Infantil
Continúa a programación de teatro no Concello de Foz. A Concellería de Cultura ten preparada para este sábado, 7 de novembro, ás 18.30 horas na Sala Bahía a obra Carapuchiña Vermella, da compañía Educateatro Producións.
Esta obra chega en formato musical e nela “pequenos e grandes acompañarán a Carapuchiña Vermella na gran aventura de levarlle á súa avoa unha cesta coa merenda atravesando un bosque cheo de sorpresas”, comenta a concelleira de Cultura, Inés López Couto.
Con esta representación o Concello de Foz segue co programa Foz fai Cultura, que busca que, malia as circunstancias adversas e a crise sanitaria que estamos a vivir, tanto adultos coma nenos poidan seguir gozando da Cultura de forma segura.
O prezo desta actividade será de 3 euros para os adultos e 2 euros para os nenos....
leer más
O Concello de Foz organiza un ciclo de teatro infantil que se desenvolverá desde mañá, martes, ata o 25 de agosto no pavillón do colexio Número 1. Foi presentado esta tarde polo alcalde, Fran Cajoto, e o concelleiro de Cultura, Héctor Moris.
Os espectáculos serán todos ás 21.00 horas e con entrada gratuíta. Haberá limitación de aforo e será obrigatorio a asistencia con mascarillas.
Fran Cajoto explicou que “este ano 2020 é un verán un pouco distinto porque temos que aprender a utilizar a mascarilla, andar con sentidiño en todos os ámbitos da vida e usar ese distanciamento social. Pero non nos podemos esquecer da cultura e en Foz gústanos moito que, tanto para os veciños como para os visitantes, en tempada de verán haxa actividades que fagan aínda máis atractiva a vila e sexan unha escusa perfecta para gozar de Foz...
leer más
O grupo Mamá Cabra presenta este sábado, 15 de febreiro, en Viveiro, o espectáculo de música infantil A fraga do meu avó. Dará comezo ás 18:00 horas e ten unha duración dunha hora.
As cancións coas que se enche esta montaxe naceron o día que Gloria paseou pola fraga co seu primo Cándido que lle contaba miles de contos que sucederon alí. Coas súas botas e o seu gavillo percorreu o regato que a cruza buscando a fonte da que tiña oído falar e que se agochaba entre o lixo e a maleza. A base de paseos e visitas apareceron animais que nunca viran, árbores inmensas que sabían segredos da vila, plantas que sanaban e floriñas ventureiras.
A fraga do meu avó está en Santa María de Vigo, en Cambre, e para que se coñeza a súa historia naceu un libro, varios poemas, contos e moitas cancións, que están no espectáculo.
... leer más
El origen del hielo, musical tributo a Frozen, chegará ao Auditorio Municipal de Burela directamente desde a Gran Vía de Madrid o 29 de Febreiro da man da Compañía Onbeat.
Co seu estilo interactivo co público, a calidade das súas voces, a espectacularidade das súas coreografías, a súa coidada posta en escena e a súa fórmula de tributo, onde dous personaxes fan de presentadores das cancións, a diversión en familia está garantida. Máis de 450.000 espectadores viron xa as súas obras en toda España.
A historia relata que o clima está afectando ao planeta e a consecuencia máis inmediata é a desaparición do xeo. Para tratar de resolver o problema, Xulia decide investigar a orixe do xeo e buscar a alguén que teña o poder suficiente para crealo. Na súa procura descobre a un boneco de neve que lle conta a historia que...
leer más
O grupo de teatro A Adala Infantil representará en Cervo a obra Que cousas pasan no Camiño.
A actuación terá lugar o domingo, 26 de xaneiro, ás 19:00 horas no salón de actos do Concello de Cervo. A entrada é libre.
Esta é a segunda obra que interpretan sobre os escenarios os novísimos actores do grupo de Foz e que presentaron xa hai máis dun ano.
O Concello de Cervo colabora na organización deste evento.
O programa de actos do Nadal en Xove vai comezar coa chegada de Papá Noel, este sábado, día 21, quen, despois de visitar a Residencia da 3ª Idade, vai estar ás 19:00 horas no Pavillón Municipal, onde vai recibir a tódolos nenos.
De seguido tódolos nenos disfrutarán dunha Festa con dinamización musical a cargo da emprega IG10.
Dado que o tempo está invernoso, nada mellor que unha chocolatada. Pois ben, poderemos disfrutar dunha chocolatada gratuita ata agotar existencias.
E o domingo, día 22, haberá teatro infantil. O grupo de teatro infantil ADALA de Fazouro vai a representar a obra “QUE COUSAS PASAN NO CAMIÑO!”. A función vaise desenvolver ás 19:00 horas no Salón de Actos do Centro Cívico.
Sinopse: Esta é unha obriña que trata sobre o amor verdadeiro. Un...
leer más
O próximo 24 de decembro a A.C.R Fervenza de Sargadelos organiza, como é habitual, a Noiteboa Infantil nas Antigas Escolas de Cervo.
As actividades comezarán ás 16 horas coa ludoteca de xogos de madeira, educativos e orixinais para toda a familia, que corren a cargo da xoguetería burelá Xogando nas Nubes. Despois, nesta ocasión, a Asociación apostou por Mamá Cabra, un dos grupos pioneiros da música infantil galega, que interpretará, por volta das 18 horas, grandes éxitos das súas publicacións, ben como panxoliñas extraídas do seu libro "Xa me tardan estes magos".
Nada máis rematar o espectáculo, haberá chocolatada para todas as persoas asistentes e, ás 19:30, Papá Noel recibirá a todas as crianzas. Por último, realizaránse os sorteos dunha cea para dúas persoas, unha cesta e un lote de viños nos locais O Caseto...
leer más
A Concellería de Dinamización e Participación Veciñal de Barreiros organiza unha festa infantil de Samaín que se celebrará o 31 de outubro nas Escolas ao lado do Concello de Barreiros.
A festa está dirixida a nenos e nenas de Educación Infantil e Primaria (nados entre os anos 2008 e 2016). A inscrición pode facerse na Biblioteca Municipal e Oficinas Xerais do Concello ata o luns 28 de outubro.
A festa desenvolverase entre as 10:00 e as 13:30 horas e celebraranse obradoiros de cabazas, manualidades, lectura de contos de Samaín, decoración da Casa do Concello e degustación de comida terrorífica para os participantes, cortesía da Asociación de Hostelería de Barreiros.
O Concello de Foz programa para este mes de agosto varias funcións de teatro infantil que se representarán na Sala Bahía.
O luns 5, ás 21:00 horas, Limiar Teatro porá en escena Don Quixote. Unha comida gastronómica.
O martes 6, ás 21:00 horas, actuará Pérez & Fernández que presentará Aguratrat.
O luns 12, ás 21:00 horas, Educateatro Produccións representará Os tres porquiños.
O martes 13, ás 21:00 horas, A Adala Infantil presentará ¡Que cousas pasan no Camiño!.
A compañía Elefante Elegante presenta este sábado, 23 de febreiro, no Teatro Pastor Díaz de Viveiro, a obra Patapatúm. A representación dará comezo ás 18:00 horas e está dirixida a nenos e nenas con idades comprendidas entre os 3 e os 8 anos.
Elefante Elegante presenta un novo espectáculo na liña do seu traballo xestual e cunha forte compoñente plástica e musical. Patapatúm propón unha reflexión sobre a presenza dos bens materiais nas relacións entre país e fillos. Conta como os país e as nais adoitan ofrecerlles moreas de xoguetes aos seus fillos e ocupacións permanentes para que non se aburran, pero o aburrimento non é sempre negativo e pode desenvolver a súa creatividade. Por outra banda pode acontecer que eses obxectos materiais intenten colmar a falta de tempo que os proxenitores teñen para dedicar aos seus fillos.