Día | Page 14 | Faro Ocio Norte

O Concello de Cervo celebrará o Día do Xubilado o 1 de maio. Xa hai 400 pensionistas anotados. A inscrición remata o 20 de abril.

Etiquetas:

17/04/2017

A edil delegada de Servizos Sociais, Pilar Armada, sinalou que a inscrición avanza a bo ritmo “xa son uns 400 os pensionistas do Concello que se anotaron e recordamos que o prazo remata este mesmo xoves, 20 de abril”.

Segundo avanzou Armada, ese día, ás 12:00 horas, terá lugar unha misa cantada pola Coral Terramar, no Pavillón da Veiga, e logo os participantes gozarán dun xantar na carpa que se instalará para a ocasión na Praza dos Campos.

Haberá música durante toda a tarde. A sobremesa correrá a cargo de grupo tradicional Cantares do Brión, e logo xa á tardiña será o dúo Epo-k o que recollerá o testigo para o baile.

Armada sinalou que o Concello entregará un agasallo a cada un dos asistentes e, así mesmo, outorgaranse os trofeos do campionato de tute e parchís que se está a xogar estes...

Librería Bahía, de Foz, celebrará o Día Internacional do Libro Infantil o 1 de abril cunha sesión de Familias que Contan.

Etiquetas:

Foz, Día, Libro

29/03/2017

Desde 1967, o 2 de abril, coincidindo coa data do nacemento do escritor danés Hans Christian Andersen, celébrase o Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Cada ano un país é o patrocinador internacional do Día do Libro Infantil. Elixe un tema e selecciona a un autor ou autora importante co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc.

Este ano correspóndelle a Rusia que difunde a mensaxe do poeta Sergey Makhotin e o cartel del Mikhail Fedorow. Con este motivo organízanse diferentes actividades de animación, encontros con escritores e ilustradores, concursos e...

O 2 de outubro terá lugar a décimo quinta edición do Día da Bici, en Xove. Haberá rutas cicloturistas, animación infantil e unha merenda para todos os participantes.

Etiquetas:

Día, Bicicleta, Xove

26/09/2016

O 2 de outubro terá lugar a décimo quinta edición do Día da Bici, en Xove. Haberá rutas cicloturistas, animación infantil e unha merenda para todos os participantes.

A 15ª edición do Día da Bici terá lugar en Xove o domingo 2 de outubro. Todas as actividades terán lugar no Centro Cívico e darán comezo ás 16:30 horas (as inscricións poderán facerse ata quince minutos antes).

Haberá unha ruta cicloturista por Xove de 2´5 quilómetros e outra ruta cicloturista en línea dende Xove ata o Faro Roncadoiro de 16 quilómetros. Tamén haberá animación infantil con globoflexia e pintura de caras e unha gincana ciclista na Praza do Concello.

A xornada rematará cunha merenda para todos os participantes e terá lugar o sorteo dunha bicicleta e distinto material de ciclismo. Organiza e patrocina a ACD. Xove e o Concello de Xove.

O 24 de setembro terá lugar en Foz a décimo primeira edición do Día da Bici, que organiza o Concello e que sairá ás catro da tarde do parque infantil de tráfico.

Etiquetas:

Día, Foz, Bicicleta

20/09/2016

O 24 de setembro terá lugar en Foz a décimo primeira edición do Día da Bici, que organiza o Concello e que sairá ás catro da tarde do parque infantil de tráfico.

Foz celebra a décimo primeira edición do Día da Bici organizado polo Concello este sábado, día 24, cun percorrido desde o parque infantil de tráfico ata a praia da Pampillosa e regreso ao punto de partida.

Desde o Concello focense explicaron que será “unha xornada festiva na que maiores e pequenos/as comparten o gusto polo deporte, facendo un percorrido desde o Parque Infantil de Tráfico (PIT) ata a praia da Pampillosa, onde repoñerán forzas con froita e bocadillos, para regresar ao PIT. Este ano poderán pedalear entre a praia da Rapadoira e a de Llas polo carril bici. Para que todo saia ben velarán pola seguridade de todos/as os/as participantes a Policía Local e a agrupación de Protección Civil de Foz. A inscrición é gratuíta....

Nordés Faladora celebra o Día dos Océanos con escolares de O Vicedo e de Mañón. Será o 10 de xuño en horario escolar na praia de Esteiro.

Etiquetas:

Océanos, O Vicedo, Día

07/06/2016

Nordés Faladora celebra o Día dos Océanos con escolares de O Vicedo e de Mañón. Será o 10 de xuño en horario escolar na praia de Esteiro.

A asociación Nordés Faladora celebra o Día Mundial dos Océanos o 10 de xuño. Este ano o lema é Uns océanos sans, un planeta san e Nordés Faladora compartirá a xornada con nenos e nenas dos colexios CEIP O Vicedo e CEIP Francisco López Estrada de Mañón. Os actos terán lugar na praia de Esteiro, de Mañón, en horario escolar.

As actividades estarán guiadas por Antonio Martínez Pernas, técnico superior en xestión e organización dos recursos naturais. Haberá unha pequena charla na que se abordará o problema dos plásticos no medio mariño, enfocando a actividade cara o problema dos microplásticos, a limpeza da praia e a medición da cantidade de microplásticos presentes no areal.

Os actos do XXXIII Día do Xubilado organizados polo Concello de Cervo contarán con 600 participantes. Serán o 1 de maio en San Ciprián.

Etiquetas:

Xubilado, San Ciprián, Día

23/04/2016

Os actos do XXXIII Día do Xubilado organizados polo Concello de Cervo contarán con 600 participantes. Serán o 1 de maio en San Ciprián.

Os actos da XXXIII do Día do Xubilado, que organiza o Concello de Cervo, contarán con 600 participantes. As actividades desenvolveranse o día 1 de maio, domingo, en San Ciprián.

A concelleira de Servizos Sociais, Pilar Armada, anunciou que “as 600 persoas anotadas poderán participar nos seguintes actos: ás 13:15 horas haberá unha misa no pavillón municipal, cantada pola coral Terra Mar; ás 14:30 empezará a sesión vermú amenizada por un grupo musical, que terá lugar na Praza dos Campos, onde está instalada unha carpa para o xantar, que se celebrará ás 15 horas. Despois haberá actividades como a elección do solteiro e a solteira de ouro, sorteo de agasallos e baile”.

O Concello de Ribadeo agasallará ás persoas que estes días visiten a Biblioteca El Viejo Pancho cuns indicadores de lectura. Deste xeito conmemora o día do libro.

Etiquetas:

Libro, Ribadeo, Día

22/04/2016

O Concello de Ribadeo agasallará ás persoas que estes días visiten a Biblioteca El Viejo Pancho cuns indicadores de lectura. Deste xeito conmemora o día do libro.

O Concello organiza distintos actos con motivo da celebración do Día do Libro e agasallará ás persoas que visiten estes días a Biblioteca Municipal cuns marca páxinas, segundo deu a coñecer Farruco Graña.

O edil nacionalista manifestou que “cada vez máis debemos celebralo dun xeito especial. Días do libro hai trescentos sesenta e cinco ao ano, e é ben certo que este sábado, 23 de abril, aproveitaremos para destacar a festa do libro. Desde o Concello de Ribadeo quixemos sumarnos a esta celebración cunha mensaxe institucional breve e moi sinxela Vive lendo, le vivindo”.

O responsable de Cultura: “é bo que a lectura forme parte do noso día a día e...

Acia Burela sortea un bono de 500 euros para unha viaxe dentro da campaña do día da nai. O eslogan elixido é "Mamá elixe o destino".

Etiquetas:

Nai, Burela, Día

19/04/2016

Acia Burela sortea un bono de 500 euros para unha viaxe dentro da campaña do día da nai. O eslogan elixido é "Mamá elixe o destino".

Os comercios de ACIA Burela levan a cabo a campaña con motivo do Día da Nai.

Baixo o lema "Mamá elixe o destino" sortearán un bono de 500 euros para 1 viaxe. Esta campaña desenvólvese do 18 ao 30 deste mes de abril e os clientes recibirán coas súas compras, participacións para entrar no sorteo da viaxe.

ACIA Burela continúa deste xeito coas súas iniciativas para promocionar e impulsar o comercio na localidade diante desa data tan sinalada no calendario comercial como é o Día da Nai, o primeiro domingo de maio.

Aberta a inscrición para participar no Día do Xubilado, que organiza o Concello burelés. Será o 8 de maio e haberá servizo de autobús para trasladar aos asistentes ata o pavillón municipal.

Etiquetas:

Xubilado, Burela, Día

18/04/2016

Aberta a inscrición para participar no Día do Xubilado, que organiza o Concello burelés. Será o 8 de maio e haberá servizo de autobús para trasladar aos asistentes ata o pavillón municipal.

Hoxe, luns, ábrese o período de inscrición para participar no Día do Xubilado, que organiza o Concello burelés.

A edil de Servizos Sociais, Patricia Otero, explica que “esta celebración, que será o 8 de maio, dará comezo ás 12:30 horas na Casa da Cultura coa recepción ás/aos xubiladas/os asistentes, para posteriormente celebrar o xantar, ás 14:30 horas no pavillón municipal”. A concelleira socialista subliña que “ata esta instalación municipal, aquelas persoas que o precisen ou así o decidan, poderán subir no servizo de autobús que se habilitará”.

Otero engade que “a inscrición e retirada de tíckets será nas Oficinas de Información da Casa do...