Deportes
A Asociación Pasada das Cabras de Burela vai facer o sábado, día 22 de xullo, a Ruta Nocturna de San Cibrao a Burela. O percorrido será de 9 quilómetros e dificultade baixa.
A saída será ás 22,00 horas da Estación de Autobuses de Burela e ao chegar a San Cibrao voltaremos andando ata Burela onde haberá ao remate chocolate con churros na Heladería Yöglio, totalmente gratuíto para todos os que fagan a ruta.
Para poder asistir é imprescindible anotarse en Gráficas Arfe ou ben no teléfono: 982 580 504 antes do xoves día 20.
A asociación Sendeiros de Foz comeza os andareiros de verán este sábado, 22 de xullo.
A primeira ruta percorrerá Foz, e a saída será ás 9:00 horas do Concello.
Para participar é preciso anotarse. Pode facerse as inscricións nos teléfonos 676 561 594 ou 670 369 017, e no e-mail ossendeiros@yahoo.es, ata o xoves 20 de xullo. O prezo é 4 euros para os non federados, seguro de accidentes obrigatorio.
O nivel de dificultade da ruta é medio, e a organización recomenda levar equipo de sendeirismo e auga e comida para o camiño.
Colabora na organización desta actividade o Concello de Foz.
A asociación de veciños Burgo de Trasbar organiza dúas camiñatas na última semana de xullo. A primeira delas o martes, día 25, Camiño a Sargadelos. A saída será ás 10:00 horas do local social da asociación, e o prazo de inscrición remata o domingo 23 de xullo.
Ademais a asociación de veciños Burgo de Trasbar organiza unha ruta xunto cos de Rúa, o 29 de xullo ata o Pau da Vella.
A saída é ás 9:30 horas do local social de Trabar, para xuntarse despois cos veciños de Rúa na Caseta dos Cazadores, e dende alí subir xuntos ata o Pau da Vella. Á volta haberá unha comida na Caseta dos Cazadores organizada polas dúas asociacións.
O prazo de inscrición remata o martes 25 de xullo. A organización lembra levar zapato e roupa cómodos.
O Deputado de Relacións Institucionais, Álvaro Santos Ramos, e a Alcaldesa de Lourenzá, Rocío López García, presentaron este luns nos Xardíns do Pazo de San Marcos a I Milla Popular Urbana, unha cita lúdico deportiva que financia o Goberno Provincial cunha achega de 8.000 euros, que servirán ademais para colaborar con outros eventos como a Gala do Deporte ou o Día da Bici, entre outras.
Santos Ramos destacou que “colaboramos con este tipo de iniciativas porque dan visibilidade e poñen en valor o noso territorio, facendo fincapé na riqueza natural e paisaxística da que dispomos na nosa provincia”. O Deputado subliñou que “dende o Goberno da Deputación estamos convencidos do impacto que as actividades desta natureza teñen no turismo e na economía local. É por iso polo que, neste ano, destinamos uns 240.000 euros a financiar 78 citas...
leer más
O campo de fútbol Pepe Barrera de Ribadeo acolle o sábado, 22 de xullo, a celebración da LXVI edición do Trofeo Emma Cuervo.
Este torneo, que é o segundo máis antigo dos torneos de verán en España, enfrontará aos equipos de Segunda División CD Lugo e Real Oviedo. O encontro dará comezo ás 19:30 horas.
O torneo Emma Cuervo está organizado polo Ribadeo FC e colaboran o Concello de Ribadeo, a Deputación de Lugo e ACISA.
As entradas xa están á venda nos seguintes establecementos de Ribadeo: Rincón del Gordo, Bar Queimada, O Lar de Manolo, A Tapería, Costa Verde e Tasca A Curuxa. O prezo das entradas é de 15 euros para a xeral e de 5 euros para nen@s de 5 a 15 anos. Os menores de 5 entran gratis.
A pista municipal de pádel de Lourenzá xa pode reservarse a través de internet. Anunciouno hoxe a Concellería de Deportes.
Segundo explica este departamento do Concello de Lourenzá, “a partir de agora solicitar pista de pádel en Lourenzá non pode ser máis doado. Entrando en http://lourenza.pistas-online.com/ e despois dun intre para darse de alta como usuario, pódese reservar on line directamente dende calquera dispositivo. Na web lévase unha contabilidade persoal de cada usuario e poden reservar de media hora en media hora. A taxa municipal por 1 hora e media son 4 euros, que se aboan directamente por TPV.
Unha vez reservada pódese imprimir un xustificante ou presentar a mensaxe de reserva do correo electrónico no Torreón, onde entregan a chave de acceso á...
leer más
Ata o 30 de agosto todos os pequenos/as amantes do balón poderán reservar a súa praza na escola do Pescados Rubén Burela FS para o curso 2017-18, nas categorías de Iniciación, Miniprebenxamín, Prebenxamín, Benxamín, Alevín e Infantil.
A formalización da matrícula debe tramitarse nas oficinas do club (Avda. Arcadio Pardiñas, nº 91, baixo). Tamén se poderá descargar o formulario dende www.burelafs.org e envialo ao correo electrónico escuelasdeportivas@burelafs.org ou ao fax 982575147.
Un ano máis, as familias que matriculen máis dunha nena ou neno terán un 20% de desconto, a partir da segunda matrícula. A tramitación deberá ir acompañada de tres fotos tamaño carné e tres fotocopias do DNI do neno/a. Pasaranse dúas cotas, en...
leer más
Pádel Club Ribadeo organiza entre los días 1 al 6 del próximo mes de agosto la sexta edición del Open de Pádel Ditram Axa GT Corredores.
La competición se celebrará en las instalaciones de PCR, y habrá un total de cinco categorías: 1ª Masculina, 2ª Masculina, 3ª Masculina, Femenina y Mixto. Habrá importantes premios para los finalistas.
Las inscripciones pueden realizarse a través de www.mistorneosonline.es, en el número de teléfono 650 624 350 o en la recepción del propio club. “Cada persona que se inscriba se llevará de regalo una camiseta técnica”, explican los organizadores. El precio de la inscripción es de 18 euros y 10 euros más por categoría adicional.
El VI Open de Pádel Ditram Axa GT Corredores está patrocinado por Grupo Ditram...
leer más
O Concello de Xove organiza as Noites Alternativas que desenvolve durante os meses de xullo e agosto. Son actividades financiadas polo Concello e totalmente gratuítas.
No mes de xullo hai fútbol sala, os días 11,12 e 13, na praza do Centro Cívico; os días 18, 19 e 20, baloncesto tamén na praza do Centro Cívico; e os días 24, 26 e 27, volei praia, na praia de Esteiro.
No mes de agosto está programado fútbol praia, os días 1, 2 e 3, na praia de Esteiro; patinaxe, o día 8 na praza do Centro Cívico; kayak, o día 9 na praia de Morás; e Orientación, o día 10 na praza do Centro Cívico.
O horario das Noites Alternativas de Xove vai das 22:00 á 1:30 horas. A idade para participar nelas é a partir dos 8 anos (categorías infantís e adultos), e os/as interesad@s poden anotarse no lugar de celebración...
leer más
O programa Noites Alternativas de Foz comezará este vindeiro luns, día 10, e foi presentado pola concelleira de Xuventude e Deportes, Mercedes González, e por Ibán García, da empresa IG10. Haberá fútbol praia, fútbol sala, volei praia, baloncesto e patinaxe e as actividades desenvolveranse no Campo da Cabana e na praia da Rapadoira.
Dende a organización explican que “é un programa completo que enche as noites do verán de deporte para mozos e mozas. Participa tanto xente nova de Foz e doutros concellos da Mariña como doutros lugares de España, que están a pasar as súas vacacións aquí. A inscrición faise ao inicio da actividade. Se algún rapaz ou rapaza dubida en participar por non ter grupo, non hai problema; o primeiro día formamos equipos. Este programa ten un gran éxito todos os veráns e axuda a formar amizades entre persoas que veranean...
leer más