Esperanza Pérez (Viveiro) – percusións, Lino Rico (Lourenzá) – acordeón, e Antón Expósito (Lourenzá) –saxo alto-. O repertorio que interpretarán será como o das...
leer más
Pistacatro presenta Outono, no Teatro Pastor Díaz de Viveiro este venres, 8 de decembro, ás 20:30 horas. A actividade ía celebrarse hai unhas semanas, pero quedou posposta para mañá.
Con motivo dos dez anos do nacemento de Pistacatro, esta compañía de novo circo galego da o seu mortal máis arriscado, Outono. Trátase dun novo espectáculo no que reúne aos seus fundadores para celebrar o máis difícil aínda, facerse maior.
Outono é unha homenaxe aos pallasos clásicos contada a través dunha compañía de clowns en plena crise. Un espello no que se miran os artistas e as súas personaxes, unha carpa caída onde se suceden as estacións. Outono é un espectáculo de teatro-circo con música en directo, que nos conta a viaxe nostálxica de catro artistas ao seu pasado. Unha celebración da amizade e dos fracasos, unha...
leer más
O vindeiro venres, 1 de decembro, dará comezo unha nova edición do obradoiro de teatro infantil que organiza o Concello de Cervo cada ano, a través da delegación de Cultura.
Tal e como explicou a edil responsable, Dolores García Caramés, o taller está dirixido a rapaces de entre 6 e 16 anos, que serán os que conformarán, un ano máis, o grupo de teatro municipal PimPim.
O prazo de inscrición estará aberto ata o mércores 29 de novembro.
A actividade será cada venres no Auditorio da Casa da Cultura, no horario que se determinará en función das inscricións. O xoves, 30 de novembro, informarase aos anotados por vía telefónica.
O obradoiro será impartido de novo pola edil de Cultura, que “destaca o gran éxito que está a ter ano tras ano esta iniciativa, tendo en conta...
leer más
O concelleiro de Cultura, Farruco Graña, anunciou que “o sábado pola tarde celebraremos o concerto dedicado a Santa Cilla, realizado pola Banda Municipal de Música de Ribadeo. Será no Teatro ás oito e media da tarde. E o domingo 26, unha novidade que non estaba incluída na programación, o grupo de teatro de Ribadeo dirixido por Toni Deaño vai representar O inspector, de Nikolái Gógol, será ás seis e media da tarde na escola de Cinxe. Non estaba incluído este acto na programación, posto que estabamos pendentes de ubicar a representación que non puido terse realizado na primavera pasada por indisposición dalgún dos membros do grupo de teatro”.
O concelleiro de Cultura lembrou que “ao longo de todos estes días e ata o 13 de decembro, poderemos contemplar as fotografías de Peter Schneider, un fotógrafo alemán que está afincado na nosa terra e...
leer más
Este próximo fin de semana rematan as representacións que entran a concurso no primeiro Certame de Teatro Concello de Lourenzá.
O sábado, día 25 A Adala, de Fazouro, porá en escena a obra Sen seu amor. E o domingo 26 pechará o concurso Ollomao, de Barreiros, con Enciclopedia Álvarez. Estas dúas representacións serán no salón de actos do Concello ás 19:30 horas.
A gala de entrega de premios do certame terá lugar o domingo 3 de decembro ás 19:00 horas e contará coa presenza do actor Cándido Pazó, que escenificará a obra Que comerá o rei?.
Matrioshka Teatro presenta o espectáculo Manawee este domingo, 19 de novembro, ás 17:30 horas, no Auditorio Municipal Hernán Naval de Ribadeo.
É unha representación dirixida especialmente a nenas e nenos de 7 anos en adiante á que pode ir toda a familia. A duración é de 50 minutos, e o prezo da entrada 4 euros, de balde para nenas e nenos de ata 2 anos.
Trátase dunha peza de teatro contemporáneo cheo de humor e poesía cunha estética impactante e inhabitual en espectáculos para o público familiar. Mostra eses momentos da infancia no que as cousas están a piques de cambiar para sempre. Pretende ser unha guía para desenvolver a intelixencia emocional dende a infancia, e que ademais tamén vai dirixida aos adultos acompañantes, de xeito que poida ser unha ferramenta útil para establecer a comunicación c@s cativ@s que...
leer más
Este fin de semana haberá outras dúas representacións dentro da primeira edición do certame de teatro afeccionado organizado polo Concello de Lourenzá. Pero nesta ocasión serán venres e sábado.
O concelleiro de Cultura, Manuel Arango, explicou que “debido a que o próximo domingo se celebra en Lourenzá a terceira edición do Vilou Fashion, adiántase ao venres 17 a actuación do grupo local Os Trangalleiros coa obra A taberna de Suso. Será ás 21 horas.
E o sábado 18 ás 20:30 horas tócalle o turno ao grupo de teatro da asociación cultural Juan Manuel Méndez, de La Caridad (El Franco), que porá en escena El picadero de mi abuelo. As representacións teñen lugar no salón de actos do Concello e o prezo das entradas é de 3 euros”.
O grupo teatral O Centiño presenta este sábado, 18 de novembro, na parroquia de Mor en Alfoz, a súa última obra Zume de Amorodios. A representación terá lugar na Casa da Cultura e dará comezo ás 20:00 horas.
Trátase dunha comedia centrada no tema do amor, nas súas diversas idades e manifestacións.
Con esta representación o grupo de teatro O Centiño quere homenaxear a Chiquito de la Calzada a quen, tras o seu falecemento, por parte dalgúns sectores pediuse que se nomeara Conde Mor.
Esta actividade está encadrada dentro do Outono de teatro que cada ano organiza o Concello de Alfoz.