Mulleres

O Cenima, de Foz, acollerá do 7 ao 28 de abril a exposición da cuarta edición da Semana das Artes da Mariña lucense. Estará protagonizada por 11 mulleres.

Etiquetas:

03/03/2017

Dende o 7 de abril no Cenima, de Foz , 11 mulleres mariñáns serán as protagonistas da exposición da cuarta edición da Semana das Artes da Mariña lucense. Permanecerá aberta ata o 28 do mesmo mes. Contará coa visita dos escolares e profesores da Mariña, como ven sucedendo nas edicións anteriores, e co público que queira achegarse a contemplar as propostas artísticas destas 11 artistas: Zili Katova, Cristina Basanta, Lucía Vila, Eva Rivas, Alicia Puchades, Carmen LLonín, Adriana Pardo, Laly Santos, Pili Rei, Lucía Catuxo e Renata Otero.

Esta nova proposta pretende integrar arte e educación, como medio de avanzar nos procesos creativos de todas e todos os habitantes da comarca. Coñecemento, creatividade e expresión artística, son os soportes dun desenvolvemento emocional que intenta mellorar as condicións de vida dos/as cidadáns mariñáns. Con...

O Concello de Ourol celebra o Día Internacional da Muller cunha charla e cun xantar o 11 de marzo.

Etiquetas:

Ourol, Xantar, Mulleres

03/03/2017

O Concello de Ourol, a través do departamento de Servizos Sociais, organiza varios actos para conmemorar o Día Internacional da Muller que se celebra o 8 de marzo.

O sábado, 11 de marzo, haberá unha xuntanza de mulleres cunha charla de sensibilización e comida-baile.

Dará comezo ás 13:30 horas no edificio multiusos do Concello de Ourol . O custe da comida é 10 euros e o prazo para anotarse remata o mércores 8 de marzo. O abono é previo a retirada de entradas no departamento de Servizos Sociais.

O 4 de marzo terá lugar un curso intensivo de autodefensa feminista no IES de Ribadeo. A actividade está aberta ao público feminino en xeral.

Etiquetas:

Ribadeo, Curso, Mulleres

02/03/2017

A Concellaría de Igualdade organiza en un curso intensivo de autodefensa feminista e un taller de novas masculinidades, entre outras actividades, coa clara reivindicación de que “o 8 de marzo debera ser todos os días”.

O curso de autodefensa feminista desenvolverase o venres, 3 de marzo, no Colexio Sagrado Corazón de Xesús pola mañá e no IES de Ribadeo pola tarde. E o sábado, 4 de marzo, farase unha xornada aberta e destinada ao público en xeral desde as 10 da mañá ata a unha do mediodía no ximnasio do IES de Ribadeo Dionisio Gamallo Fierros. Desde o CIM lembran que hai prazas limitadas, polo que é preciso anotarse enviando un e-mail ao correo cim@ribadeo.org ou ben chamando ao 982 120 739.

O 7 de marzo o alumnado do ciclo de educación infantil do CIFP Porta da Auga desprazarase ata o colexio público Gregorio Sanz e ao colexio...

Na Casa da Cultura de Burela pódese visitar ata o 31 de xaneiro unha exposición de traballos feitos polas mulleres asistentes aos cursos de manualidades, bordados, encaixes e bolillos, impartidos polo CIM o ano pasado.

Etiquetas:

exposición, Mulleres, Burela

19/01/2017

Na Casa da Cultura de Burela pódese visitar ata o 31 de xaneiro unha exposición de traballos feitos polas mulleres asistentes aos cursos de manualidades, bordados, encaixes e bolillos, impartidos polo CIM o ano pasado.

Ata o 31 de xaneiro estará aberta ao público na Casa da Cultura a exposición de traballos feitos polas mulleres que asistiron aos cursos de manualidades, bordados, encaixes e bolillos impartidos polo CIM durante o pasado ano 2016.

Ao acto de inauguración asistiron monitoras, alumnas, veciñ@s e usuarios das distintas asociacións locais así como a concelleira de Servizos Sociais, Patricia Otero, que agradeceu “o grande esforzo realizado polas monitoras, alumnas e persoal do Concello, do CIM, que traballou duro para que esta exposición resultase un éxito. Desde a Concellería de Servizos Sociais apostamos por darlle continuidade a estes cursos, máis aló do 2017, porque as actividades deste ano xa están tamén en marcha”.

Otero destacou “o...

Do 19 ao 23 de decembro estará aberto o prazo de inscrición no programa Corpo de Muller, que organiza a Concellaría de Igualdade de Ribadeo. Ofértanse 4 talleres, que terán lugar do 9 de xaneiro ao 6 de abril.

Etiquetas:

Talleres, Ribadeo, Mulleres

14/12/2016

Do 19 ao 23 de decembro estará aberto o prazo de inscrición no programa Corpo de Muller, que organiza a Concellaría de Igualdade de Ribadeo. Ofértanse 4 talleres, que terán lugar do 9 de xaneiro ao 6 de abril.

O vindeiro luns, 19 de decembro, ábrese o prazo de inscrición para participar no programa Corpo de Muller, do Concello ribadense.

Desde a Concellaría de Igualdade subliñan que “Corpo de Muller é un programa posto en marcha o pasado mes de setembro pola Concellaría de Igualdade, e que se desenvolveu con grande éxito durante este trimestre de 2016. Está dirixido a aquelas mulleres que desexen mellorar a súa utilización corporal cun método de fisioterapia suave, progresivo e activo, a Reeducación postural global”.

Segundo explican desde a Concellaría de Igualdade “este programa conta cunha oferta dirixida a mulleres en varias situacións e ciclos da súa vida”.

Hai catro talleres previstos:

O Castelo de Castrodouro, en Alfoz, acollerá o 28 de outubro unha charla-café titulada "Comunidade e Muller na Galiza Rural", a cargo de Alba Díaz Geada.

Etiquetas:

Alfoz, Charla, Mulleres

17/10/2016

O Castelo de Castrodouro, en Alfoz, acollerá o 28 de outubro unha charla-café titulada "Comunidade e Muller na Galiza Rural", a cargo de Alba Díaz Geada.

Con motivo da celebración do día Internacional da Muller Rural, presentouse en Alfoz a charla-café “Comunidade e Muller na Galiza Rural” que terá lugar o vindeiro 28 de outubro ás 20 horas no Castelo de Castrodouro de Alfoz, organizado polo Observatorio da Mariña pola Igualdade coa colaboración do Concello de Alfoz.

A charla será conducida por Alba Díaz Geada, doutora en Historia Contemporánea pola Universidade de Santiago de Compostela. Alba Díaz Geada, con vínculos familiares no concello de Alfoz, ten feito estudos de investigación sobre o sindicalismo labrego galego e as mudanzas económicas, sociais e culturais no rural galego durante o franquismo e o proceso de cambio de réxime político. Grazas a un contrato posdoutoral puido seguir a afondar nestas...

O 16 de outubro terá lugar un novo "Domingo a pé", actividade anual da Concellaría de Igualdade e do CIM de Ribadeo dirixida ás mulleres para promover un tempo de lecer para elas mesmas.

Etiquetas:

Ribadeo, Mulleres, Ruta

07/10/2016

O 16 de outubro terá lugar un novo "Domingo a pé", actividade anual da Concellaría de Igualdade e do CIM de Ribadeo dirixida ás mulleres para promover un tempo de lecer para elas mesmas.

A Concellaría de Igualdade e o CIM poñen en marcha un novo Domingo a pé. Será o 16 de outubro e discorrerá entre San Cibrao e Burela. A inscrición está aberta no Centro de Información ás Mulleres.

Desde a Concellaría de Igualdade sinalan que “rematou o verán, pero non as gañas de movernos e facer cousas. Coa chegada do outono a Concellaría de Igualdade de Ribadeo pon en marcha para o vindeiro 16 de outubro un novo Domingo a pé. Os Domingos a pé é unha actividade anual dirixida ás mulleres adultas, co fin de promover un tempo para elas mesmas, un tempo de ocio, un tempo illadas das obrigas familiares, laborais… un tempo para rachar con esa dobre ou triple xornada laboral. Ademais, de poder gozar dese tempo para elas, poderán coñecer lugares do seu entorno inmediato, e facer un pouco de...

Ourelo organiza para o 26 de xullo un obradoiro sobre a muller na literatura e na ciencia. Será na Biblioteca Municipal de Ourol.

Etiquetas:

Mulleres, Ourol, Obradoiro

21/07/2016

Ourelo organiza para o 26 de xullo un obradoiro sobre a muller na literatura e na ciencia. Será na Biblioteca Municipal de Ourol.

O grupo de moz@s Ourelo organiza para o vindeiro martes, 26 de xullo, o seu próximo obradoiro, que terá por título A muller na literatura e na ciencia.

Neste obradoiro, desde unha perspectiva práctica, coñeceranse ás mulleres que máis destacaron nestes dous eidos. Os asistentes elaborarán un álbum coas biografías e pensamento de mulleres que destacaron na ciencia, na literatura o una mecánica.

O obradoiro terá lugar o 26 de xullo entre as 11:00 horas e as 13:00 horas, na Biblioteca Municipal de Ourol. Os interesados poden facer as súas inscricións no teléfono 982 55 90 19.

A Casa da Cultura de San Ciprián acollerá do 21 de marzo ao 2 de abril unha exposición de labores feitas por mulleres do municipio.

Etiquetas:

San Ciprián, exposición, Mulleres

18/03/2016

A Casa da Cultura de San Ciprián acollerá do 21 de marzo ao 2 de abril unha exposición de labores feitas por mulleres do municipio.

A Casa de Cultura, de San Ciprián, acollerá a partir do vindeiro luns, día 21, unha exposición de labores feitas por mulleres do municipio, como traballos en ganchillo, bordados ou bolillos. Anunciouno hoxe a concelleira de Igualdade, Pilar Armada Carrete.

A mostra, titulada Coas nosas mans, inclúe obras realizadas por socias dos seguintes colectivos: CIT de San Ciprián, Asociación de Amas de Casa Alborada, As Espalladoras, Alumnas de Mari Luz Méndez, Asociación de Veciñ@s Cervo-Sargadelos e Mulleres de San Ciprián. Será inaugurada na sala de exposicións da Casa de Cultura o vindeiro luns ás 17 horas e estará aberta ao público ata o 2 de abril. Poderá visitarse de luns a venres de 11 a 13 horas e de 17 a 20 horas.

...

Aberto o prazo para anotarse nos diferentes cursos que organiza a Asociación de Amas de Casa e Consumidores Baos, de Lourenzá.

Etiquetas:

Mulleres, Cursos, Lourenzá

14/03/2016

Aberto o prazo para anotarse nos diferentes cursos que organiza a Asociación de Amas de Casa e Consumidores Baos, de Lourenzá.

A Asociación de Amas de Casa e Consumidores Baos de Lourenzá abre o prazo para anotarse nos diferentes cursos que organizará nas vindeiras semanas.

O primeiro deles comezará despois da Semana Santa e será de bordado. Terá lugar os mércores de 16 a 19 horas, durará trinta horas e o seu custe será de 30 euros. Estará impartido por Marina Abad.

No mes de abril haberá dous cursos, un de bolillos e outro de restauración de mobles. O de bolillos que impartirá Mari Luz Balea, durará trinta horas e custará 20 euros. O de restauración de mobles, que impartirá Esther de La Herencia, durará tamén trinta horas e o seu custe será de 50 euros.