Xove
O Concello de Xove, a través da Concellería de Cultura, ven de convocar o IX Concurso de Fotografía Medioambiental “Xove, a súa costa e o seu mar”. A idea básica deste Concurso é a de potenciar a participación cidadá na protección do medio ambiente.
Dentro do concurso imos ter unha única categoría. En canto aos premios, imos ter cinco premios en metálico:
Primeiro premio: 120 euros
Segundo premio: 100 euros
Terceiro premio: 90 euros
Cuarto premio: 75 euros
Quinto premio: 65 euros
Normas do concurso:
A temática, tal como recolle o título, vai ser a costa e o mar de Xove. As imaxes deberán ser realizadas polos propios participantes, xa que en ningún caso se aceptarán imaxes copiadas ou realizadas por persoas distintas. Poderanse presentar un máximo de 3 fotografías, as cales...
A música, o baile e o traxe tradicional volverán encher as rúas da Mariña durante as II Xornadas Etnográficas da Mariña que organiza a asociación Tecedeira en colaboración co Concello de Xove e a Vicepresidencia da Deputación de Lugo, do 16 ao 18 de xuño.
O cartel definitivo trae unha gran variedade de actividades e agrupacións, ademais da tradicional foliada.
Como cada ano, as Xornadas Etnográficas da Mariña (Música, Baile e Traxe Tradicional) van itinerando polos diferentes municipios da comarca. A primeira edición tivo lugar en Ribadeo o pasado ano 2022. Este ano será Xove o concello que acollerá o evento en homenaxe á agrupación Saíñas polo seu 40º aniversario.
Este 2023 as Xornadas Etnográficas da Mariña celebraranse de novo en xuño e terán tres días de duración e, como novidade,...
leer más
Afundación presentou esta mañá en Xove a súa nova aposta pola divulgación das coleccións ABANCA e Afundación, «Viaxando. Coleccións de arte Afundación e ABANCA», unha mostra de rúa que se presenta grazas á colaboración entre Afundación, ABANCA e o Concello da localidade.Ao acto de inauguración, que tivo lugar esta mañá,asistiron o alcalde do Concello de Xove, José Demetrio Salgueiro; o coordinador institucional de ABANCA en Lugo, Óscar Rodríguez; o director de oficina de ABANCA en Xove, Fabián Rodríguez; e a coordinadora institucional de Afundación en Ourense e Lugo, Beatriz Fernández-Anguiano. Esta exposición de rúa poderase visitar ata o vindeiro 9 de xullo na praza anexa ao Centro Cívico de Xove.
A EXPOSICIÓN «VIAXANDO. COLECCIÓNS DE ARTE AFUNDACIÓN E ABANCA»
Co obxectivo de amosar as coleccións de arte de ABANCA e Afundación fóra...
O alcalde de Xove, Demetrio Salgueiro, e a concelleira de Xuventude, Crisitna Iglesias, presentaban hoxe o programa Verán Xove 2023.
As actividades que se van desenvolver darán comezo o día 13 de xuño, con rutas a San Antonio da Rigueira. O prazo para anotarse remata o 12 de xuño. Ademais haberá Encontros para Saúde: Obradoiro de Memoria, dirixido a persoas maiores de 60 anos que se levará a cabo dos días 3 ao 31 de xullo. As inscricións para esta actividade poden facerse entre o 15 e o 28 de xuño.
Tamén se celebrará un Obradoiro Tecnolóxico de Verán sobre informática, dirixido a nen@s de 1º de Primaria ata 4º de ESO, do 4 ao 10 de agosto. As inscricións, ata o 28 de xuño, deben facerse na OMIX.
As actividades deportivas inclúen o programa Móvete no Verán, adicado a nen@s e rapaces...
leer más
A Escola Municipal de Música de Xove organiza o Obradoiro de Iniciación Musical que se desenvolverá durante o mes de xuño.
Este obradoiro gratuíto levarase a cabo na Escola Municipal de Música, en Palmeiro, que porá o seu instrumental a disposición dos participantes. Está destinado a todos os rapaces dende primeiro de Primaria en diante e para inscribirse terán que cumprimentar a documentación que entregarán presencialmente na Escola de Música o primeiro día do taller.
A actividade realizarase os sábados 3, 10, 17 e 24 de xuño, de 11:00 a 12:00 horas, e rematará coa participación conxunta no concerto de fin de curso da Escola de Música.
Colaboran na organización deste evento: Concello de Xove e Prestixove.
O 10 e o 11 de xuño Ana Pena (Guía tu día), Boris Vilar e Guido Guía organizan dous paseos guiados, en Foz e Xove, que serán un convite perfecto para desfrutar da penúltima fin de semana da primavera por terras mariñás.
Despois das súas primeiras colaboracións xuntos #RedescubrindoViveiro e #RedescubrindoAlfoz en abril e maio, estes tres guías autónomos volven unirse para seguir dando a coñecer xuntos as belezas e riquezas da zona.
O sábado 10 de xuño será o turno de #RedescubrindoFoz, no que Ana Pena (focega) e Guido Álvarez (neto de focega, de Vilaronte, e cun estreito vínculo co municipio) buscarán dar a coñecer os lugares máis emblemáticos da vila sen deixar de lado a intención de sorprender ás propias veciñas e veciños que se animen a vivir a experiencia. Terá lugar de 11h a 14h e o punto de encontro e final...
leer más
Dende o departamento de Investigación Social e Turismo do Concello de Xove organízase outro ano máis a Recuperación da Romaría ao San Antonio Ventureiro da Rigueira, o próximo 13 de xuño. Este ano é unha edición especial xa que o Consello de Turismo acaba de declarala Festa de Interese Turístico de Galicia, sendo a primeira distinción deste tipo para o municipio de Xove.
Ata o próximo 12 de xuño todas aquelas persoas que desexen participar da romaría poderán anotarse no Concello de Xove, para obteren a Ventura e a flor do San Antonio cando conclúan o camiño. Para anotarse poden chamar ao teléfono: 982592001 ou escribir un correo electrónico a: lucia@xove.es
Como cada ano, os/as romeiros/as irán identificados/as cun carné de romaxe que poderán recoller no Concello antes da...
leer más
O día 20 de maio, sábado, desenvolverase en Xove a fase intermedia para a zona norte do Campionato Galego de Fútbol 8 en categorías alevín, benxamín e prebenxamín. Será no campo de fútbol municipal e no anexo de 09:45 a 20:30 horas.
Participarán 30 equipos, 10 por cada categoría, dos que se clasificarán para a fase final os dous primeiros.
Este evento deportivo está organizado pola Unión Deportiva Xove coa colaboración do Concello de Xove.
En Xove o 20 de maio, sábado, celebrarase a Festa das Flores Fillas de María, que organizan o Concello de Xove e a Asociación de Festejos Montevelle.
O programa de actividades empezará ás 10:00 horas coa apertura do mercado tradicional. ÁS 11:30 horas haberá pasarrúas coa A.C. Saíñas e a charanga NBA, ademais de demostracións de oficios tradicionais. Ás 13:00 horas terá lugar a misa con ofrenda floral á Virxe e despois sesión vermú amenizada polo grupo Kalima 3.0, que tamén actuará na verbena, que comezará ás 22:00 horas, xunto coa discoteca móbil Conxuro.
Pola tarde, a partir das 17:00 horas, haberá inchables, Láser combat, actuación do mago Kiko Carrolo e da percusión africana Paz and Thorsten, ademais dun obradoiro de cerámica.
