Letras Galegas
30/04/2017
A Asociación de veciños do Burgo de Trasbar organiza o IV Certame literario con motivo da celebración do Día das Letras Galegas, co tema “Morriña”.
As narracións deberán estar escritas en galego, cunha extensión máxima dun folio por unha soa cara. Establécense tres categorías: infantil (ata 12 anos), xuvenil (de 13 a 18 anos) e adulto (maiores de 18 anos). Cada autor pode presentar cantos traballos desexe, acompañando cada un deles cun sobre pechado onde figuren os seus datos persoais (nome, dirección data de nacemento e un teléfono de contacto).
O prazo de presentación dos traballos rematará o xoves, día 11 de maio, debendo ser remitidos á seguinte dirección: Asociación de veciños do burgo de Trasbar, Local Social, Corral Grande, s/n, 27888 Trasbar, Cervo.
O xurado seleccionará un...
leer más 14/05/2016
Aciam Xove celebra o Día das Letras Galegas cunha homenaxe a Manuel María. A Asociación Empresarial vai facer este ano o seu particular homenaxe a Manuel María.
O día 17 de maio, Día das Letras Galegas, no Salón de Actos do Concello de Xove, a partir das 20:00 horas farase un percorrido pola biografía do autor, cunha teatralización da persoa no mesmo, e dedicando momentos a lectura de poemas e sonetos do autor, con música en directo.
Serán os asociados e veciños de Xove os encargados de escenificar e facer a homenaxe. Colabora na organización destes actos o Concello de Xove .
13/05/2016
Barreiros celebra o día das Letras Galegas con teatro e con música o domingo e o martes.
Este domingo, 15 de maio, haberá teatro. O grupo A Adala representará Unha morta moi viva. Será a partir das sete da tarde no centro sociocultural Manuel Díaz Sampedro. A actividade está organizada pola Oficina de Información Xuvenil e pola Biblioteca Pública Municipal.
E o martes, 17 de maio, ás 19:30 horas a Coral Polifónica de Barreiros actuará nas Escolas de Celeiro de Mariñaos. A cita foi organizada pola Concellería de Cultura para conmemorar as Letras Galegas.
12/05/2016
O Concello de Lourenzá conmemora o Día das Letras Galegas con actividades que se celebrarán o vindeiro luns en Vilanova e o martes no Pazo de Tovar.
A alcaldesa, Rocío López, anunciou hoxe que “o Concello de Lourenzá programa, para conmemorar o Día das Letras Galegas, unha serie de actos cos que busca render homenaxe ás nosas letras e ó autor homenaxeado: Manuel María, o poeta da Terra Cha. Os actos comezarán o luns, día 16 de maio, con dúas actividades dirixidas especialmente ó público infantil: ás seis da tarde, dentro do programa Ler Conta Moito, da Xunta de Galicia, levarase a cabo ás seis da tarde no salón de actos municipal o espectáculo titulado Babacontos con Manuel María. Da man da actriz Larraitz Urruzola os nenos e nenas...
leer más 12/05/2016
Ribadeo programou diversas actividades do 13 ao 18 de maio para celebrar o día das Letras Galegas e renderlle homenaxe a Manuel María. Os actos foron presentados hoxe polo concelleiro de Cultura, Farruco Graña.
O edil nacionalista contou que “desde este venres día 13 e ata o vindeiro mércores 18 vanse desenvolver en Ribadeo unha serie de actividades para homenaxear ao noso poeta universal, Manuel María, co gallo do Día das Letras Galegas. Música, poesía, presentación de libros e reparto de poemas van dar cor e vida a unha semana repleta de actos. Así, desde o venres 13 e ata o mércores 18, terá lugar a campaña Poemas de mar e terra para o noso mercado. O comercio local vai repartir poemas de Manuel María relativos ao tipo de...
leer más 09/05/2016
O luns, 16 de maio, terá lugar en Viveiro un concerto de música de autores galegos seguindo coa programación do Concello con motivo da conmemoración do Día das Letras Galegas.
Este concerto, que correrá a cargo dun Ensemble da Banda Municipal O Landro de Viveiro, comezará ás 21:00 horas e terá lugar no multiusos do Concello.
Os actos continuarán o día 17 coa actuación do grupo Sons de Celeiro e a Coral Alborada de Viveiro. Ésta principiará ás 12:00 horas e terá lugar na praza da Fontenova.
30/04/2016
A Delegación de Cultura do Concello de Cervo programou diversas actividades para o vindeiro mes de maio entre as que destacan as dedicadas a celebrar o Día das Letras Galegas, especialmente o concerto que ofrecerá o músico, compositor e cantante Roi Casal, no que interpretará temas con letras de Manuel María. Será o 20 de maio, venres, ás 20:30 horas no auditorio da Casa da Cultura, de San Ciprián.
Anunciouno hoxe a concelleira de Cultura, Dolores García Caramés, quen tamén salientou que “todos os días de maio ata o 17 publicaremos na páxina de facebook do Concello contidos referentes ás Letras Galegas e ao escritor ao que se dedica esta conmemoración este ano, Manuel María”.
17/04/2016
A biblioteca pública municipal de Foz organiza diversas actividades para celebrar o Día do Libro e o das Letras Galegas. Anunciouno a concelleira de Cultura, Silvia Blach, quen explicou que é “unha programación para todos os públicos, onde se mesturan actos para nenos, mozos e adultos, con variedade de actividades como contacontos, obradoiros, presentación de libros, visitas escolares ou certames”.
Silvia Blach especificou que “pasada xa a celebración do Día de Rosalía e do Día da Poesía co Festival dos Namorados, comezamos o mes de abril coa celebración este ano do Día das Artes Galegas dedicado a Castelao, co obradoiro A obra de Castelao en teatro de sombras, a cargo de A Xanela do Maxín para mozos do IES de Foz. Será o vindeiro...
leer más 11/04/2016
A asociación de veciños do Burgo de Trasbar organiza o III Certame literario con motivo da celebración do Día das Letras Galegas, co tema “Lendas”.
As narracións deberán estar escritas en galego, cunha extensión máxima dun folio por unha soa cara. Establécense tres categorías: infantil (ata 12 anos), xuvenil (de 13 a 18 anos) e adulto (maiores de 18 anos). Cada autor pode presentar cantos traballos desexe, acompañando cada un deles cun sobre pechado onde figuren os seus datos persoais (nome, dirección data de nacemento e un teléfono de contacto).
O prazo de presentación dos traballos rematará o 8 de maio, debendo ser remitidos á seguinte dirección:...
leer más 26/05/2015
Este sábado, día 30, ás 20:30 horas no Cine Teatro de Ribadeo terá lugar o Concerto das Letras Galegas da Banda de Música Municipal de Ribadeo.
O director da Banda, David Ballester, explicou que “vai ser todo o repertorio baseado en música tradicional galega e en obras compostas por galegos. Tocaremos obras que están creadas expresamente para banda así como outras que están compostas para orquestra e arranxadas para banda”.
David Ballester destacou que “neste concerto volvemos ter a sorte de poder incorporar 3 novos músicos, dúas rapazas coa frauta, Paula e Eva, e un compoñente máis de clarinete, Alberto, que tamén se nos uniu estas semanas. Entón pouquiño a pouco a banda vai medrando e vamos formando un grupo máis amplo. Invito a...
leer más