Eventos
Os días 27, 28, 29 e 30 de decembro e 3 e 4 de xaneiro, de 17:00 a 19:00 horas na Biblioteca Pública de Alfoz levaranse a cabo actividades de lecer dirixidas a nenas e nenos de 3 a 12 anos.
As prazas son limitadas e é necesaria inscrición previa, que se entregará na Oficina de Rexistro do Concello de Alfoz desde o 16 de decembro ata o 24 ou ata cubrir o total de prazas dispoñibles.
O primeiro día desta programación, o luns 27, participarán na actividade de elaboración de xabón e coñecemento dos lavadoiros públicos organizada pola asociación de veciños San Mamede das Oiras. E o resto dos días na Biblioteca terán obradoiros creativos, xogos, animación á lectura, etcétera.
Os interesados en máis información poden chamar ao teléfono 982.558. 001 (extensión 2).
A Concellería de Cultura presentou as actividades de Nadal. Do 22 de decembro ao 9 de xaneiro estará instalada unha carpa na praza da Mariña na que haberá diversas propostas para os máis pequenos. Ademais o 28 de decembro terá lugar o musical infantil Es Navidad! e o día 30 percorrerá as rúas da localidade a charanga NBA.
O concelleiro de Cultura, José Díaz, anunciou que “o primeiro que temos é o día 22 a inauguración da carpa que instalaremos na praza da Mariña, como en anos anteriores menos o ano pasado que non se puido pola pandemia. Vai acoller actividades e diferentes xogos e a xente poderá apuntarse para pasar alí a mañá ou a tarde, ou mercar o bono completo para todos os días destas festas de Nadal. O horario será de once a dúas pola mañá e de cinco a nove pola tarde. Vai haber tamén algunha actividade gratuíta dentro da carpa...
leer más
Este venres, 17 de decembro, celébrase a III Gala do Emprendemento Local no Concello de Xove, organizada polo Departamento de Emprego e Desenvolvemento Local.
Co obxectivo de poñer en valor o talento emprendedor e o apoio ao empresariado local no Salón de Actos municipal ás 20:30 horas o alcalde, José Demetrio Salgueiro Rapa, presentará a Gala na que intervirán Lucía Canoura de O Lugar das Marías e Alberto García de Signo Grupo Futures.
O evento estará amenizado pola cantautora Ugía (A Pedreira) que, ademais de cantar a canción TRISTRÁS, que a fixo televisivamente coñecida a cantora Sabela en OT, interpretará novas de recente composición. A artista focense afincada actualmente en Asturias está a piques de editar o seu novo álbum despois de 7 anos apartada do circuíto convencional da música. Chámase Segmento...
leer más
A asociación Os Sendeiros de Foz colocará o seu tradicional Belén de Cumes o vindeiro domingo, 19 de decembro, na Frouxeira.
A saída será ás 16:00 horas, de Foz, diante de Belianorte. O desprazamento farase en coche ata a base de A Frouxeira, en Santa Cilla, e desde alí subirase camiñando ata a cima onde quedará instalado o belén durante todas as festas.
As persoas interesadas en participar deberán anotarse ata o venres 17 de decembro nos teléfonos: 606 718 482 e 670 369 017. A actividade é gratuíta.
A organización recomenda aos participantes levar figuriñas para facer o belén de maiores dimensións.
O Concello de Foz colabora na organización deste evento.
Mondoñedo vén de crearunhanova aplicación móbilpara veciños e visitantes. Con “Mondoñedo APP” os usuarios poden manterse informados de todas as novidades (noticias, avisos, eventos) que teñen lugar no Concello, recibindopuntualmente no seu dispositivo unha notificación con cada comunicado. Ademais esta nova canle de información conta cunha completa guía turística dispoñible envarios idiomas (galego, español e inglés), lector de códigos QR, un directorio de locaisde hostalaría, comercios e empresas, e un servizo de comunicación bidireccional ondeosusuarios poden enviar mensaxes ou reportar incidencias.
Difusióndenoticias
Dunxeitomoidoado e intuitivo, “Mondoñedo APP” permite aos usuarios recibir avisosdiarios no seu teléfono móbil sobre as últimas noticias municipais, bandos, normativas,cortesde tráfico, avisos, ofertas deemprego,...
A Vicepresidencia da Deputación de Lugo poñerá en marcha un programa de visitas da Apalpadora a distintos concellos, co obxectivo de promover a presenza de tradicións propias na representación do Nadal e ofrecer a nenas e nenos unha proposta de lecer en galego nestas datas.
A narradora Antía Vázquez, acompañada polo músico André Espiñeira, será a encargada de presentar as crianzas esta personaxe e as lendas e ritos que a rodean e que perviviron na memoria da xente do Courel e do oriente ourensán permitindo que, desde hai algo máis dunha década, asociacións e colectivos culturais popularizasen a súa figura.
A vicepresidenta da Deputación de Lugo, Maite Ferreiro, sinalou que “con esta programación seguimos contribuíndo á dinamización cultural en distintas concellos” e agradeceu “a colaboración das asociacións de...
leer más
O grupo teatral O Centiño, de San Martiño, organiza a quinta gala benéfica co fin de recadar fondos para Cáritas, que se celebrará o 19 de decembro ás 19:00 horas na Sala Bahía, de Foz. Contan coa colaboración do Concello de Foz.
Nesta gala o grupo de teatro Axóuxeres, de Vilaronte, representará a obra Cousas de Mulleres. Ademais actuará cun monólogo Luis Miguel Yáñez do grupo de teatro Raiolas de Alfoz.
A entrada será gratuíta e no intermedio recadaranse os donativos para Cáritas.
O alcalde de Xove, Demetrio Salgueiro, e a concelleira de Cultura, Mª Dolores Meitín, presentaron o programa de Nadal que se desenvolverá do 17 de decembro ao 5 de xaneiro.
O venres 17 de decembro ás 20:30 horas, no salón de actos do centro cívico, celebrarse lugar a III Gala do Emprendemento Local na que haberá a actuación musical de Ugia Pedreira. As prazas son limitadas e as reservas pódense facer no teléfono 982 59 20 01. Un 10% das prazas reservaranse para distribuír no momento do evento.
O sábado 18 ás 20:00 horas, no pavillón municipal de deportes, terá lugar a gala musical Un conto de Nadal. O luns 20, ás 18:00 horas, no salón de actos do centro cívico, Teco presentará o espectáculo infantil Abetiño soñaba co Nadal. O martes 21, ás 18:00 horas, no salón de actos do centro cívico, Mere Clown presentará o...
leer más
Acisa colabora un ano máis coa agrupación de Cáritas Ribadeo nunha recollida solidaria de alimentos para Nadal. 30 establecementos asociados participan nesta iniciativa que se prolongará ata o 15 de decembro.
O xerente de Acisa, Jesús Pérez, explicou que “se trata dunha iniciativa que poñemos en marcha en colaboración coa agrupación de Cáritas de Ribadeo e consiste nunha recollida solidaria de alimentos. A campaña comezou o 2 de decembro e prolongarase ata o 15 deste mes”.
O presidente da asociación, Francisco Iriarte, dixo que “tras éxito da recollida de alimentos do ano pasado, e atendendo á petición de Cáritas de Ribadeo, desde Acisa consideramos que debíamos repetir esta iniciativa solidaria, que se basea en que todo aquel veciño ou veciña de Ribadeo que o desexe pode levar aos máis de trinta puntos de...
leer más
O Concello de Cervo organiza para esta ponte de decembro un amplo abano de actividades culturais.
A concelleira de Cultura, Dolores García Caramés, xunto co grupo de mozos do concello encargados de organizar as batallas de rap, presentaron na Casa da Cultura o programa de eventos que se desenvolverán desde o sábado 4 ata o mércores 8 de decembro.
A programación ábrese o sábado ás 21H na Praza dos Campos, onde Alberto e Ángel Sevilla ofrecerán un concerto dentro do ciclo de concertos "O Son do Nordeste".
Para a xornada de domingo á mañá temos en Cervo O legado de Tibu, un espectáculo de patinadores e música. Dará comezo ás 12:30H na Praza do Souto.. Xa pola tarde, a programación continúa coa celebración da terceira xornada das batallas de rap no Auditorio da Casa da Cultura, que comeza...
leer más