Eventos
17/03/2016
O Valadouro acollerá un ano máis o seu Tradicional Mercado Anual de Primavera o vindeiro día 19 deste mes. Haberá mercado polas rúas de Ferreira con ruta de Tapeo Enxebre e cantos de taberna. Os pasarrúas correrán a cargo de Cé Orquestra Pantasma, A.C. Amado Lar e Festicultores Troupe e haberá actuacións teatrais con Mircromina Teatro. Os asistentes terán posibilidade de dar paseos en poni e a cabalo e os máis peques poderán participar nun certame de pesca infantil. A xornada completarase cos xogos tradicionais a cargo de Xotramu e co concerto que ofrecerá A Troba do Bugallo.
Neste Mercado de Primavera do Valadouro repartiranse premios para os locais comercial e hostaleiro decorados máis enxebre. Ademais haberá zonas para aqueles...
leer más 16/03/2016
A Asociación de Veciños Burgo de Trasbar, de Cervo, organiza a Festa de Pascua para este 27 de marzo a partir das 14:00 horas no campo da festa de Trasbar.
Os asistentes participarán nun xantar trala misa que será ás 14:00 horas. Haberá sesión vermú e despois do xantar gozarán de baile co dúo Agua Marina. O prezo para os socios é de 12 euros e 15 euros para os non socios. Os nenos de 2 a 12 anos pagarán 7 euros. As persoas interesadas pódense anotar no local social, no correo electrónico da asociación burgodetrasbar@yahoo.es ou comunicándollo a calquera dos socios que compoñen a directiva. O prazo para anotarse remata o día 19 de marzo.
14/03/2016
Desde Centro Comercial Histórico de Viveiro explican que “por sexto ano consecutivo, e dado o gran éxito e aceptación que tiveron entre o público as edicións anteriores, no ano 2016 volveremos a realizar as visitas guiadas polo Casco Histórico de Viveiro da man do historiador Xesús Martínez”.
E subliñan que “durante estas datas de afluencia de visitantes a Viveiro parécenos moi interesante ofrecerlles a posibilidade de coñecer a cidade por medio destas visitas guiadas e de xeito gratuíto”.
Centro Comercial Histórico de Viveiro indica que “o obxectivo é dar a coñecer o noso patrimonio cultural e artístico, non só a visitantes, senón tamén ós...
leer más 13/03/2016
Este sábado, día 12, comezaron na parroquia de Santiago de Foz os actos da Semana Santa. Na igrexa parroquial tivo lugar o inicio de Setenario das Dores.
Os actos continuarán o día 18, ás sete e media da tarde na igrexa parroquial coa celebración do Venres das Dores. O día 20, Domingo de Ramos, ás once da mañá será a bendición e a eucaristía na capela do asilo. Ás doce menos cuarto terá lugar a bendición no patio do colexio Martínez Otero e a eucaristía na igrexa parroquial. Tamén ás sete e media da tarde haberá celebración eucarística na igrexa parroquial. O día 21, Luns Santo, terá lugar a celebración penitencial da Coresma ás sete e media da tarde; o día 22, martes, haberá eucaristía ás sete e media da tarde; e o día 23 non...
leer más 13/03/2016
Foz homenaxeará o vindeiro 18 de marzo, venres, ao poeta Manuel María nun acto organizado polo Concello e a Asociación A Pomba do Arco.
A concelleira de Cultura focense, Silvia Blach, anunciou hoxe que “este venres 18 de marzo ás oito e media da tarde na Casa da Cultura Poeta Manuel María de Foz terá lugar o acto Compañeiro de ronseis floridos. Palabra, música, teatro para Manuel María. Intervirán nesta homenaxe Suso Fernández, cronista oficial de Foz; Alberte Ansede e Saleta Goi, xerente e presidenta da Fundación Manuel María, respectivamente”.
Silvia Blach engade que “a actuación musical correrá a cargo de Arcadio e imos ter unha representación...
leer más 13/03/2016
O Centro Comarcal de Mondoñedo acolleu a presentación do programa da Semana Santa 2016, organizada pola Venerable Orde Terceira, e coa que colabora o Concello de Mondoñedo ademais doutras entidades como Protección Civil, ACIAM, Viveiros Cabaleiros ou Autos Morán. Unha Semana Santa singular e moi antiga que dende o Concello queren poñer en valor e traballar para a súa declaración de Interese Turístico Galego.
Durante o acto de presentación tamén se inaugurou unha exposición de carteis e fotografías sobre a Semana Santa de Mondoñedo, organizada polo Concello. Distribuíuse en 21 paneis, a través dos que se mostran os carteis da Semana Santa ao longo dos últimos anos; fotografías antigas de procesións dende 1930 e 1940; imaxes coa...
leer más 13/03/2016
Ata o vindeiro 16 de marzo está aberto o prazo para se inscribir no campamento de primavera que organiza o grupo de educación nos tempos libres Chao de Castro-Altair de Burela. Está dirixido a nenas e nenos de 7 a 17 anos os días 20, 21 e 22 de marzo de 2016 en Bravos-Ourol.O custe da actividade é de 38 € para non soci@s, incluindo cota do mes de abril para quen queira continuar na asociación e 25€ para os soci@s. "Haberá reunión informativa coas familias interesadas o 14 de marzo ás 20:30 horas na Casa da Xuventude de Burela", explican desde a organización.
Dentro das actividades periódicas semanais de Chao de Castro-Altair, o grupo ofrece este campamento a todas as persoas interesadas en coñecer as súas actividades e o seu...
leer más 07/03/2016
Os actos da Semana Santa de San Martiño, de Foz, que se presentaron o pasado sábado, principiarán o próximo 19 deste mes. Ese día, Sábado de Paixón, ás oito menos cuarto da tarde, terá lugar no Centro Social do Caritel a recepción na honra das autoridades, confrades, convidados e veciños. Ás oito na Basílica de San Martiño dará lectura ao Pregón da Semana Santa Antonio Rodríguez Basanta, administrador da Diocese de Mondoñedo-Ferrol. A continuación terá lugar a apertura dunha nova edición da Semana de Música Xosé Alonso a cargo do alcalde, Javier Jorge Castiñeira, e seguidamente ofrecerá un concerto a Coral Polifónica de Foz. Nese acto farase entrega dos pergamiños de confrades de honra da Confraría do Desencravo a María Mónica Irimia Labrada, José Ramón Vila Otero e Ramón Sánchez Martínez. Posteriormente terá...
leer más 06/03/2016
Desde a Fundación Indecum sinalan que "xa queda menos para coñecer a identidade das propostas gañadoras do Festival Audiovisual da Mariña Imaxiña 2015. Antes de saber a decisión do xurado, coa presenza do padriño desta edición, o artista burelao Davixiño, ademais do realizador audiovisual Manuel Gil, o voto do público en Facebook tamén resolverá outro dos premiados. Todo aquel que así o desexe poderá escoller a súa imaxe preferida da Mariña dando ‘Gústame’ no perfil da Fundación Imdecum ata o mércores 16 de marzo a medianoite. A fotografía con máis votos tamén resultará premiada cunha cámara dixital compacta".
Fotografía e vídeo
Na iniciativa audiovisual da Fundación Imdecum, que conta coa colaboración da Área de Cultura da Deputación de Lugo, o alumnado da Mariña puido dar renda solta á súa creatividade a través dun...
leer más 05/03/2016
O Concello organiza varios actos durante a vindeira semana para conmemorar o día internacional da muller. O martes, 8 de marzo, no salón de plenos ás sete da tarde haberá unha actuación do grupo Batuko Tabanka e ás sete e media o alcalde, Alfredo Llano, lerá un manifesto conmemorativo.
A concelleira de Servizos Sociais, Patricia Otero, sinala que “queremos contar ese día coa actuación de Batuko Tabanka, un grupo formado integramente por mulleres inmigrantes, residentes en Burela, e que son un claro exemplo de integración e de conciliación da vida laboral e familiar, así coma embaixadoras da súa cultura e da conservación dos seus costumes”.
O xoves,...
leer más