Mondoñedo
13/03/2015
O Centro Comarcal de Mondoñedo acollerá o vindeiro día 18 de marzo, ás 20 horas, unha xornada sobre a vespa velutina. Nesta charla explicarase como comportarse ante a presenza da vespa, a súa vixiancia e control e tamén haberá unha demostración da elaboración de trampas. O acto esta organizado polo Sindicato Labrego Galego, Asociación Galega de Apicultura e o Concello de Mondoñedo.
01/03/2015
Mondoñedo acollerá o día 6 de marzo o amplo programa de actividades incluído na denominada Xornada da Lembranza, que organizan os seguintes colectivos: Plataforma Comarca de Mondoñedo Unida, Asociación de Comerciantes, Industriais e Autónomos de Mondoñedo, Amigos de la Ciudad de Mondoñedo e Asociación Abrindo Camiño.
Os actos empezarán as 09:30 horas coa recepción dos participantes á carón da Alameda dos Remedios, que se trasladarán ata o salón de actos do IES San Rosendo. Alí ás 09:45 horas empezará un evento no que intervirán en primeiro lugar o alcalde mindoniense, Orlando González Cruz; o vicepresidente primeiro da Deputación Provincial de Lugo, Antonio Veiga; e o cronista oficial de Mondoñedo, Antonio Reigosa. Tamén participarán directivos dos centros educativos IES...
leer más 23/02/2015
O Concello de Mondoñedo organiza varios actos de homenaxe a Álvaro Cunqueiro, que terán lugar o vindeiro xoves, 26 de febreiro, a mediodía.
Ás 12 da mañá terá lugar unha ofrenda floral. Ás 12:30 horas haberá unha lectura popular da obra cunqueiriana “Si o vello Simbad volvese ás illas”, no auditorio municipal Pascual Veiga. Segundo informan desde o Concello o inicio da mesma correrá a cargo do novo Cronista Oficial da Cidade, Antonio Reigosa Carreiras. E para as 13 horas está programado un concerto a cargo de César Morán, tamén no auditorio municipal de Mondoñedo.
17/02/2015
Están á venda no Bar Central e no Rincón de Mondoñedo as tarxetas para asistir á cea baile do vindeiro sábado, 21 de febreiro, no Círculo Recreativo Casino de Mondoñedo. Os asistentes degustarán: sopa de cocido, cocido, orellas e roscas, os viños serán albariño e rioja e haberá tamén café e chupitos. O prezo por comensal é de 20 euros.
Desde a organización informan que haberá dous premios en cada unha das seguintes categorías: grupos, parellas e individuais. A festa estará amenizada polo dúo Diamantes.
12/02/2015
A cidade de Mondoñedo celebra o Entroido o sábado dia 21 de febreiro e repartirá perto de 3.000 euros en premios.
Haberá premios para comparsas e charangas, grupos de máis de 10, grupos de 3 a 10, parellas, individuais e tamén na categoría infantil.
O concurso de desfile de disfraces percorrerá as rúas da cidade de Mondoñedo, a partir das 5 da tarde, e ao finalizar haberá ambientación musical na Praza do Concello.
Para participar hai que inscribirse, o sábado dia 21, no Campo dos Paxariños dende as 16:00 horas ata ás 17:00 horas.
09/02/2015
O Centro Comarcal de Mondoñedo acollerá o vindeiro venres, 13 de febreiro, ás 20:30 horas a presentación do libro Consejos de Guerra contra el Clero Vasco (1936-1944). La iglesia vasca vencida, do que é autor Anxo Ferreiro Currás.
No acto, no que se dará “outra visión pouco coñecida da posguerra” intervirán: Xulio Xiz, xornalista, produtor e animador cultural galego; Xosé Manuel Carballo, cura de varias parroquias de Castro de Rei e escritor; Rosa Cal Martínez, ex profesora de Ciencias da Información na Universidade Complutense de Madrid e investigadora; e o autor do libro, Anxo Ferreiro Currás.