Charlas
La asociación Sendeiriña, de Mondoñedo, organiza una charla titulada “Menopausia: entendiendo los cambios” para el 15 de marzo, viernes, a las 20:30 horas. La impartirá el doctor Ezequiel Cardoso, ginecólogo del Hospital Público da Mariña Lucense, en la Casa da Xuventude mindoniense.
La organización explica que la menopausia “supone una gran transformación en la vida de una mujer. Hablaremos de esas variaciones, de falsos mitos y de como con el paso del tiempo cambió la forma de ver la menopausia”.
Con motivo do 400 aniversario do forte de San Damián celébrase en Ribadeo unha charla coloquio titulada “Pasado, presente e futuro do forte de San Damián no 400 aniversario da súa construción”. Será este sábado, 2 de marzo, ás 20:00 horas na Casa do Viejo Pancho.
Participarán na mesa redonda o arquitecto Ernesto Cruzado, a arqueóloga Patricia Suárez e o arquitecto técnico e secretario da Asociación Cultural Estudios Históricos de Galicia, Alberto Paraje.
Viveiro acolle os meses de febreiro e marzo o programa Xunt@s da Deputación de Lugo, unha iniciativa coa que o goberno provincial busca impulsar a participación cidadá e o asociacionismo. E este venres, 1 de marzo, celebrarase unha xornada sobre nutrición e hábitos saudables ás 17:00 horas na sala multiusos do Concello.
O Concello de Viveiro sumouse a esta iniciativa da Deputación de Lugo para fomentar o arraigo e a sociabilidade entre a veciñanza, intercambiando experiencias e fomentando as actividades.
“Son iniciativas e actividades para todas as idades, pero bastante enfocadas nas persoas maiores, que son unha prioridade para nós", explica a alcaldesa, María Loureiro.
Na Casa da Cultura do Vicedo terá lugar unha charla sobre nenos e nenas con mal comportamento e como axudalos. Será o luns 4 de marzo ás 17:00 horas.
Esta actividade será impartida por Carolina García Chico, que é pedagoga especialista en Pedagoxía Terapéutica e Intervención Familiar.
Organiza o colectivo Educando en Familia e colabora o Concello do Vicedo.
O Centro de Día Oblatas de Ferrol, en colaboración co Concello de Cedeira, a comunidade Oblata de Ferrol e Cáritas Mondoñedo-Ferrol, organiza un ciclo de conferencias centrado na Xornada contra a Trata. Consistirá nunha aproximación a esta realidade, perfís e claves para a identificación das vítimas.
Serán impartidas por Roberto Ferreiro, coordinador do Centro de Día Oblatas O Mencer, e unha desas charlas desenvolverase en Foz, concretamente no local parroquial da Unidade Pastoral, que está na rúa Congostra, 20. Será o 14 de febreiro, mércores, ás 17:00 horas.
A aula OMIX do Centro Sociocultural de Alfoz acolle unha charla informativa sobre control e xestión da dor o 16 de febreiro, venres, ás
10:30 horas.
Durante esta actividade proporcionaranse habilidades e coñecementos necesarios para mellorar a calidade de vida das persoas que presentan dor aguda e crónica, así como información sobre diferentes alternativas para a avaliación e tratamento da dor.
As persoas interesadas en inscribirse na actividade poden facelo ata o 9 de febreiro, presencialmente no Concello de Alfoz ou no teléfono 982.55.80. 01.
Será impartida por Enrique del Arco Herrero e realízase en colaboración coa Escola Galega de Saúde.
A Casa da Cultura da Pontenova acollerá desde este venres, 2 de febreiro, unha actividade de ximnasia de mantemento de 17:00 a 18:00 horas, que se desenvolverá nese mesmo horario os seguintes venres. A inscrición pode facerse a través dalgún destes teléfonos: 982.34.22.77 ou 659.98.84.51. É unha actividade de promoción do deporte que se inclúe no programa Xunt@s de impulso da participación cidadá e asociacionismo na provincia promovido pola Deputación de Lugo.
Dentro deste mesmo programa tamén este venres, 2 de febreiro, ás 18:00 horas na Casa da Cultura da Pontenova terá lugar unha xornada sobre nutrición e hábitos saudables.
O Foro Social da Mariña organiza unha mesa redonda titulada “Sanidade pública: temos alternativas”. Será o martes 30 de xaneiro ás 20:00 horas no Salón Multiusos de Viveiro.
A organización explica que “o Foro Social da Mariña quere expresar os anceios das xentes que sofren as eivas do noso sistema de saúde. O Foro Social da Mariña quere axudar a devolver esperanza e repetir nestes tempos que na nosa terra temos os recursos, as persoas e os coñecementos para recuperar a participación e a proximidade na asistencia sanitaria”.
Ademais anuncian os participantes na mesa redonda: “Bernardino Pardo Teijeiro é médico de familia en Lugo e o seu traxecto vital representa un exemplo e un guieiro para os sanitarios, un amigo para os seus pacientes, ... Aos seus coñecementos e á súa experiencia xunta a humanidade que hoxe...
leer más
A Asociación de Belenistas da Diocese de Mondoñedo-Ferrol organiza para este sábado, 27 de xaneiro, co gallo da clausura do belén da catedral mindoniense, unha mesa redonda para falar dos Reis Magos. Será ás 20:00 horas no Salón de Coengos do Real Seminario Conciliar de Santa Catalina, na rúa Padre Sarmiento 1, de Mondoñedo.
O título é “Os Reis Magos: memoria, iconografía, literatura” e será unha viaxe máxica dende o belén da Catedral de Mondoñedo á infancia de Carlos Casares. Contará coa presenza do presidente da Fundación Carlos Casares, Xavier Casares; Carlos Henrique Fernández Coto, presidente de APATRIGAL; o escritor e xornalista Ramón Loureiro; e Gustavo Adolfo Garrido, secretario da Fundación Carlos Casares. Presenta e modera José Luis Fernández (Keno), presidente da Asociación diocesana de Belenistas.