Publicaciones
Este xoves, día 11, ás 20:00 horas no salón de actos da Casa do Concello de Lourenzá presentarase o libro Lume aceso, de Manuel Román Ramos (Manolo de Cartas) e Xosé López González (Pepe de Celeirao).
Ademais dos autores no acto intervirá a alcaldesa, Rocío López García, e haberá unha colaboración musical a cargo de Lino Rico Fernández e un recital poético de Esperanza Pérez Camba.
Este acto está incluído no programa de actividades das Letras Galegas 2023, dedicadas ao laurentino Francisco Fernández del Riego. Está organizado pola Mesa Coordinadora Don Paco e o Concello de Lourenzá, coa colaboración da Xunta de Galicia.
No Salón de Actos da Casa da Cultura ás 19:00 horas o venres, 28 de abril, o Concello de Alfoz celebrará o Día do Libro.
“Vente desfrutar do espectáculo para público infantil e familiar de Brais das Hortas. Grelos e temazos, cun equilibrio variado de formas e estilos – como debe ser nun ecosistema musical diverso e saudábel! A Santa Compaña aparécese entre as patacas cantando un trap. Hai unha pulga punk da praia de Liméns. As cabras tiran para o monte e os caracois reivindican o seu ritmo: o reggae. Entre as cenouras, os lagartos toman o sol ao son dun tumbao -é o propio!- e os kiwis non paran de brotar bailando ska. Tamén hai sitio para os soños, coma o de ser astronauta, ou para pedirlle axuda á veciñanza para botarlle o sulfato ás viñas. E máis temazos entre guitarrazos, charangazos e un lote de instrumentazos máis. Música e humor...
leer más
Este xoves, 20 de abril, ás 20:00 horas, a Librería Bahía acolle un encontro con Marilar Aleixandre autora da novela “As malas mulleres”, premio nacional de narrativa 2022, e Xosé Ramón Veiga, autor dunha completa biografía de Juana de Vega. Ambos os dous libros editados por Galaxia.
O coloquio versará sobre “Juana de Vega e as malas mulleres”. As malas mulleres que dan título á novela de Marilar Aleixandre son por unha banda as mulleres encarceladas no cárcere da Coruña no século XIX que tiñan maioritariamente como gran crime o de ser mulleres e pobres, e as mulleres liberais da clase alta, como Concepción Arenal e Juana de Vega que loitaban porque as condicións sociais cambiasen.
Unha autora e un autor, por tanto, que se achegan á mesma realidade social e histórica desde dous camiños complementarios como son a...
leer más
A Mancomunidade de Concellos da Mariña Lucense distribúe máis de 100 exemplares do testamento do mariscal Pardo de Cela entre centros educativos, bibliotecas públicas da comarca e o futuro centro de interpretación, sito no Castelo de Castro de Ouro en Alfoz.
Ao abeiro do Plan de Sostibilidade Turística na Mariña Lucense, cofinanciado pola propia Mancomunidade coa colaboración da Deputación de Lugo, a Xunta de Galicia e a Secretaría de Estado de Turismo, o ente supramunicipal vén de apoiar a re impresión da publicación El testamento del marsical Pardo de Cela. Noticia del hallazo y edición documental, que asina Eduardo Pardo de Guevara y Valdés -Profesor de investigación ad honorem do CSIC e Director honorario do Instituto de Estudios Gallegos Padre Sarmiento-con edición da Editorial CSIC. Trátase dunha obra que da conta do achado do...
leer más
O Concello de Barreiros, a través do obradoiro de emprego que está a levar a cabo xunto co Concello de Ribadeo, inicia a campaña de recollida de libros usados cos que se dotarán as dúas bibliotecas rurais en cuxa posta en marcha xa traballan. A campaña promociónase baixo os lemas “NON DEIXES MORRER OS TEUS LIBROS. Dálles unha segunda vida. Dóaos!”
Os libros poderán ser entregados no espazo habilitado nas oficinas municipais ou ben na biblioteca municipal no seu horario de apertura e deberán estar en boas condicións de conservación, non atoparse rotos, sucios, danados ou con anotacións. Tamén se recollerán documentos audiovisuais en formatos CD ou DVD.
O prazo para facer estas doazóns rematará o 31 de xullo, xa que con posterioridade á doazón, o material debe ser catalogado polo persoal do obradoiro, xunto ás...
leer más
O próximo martes, 4 de abril, ás 20:30 horas estará na Libraría Bahía a autora focega Luisa Castro “coa que falaremos da súa última novela Sangre de horchata, que ven de publicar a editorial Alfaguara e do seu poemario Un amor antigo editado por Galaxia a finais do ano pasado”.
Luisa Castro é unha autora fundamental na literatura galega, que iniciou un cambio na poesía dos anos 80 sendo precursora da renovación da poesía galega do momento. Como novelista escribiu sempre en castelán e conta con varios premios do panorama literario español como o premio Azorín ou o finalista do importante premio Herralde. En poesía tamén acadou o premio Hiperión.
Estes últimos anos visitou a poesía en castelán, pero levaba moito tempo sen escribir poesía en galego e sen escribir narrativa, polo que estas dúas obras que sairon ao...
leer más
Acisa Ribadeo presentou hoxe o novo rueiro, que entregará aos hoteis asociados para que poidan empregalo xa esta Semana Santa. Son 15.000 exemplares. O plano foi presentado esta mañá no porto deportivo.
A presidenta de Acisa Ribadeo, Carmen Cruzado, explicou que “desde Acisa queremos seguir ofrecendo servizos aos nosos establecementos asociados. De aí que acabamos de editar un novo rueiro para que os hoteis poidan facer uso del xa durante esta Semana Santa e entregalo aos seus clientes. Inclúe un mapa de Ribadeo cos lugares de interese, un pequeno plano de Rinlo tamén, teléfonos como os da oficina de turismo, da Policía Loca, da Garda Civil, dos taxis ou do centro de saúde. Tamén leva o código QR no que poden atopar toda a información dos asociados e asociadas a Acisa Ribadeo e unhas cantas propostas de visitas a realizar tanto pola vila...
leer más
A Casa dos Veciños da parroquia de Santo Adrao acollerá este sábado, 1 de abril, ás 19 horas a presentación do libro de Ramón Nicolás titulado Francisco Fernández del Riego, vida e obra dun obreiro do galeguismo. Ademais proxectarase o audiovisual Don Paco volve a Lourenzá, de Arraianos Producións.
Este acto, incluído na programación para celebrar as Letras Galegas 2023 dedicadas a Fernández del Riego, está organizado pola Mesa Coordinadora Don Paco e o Concello de Lourenzá coa colaboración da Real Academia Galega, a Xunta de Galicia e a Deputación de Lugo.
A asociación sociocultural Mariña Patrimonio organiza para o vindeiro 24 de marzo a presentación do libro A invención da Gallaecia e a minaría romana. Unha tese sobre as orixes de Galiza, de Óscar Pazos Rodríguez, xeólogo e estudoso da minaría de ouro en época romana. A actividade terá lugar no Cenima de Foz e comezará ás 20.00 horas. Mariña Patrimonio elixe para esta ocasión o concello de Foz debido a que precisamente este concello conta con numerosas mostras de minaría antiga, entre as que destaca polas súas dimensións e bo estado de conservación a mina romana da Espiñeira, na desembocadura do Masma.
Segundo Óscar Rodríguez “o gran ciclo mineiro do ouro galaicorromano amorea unha chea de interrogantes arqueolóxicos, mineiros e xeolóxicos por resolver, mais sobre todo constitúe un problema histórico de seu que ten moitísima relevancia...
leer más
Este venres, 10 de marzo, ás oito e media da tarde terá lugar na Librería Bahía, de Foz, a presentación do libro “As aldeas da memoria”, editado pola Deputación de Lugo.
Estarán no acto os autores do libro: o fotógrafo Laurentino Nachok e o poeta Baldo Ramos aos que acompañarán o escultor Caxigueiro e o músico Mano Panforreteiro.
Desde Librería Bahía explican: “tratarase, pois, dun acto que fai dialogar palabra, imaxe e música e que protagonizarán artistas da Mariña coa presenza tamén do poeta Baldo Ramos, que se achegará ata Foz para esta presentación”.