Publicaciones
O Rastro Popular Solidario promovido pola Delegación de Cultura do Concello de Burela contará este domingo 28 de agosto cunha novidade habilitando unha Mesa do Libro solidaria e de intercambio.
A idea é a de realizar unha proposta aberta para que as persoas que teñan libros que xa non usen ou que simplemente queiran ceder ou compartir con afeccionados á lectura ou veciños que teñan un máis difícil acceso á compra de libros podan facerse con eles de xeito gratuíto. No caso de que queden algúns exemplares cando remate o Rastro, irán para a Biblioteca Municipal.
A mesa estará xestionada por persoal do Concello de Burela co obxectivo de que se depositen o maior número de libros para a promoción da lectura, o intercambio literario e a oportunidade de obter libros de balde, así como darlles unha segunda vida.
... leer más
A xornalista Esther Eiros Rascado, natural de Bretoña, dona ao Concello de Mondoñedo a propiedade de bibliografía composta polos seus libros de viaxes a nivel nacional e internacional, guías e fotografías, así como un resumo dos premios e recoñecementos ao longo dos seus 52 anos de profesión, 33 co premiado programa radiofónico ‘Gente Viajera’. Eiros e o alcalde, Manuel Otero, firmaron este venres o acordo nun acto na Casa do Concello.
Mondoñedo creará, deste xeito, o espazo Esther Eiros, Gente Viajera que a xornalista ofrece á memoria da súa tía Purificación Rascado Alonso, “la persona que me regaló mi primer libro de tapas blandas con poesías de Rosalía de Castro que -junto a la lectura del clásico Cumbres Borrascosas, de Emily Brontë, y de obras de Emilia Pardo Bazán- me inclinó hacia el periodismo, escribir historias y poesía”. Eiros...
leer más
O vindeiro mércores, 17 de agosto, celebrarase en Ribadeo a presentación do libro Poesía en la tangente de Leopoldo Calvo-Sotelo Bustelo, ex presidente do Goberno de España e Marqués da Ría de Ribadeo.
O libro recompila poemas, ata agora inéditos, que Leopoldo Calvo-Sotelo Bustelo escribiu ao longo da súa vida, mesturando poesía satírica, amorosa e familiar que da a coñecer mellor a personalidade e o entorno desta importante figura política.
Na presentación intervirán: Fernando Suárez, alcalde de Ribadeo, Pedro Calvo-Sotelo, coeditor, Luisa Castro, escritora, Carlos Álvarez Lebredo, profesor de literatura e Darío Villanueva, da Real Academia Española.
Este acto terá lugar as 20:00 horas no Teatro de Ribadeo.
O Concello de Viveiro celebra desde o venres, día 12, e ata o luns 15 nos Xardíns Noriega Varela a Feira do Libro 2022 ‘Movémonos cos Libros’, cunha ampla oferta cultural e encontros con diferentes escritores e escritoras.
Esta mañá presentaron a feira a alcaldesa de Viveiro, María Loureiro; a concelleira de Cultura, Lara Fernández Fernández-Noriega, e María del Cielo Fernández, vicepresidenta da Federación de Librarías de Galicia.
A pregoeira será María Carmen Lage López, antiga propietaria da libraría Porta de Vila de Viveiro, e a pregoeira infantil Iria Pérez Giz, nunha inauguración oficial que será o venres ás 13:00 horas.
“Durante catro días, Viveiro será a capital do libro en Galicia e asistiremos ao encontro entre os escritores e escritoras que participarán na feira e os seus...
leer más
O 10 de agosto terá lugar no Campo de San Francisco, en Ribadeo, un recital poético musical, organizado pola agrupación cultural Francisco Lanza. En caso de choiva o acto trasladarase para a Casa do Viejo Pancho.
«Uterus siue uolua», de Xulio Pardo de Neyra, publicado por Edicións Fervenza (coa colaboración gráfica de Clara Martín) é un libro para ler e para ver, para sentir, para descubrir e para vivir cos ollos e co corazón. As persoas interesadas poderán sentilo este mércores ás 19,00 horas no recital poético que organiza a A.C. Francisco Lanza no Campo de San Francisco (Ribadeo).
Xulio Pardo de Neyra é licenciado en Filoloxía pola USC en 1999 e Doutor en Filoloxía Galega e Doutor en Historia Contemporánea pola mesma, así como Doutor Europeo en Didáctica da Lingua e a Literatura pola Universitat de València....
leer más
Mañá, 30 de xullo, en Rinlo celébrase un ano máis a súa renomeada Festa do Percebe. Uns 800 quilos serán ofrecidos dende o mediodía a un prezo popular de 15 euros a ración. A xornada estará amenizada por un grupo de música tradicional Con Faldas y a lo Loco, por Catuxa Salom, artista que fusiona música galega con ritmos tribais latinoamericanos, e por un dj.
Unha vez máis o Concello de Ribadeo colabora na organización deste importante evento con os/as mariscadores da Confradía de Ribadeo-Rinlo, e este ano por primeira vez a Concellaría de Turismo xunto coa Asociación de Veciños O Cantal instalará unha caseta onde se ofrecerá información turística sobre este pobo mariñeiro e o concello de Ribadeo en xeral.
Para a ocasión esta área acaba de lanzar un folleto monográfico sobre este porto histórico de orixe medieval...
leer más
O venres, 29 de xullo, ás 21:00h celebrarase na Libraría Bahía unha conversa con María López Sández –autora recén ingresada na Real Academia Galega- e Miguel Fraga Vila, fotógrafo. Ámbolos dous, xunto con María Isabel Fraga Vila, son os autores do libro O Herbario de Rosalía, el encargado das fotografías que o nutren e ela do texto.
Este libro nace dun proxecto de investigación sobre as flores e as plantas presentes na obra de Rosalía de Castro que se concretou nun herbario con 150 pregos que estivo exposto no Real Xardín Botánico de Madrid e finalmente neste libro editado pola Fundación Rosalía de Castro.
No libro, igual que no resto do proxecto, únese ciencia e literatura, bioloxía e poesía e nel atopamos versos e textos de Rosalía dedicados a cada planta e flor xunto coas características botánicas das mesmas...
leer más
Despois de estarpor Foz, Valadouro e Mondoñedo,Raquel Amieiro e Pepe Peinóvisitan A Pontenovapara presentar o seu libro “Un año contigo”, convidados pola asociación de Mulleres Rurais do concello.
O libro, escrito maioritariamente durante o confinamento, narra as experiencias de Raquel co cancro durante o ano 2019, as operacións e tratamentos aos que se tivo que someter e as vivencias emocionais que a enfermidade supuxo.
A presentación será o vindeiro venres, 15 de xullo, ás 21:00h, no Salón de Actos da Casa da Cultura da Pontenova. Contará coa intervención dos autores e do profesor Bernardo Penabade, así como da actuación do grupo de música tradicional "A Chocolateira".
O martes, 28 de xuño, ás oito e media da tarde, estará na Libraría Bahía a esritora Xita Rubert para presentar a súa nova novela Mis días con los Kopp editada pola editorial Anagrama.
Mis días con los Kopp, é unha novela de iniciación na que a autora aborda temas como a paternidade, a enfermidade ou a hipocresía social, cun estilo moi elaborado e unha profundade de análise sorprendente nunha escritora tan nova.
Xita Rubert, moi vencellada a Foz por ser filla da escritora focega Luisa Castro, presentará no que dalgún xeito é tamén o seu pobo, esta súa primeira novela coa que comeza unha carreira literaria que agardamos sexa moi frutífera.
O salón de actos da Casa da Cultura de Foz acolle a presentación do libro Un año contigo de Raquel Amieiro e Pepe Peinó. O acto terá lugar este venres, 24 de xuño, ás 20:00 horas.
Xunto aos autores intervirá a psicóloga Teresa Pérez.
A presentación estará amenizada musicalmente polas cancións interpretadas por Aída Río.
Un año contigo aborda a experiencia persoal de Raquel Amieiro desde que, no ano 2019, diagnosticáronlle un tumor maligno nunha mama. A través das páxinas do libro vainos contando a súa vida durante ese fatídico ano, espallando entre os detalles médicos todas as vivencias e reflexións que, inevitablemente, acompañan o proceso.