Eventos
Chévere, Carlos Blanco, Cándido Pazó ou Leilía son algunhas das propostas da Concellaría de Cultura de Ribadeo para o primeiro trimestre deste 2023. A axenda foi presentada por Pilar Otero Cabarcos. Seguirán os ciclos O Concello cos Coles e Cultura nas Parroquias así como as actividades do Apego para as crianzas.
A edil ribadense dixo: “comezamos a presentación xa cunha cita para este venres, 27 de xaneiro, no auditorio municipal. A compañía de teatro Chévere, que leva 35 anos enriba dos escenarios e como din eles, na retagarda do teatro, un teatro que sempre é crítico, ao fío da actualidade, experimental nas súas formas, ameno e que sempre conta co favor do público. Nevermore, concibida como reflexión da catástrofe do Prestige e destinada a espazos máis grandes, logo de cumprida esa etapa está agora en xira por espazos coma o Hernán...
leer más
A asociación cultural O Pasatempo, de Mondoñedo, organiza a unha cea baile con cocido para o 4 de febreiro, sábado, en Finca San Antonio.
O menú está composto por sopa, cocido completo, filloas, viños tinto e branco, auga e refrescos, café e chupito.
O evento empezará ás 21:15 horas coa actuación do dúo Epo-K, ás 22:00 iniciarase a cea e a partir das doce da noite celebrarase o baile de disfraces, tamén amenizado polo dúo Epo-K.
O prezo é de 30 euros e as entradas véndense ata o 1 de febreiro en O Palique, O Rincón de Mondoñedo, Bar Castro e Vinoteca Segundo.
A programación de febreiro a abril do Teatro Pastor Díaz, de Viveiro, inclúe danza, música e teatro.
O Concello de Viveiro xa ten lista a programación cultural para o Teatro Pastor Díaz nos meses de febreiro, marzo e abril, cunha oferta variada de música, danza e teatro para todas as idades.
No vindeiro mes subirá ao escenario do Pastor Díaz a compañía Chévere, que co seu espectáculo ‘Nevermore (A Caixa negra do Prestige)’ reconstrúe a catástrofe ecolóxica que viviu Galicia hai dúas décadas e a conecta coa pandemia. Tamén Titzina Teatro presenta en Viveiro ‘Búho’, unha peza que se mergulla no concepto da identidade.
En marzo será a quenda de ‘A música das beguinas’ co folk tradicional de Mamá Cabra e Bellón Maceiras e dunha dobre cita co teatro da man, primeiro, de Culturactiva, que representará ‘As alumnas’, e despois do Teatro Andazas que porá en escena ‘Baile de huesos’.
En abril o...
leer más
O Concello focego e a asociación O noso Foz anuncian que a cea de coroación da raíña do Entroido celebrarase o día 11 de febreiro e a Festa do Berberecho será o 15 de abril.
A concelleira de Cultura, Inés López Couto, explica que “a comisión de festas O noso Foz e o Concello están inmersos nos preparativos do próximo Entroido. É unha das festas máis importantes do municipio e que despois do ano 2021 e súa edición dixital por mor do COVID19 volveu o ano pasado con restricións, pero de forma segura e, sobre todo, con moito ánimo por parte de participantes e público. Este ano as datas clave desta festividade en Foz son a cea de coroación, que será o dia 11 de febreiro na gran carpa situada na Sala Bahía, como se ven celebrando os últimos anos (atrasada a data debido á celebración do San Blas); a cea de comadres, que será o xoves 16 (...
leer más
Febreiro é o mes gandeiro no Valadouro. As actividades a desenvolver están organizadas polo Concello e pola Área de Medio Rural da Deputación de Lugo.
O 4 de febreiro terá lugar a IV Feira de Razas Autóctonas, que dará comezo ás 10 da mañá e que vai repartir máis de 5.000 euros en premios. A inscrición está aberta ata o día 1.
O 11 están programadas conferencias agrogandeiras desde as 10 da mañá. Tamén haberá competicións de cabalos: concurso de andadura galega. E desenvolverase unha Ruta de Tapas con carne de razas autóctonas.
E o 18 celebrarase a Feira de Gando, tamén a partir das 10 mañá. O evento repartirá máis de 1.000 euros en premios. A inscrición pódese facer ata o 15 de febreiro.
Desde o Concello sinalan: “vai chegar febreiro, o mes gandeiro por...
leer más
A parroquia cervense de Rúa celebra as súas festas da Candelaria do 3 ao 5 de febreiro.
O venres 3 a partir das 23:00 horas haberá verbena coas actuacións de Fania Blanco Show, Los Coleguitas e Macro Disco Level Show con DJ Conxuro.
O sábado empezarán as actividades ás 12:30 horas con misa solemne cantada polo Coro Parroquial de Cervo. Despois haberá procesión e sesión vermú coa orquestra Trebol, que tamén amenizará a verbena xunto co Grupo Beatriz e o DJ Litainer.
E o domingo a partir das 13:00 horas celebrarase misa solemne cantada polo Coro Parroquial de Cervo. A continuación haberá procesión e sesión vermú coa actuación do grupo Fénix.
Estes festexos están organizados pola Comisión de Festas de Rúa coa colaboración da comunidade de montes veciñais e do...
leer más
A asociación cultural Festas do San Rosendo, de San Miguel de Reinante (Barreiros), organiza a segunda edición da Festa do Caldo para o día 28 de xaneiro, sábado, nos colexios vellos de San Miguel.
A organización anuncia que “haberá segunda edición da Festa do Caldo.
Tras dous anos de parón por mor das restricións sanitarias volvemos con moitas ganas a organizar a Festa do Caldo, que tan bo sabor de boca, en tódolos sentidos, nos deixou en xaneiro do 2020. Haberá moita comida, bebida e moito baile”.
O menú está composto por caldo, cocido, pan, auga e viño, con un pzo de 14 euros. A cea será a partir das 21:00 horas e o baile empezará ás 23:00 horas, co actuación de Verónica Cambón.
Os tickets para participar están á venda ata o 23 de xaneiro e o aforo é limitado.
A asociación cultural de sendeirismo Camiñantes e Camiños, de Barreiros, organiza a Ruta de San Sebastián, que terá lugar o vindeiro sábado, 21 de xaneiro. Colaboran a asociación cultural A Parrala e Barreiros Mar e Monte.
O presidente de Camiñantes e Camiños, José Manuel Gómez Puente, explica que “sairemos ás dez da mañá desde o campo da festa da Rilleira para percorrer 8 quilómetros polo Val de Cabarcos. Imos visitar a casa do antigo Concello, as ruínas da cárcere e a casa da notaría de San Xiao de Cabarcos e tamén a capela de San Sebastián da Rilleira. Queremos aproveitar esta ruta para coñecer un pouco máis da cultura do noso municipio”.
Gómez Puente sinala que “para as doce e media está previsto o remate da ruta a carón da Capela de San Sebastián, onde ofrecermos un pincheo aos asistentes. E despois á unha e...
leer más
A parroquia de Lagoa, en Alfoz, celebrará as súas festas na honra de San Vicente os días 21 e 22 de xaneiro, sábado e domingo.
O sábado a partir das 21:00 horas terá lugar a Festa dos Callos, con queimada popular gratuíta, e verbena amenizada pola orquestra Gran Parada.
E o domingo a partir das 13:00 horas celebrarase misa solemne e a continuación procesión co grupo de gaitas Amado Lar e sesión vermú amenizada polo grupo folclórico Amador Lar e o dúo Epo-K.
Haberá recinto cuberto con carpa e calefacción.
A localidade focense de Vilaxoane celebra as súas festas de San Blas os días 3 e 4 de febreiro, venres e sábado.
O venres 3 é do Día do Patrón e a partir das 13:00 horas haberá misa solemne, procesión, bendición do tradicional pan de San Blas, imposición do santo e sesión vermú co dúo Belinda. Ás 18:00 horas celebrarase outra misa solemne e pola noite haberá verbena amenizada polo dúo Belinda e a orquestra Solara.
Ao día seguinte celebrarase misa solemne ás 13:00 horas e a continuación sesión vermú co trío Principal. Pola noite na verbena actuarán o trío Principal e a orquestra Gran Parada.
Haberá recinto cuberto con carpa e calefacción.