Presentación
O Seminario de Estudos do Valadouro vai presentar o seu Caderno Número 9. Trátase dun estudo sobre a figura do Mariscal Pardo de Cela, baseado no seu testamento, que fixo Antón Xosé Meilán García. A obra titúlase: "Os últimos días do Mariscal (o testamento e a Igrexa mindoniense)".
O Caderno será presentado o vindeiro mércores, día 7 de agosto, ás 20:00 horas no Castelo do Castrodouro de Alfoz, coa presenza do autor, de Xesús Pisón, Responsable da Área de Sociedade do SEVA, e de Pepe Peinó, actual Presidente do SEVA.
A Asociación Cultural A Pomba do Arco organiza o 5 de xullo ás 20:30 na Libraría Bahía de Foz a presentación do libro "Do Abadexo á zorza. Dicionario da comida galega", nun acto no que tomaran a palabra os editores do mesmo Xan Carballa e Cesar Lorenzo e o seu autor Xavier Rodríguez Baixeras.
"Do Abadexo á zorza. Dicionario da comida galega" é moito máis cun libro gastronómico, tratase dun traballo único e singular no espazo das culturas peninsulares que reúne por primeira vez nun mesmo volume, profusamente ilustrado, un esforzo de recuperación lingüística clave para unha cultura como a galega, até converterse nun grande manual de consulta tamén é un traballo diferente e de referencia para gorentarse cos sabores e os saberes, polo simple pracer da lectura e a evocación e que será de obrigada presenza en todas as entidades relacionadas...
leer más
Este mércores, 22 de maio, terá lugar a presentación da Banda da Escola de Música de Burela, que se estreará no pregón das festas patronais. No acto deste mércores, que dará comezo ás 13:00 horas na propia escola, participarán xunto ao alcalde e ao concelleiro de Cultura, o director da Escola e o director da Banda.
O rexedor burelés, Alfredo Llano, manifestou que “un dos obxectivos que tíñamos nesta lexislatura, a través da Escola de Música, era conformar unha nova Banda de Música que saíra da Escola e por fin se logrou. Non é doado a creación dunha Banda, pois ten o seu espazo e o seu tempo para que conte cunha calidade e cunha cantidade suficiente de compoñentes para que sexa boa”.
Llano anunciou que “este ano imos presentar a Banda de Música cando sexa o pregón das festas, vai actuar nese acto, e vai ser...
leer más
Este xoves, 9 de maio, ás oito e media da tarde na Librería Bahía, en Foz, terá lugar a presentación do libro Luto en colores da xornalista Silvia Melero Abascal.
Trátase dunha obra que busca repensar a morte para celebrar a vida, e nace tras a experiencia persoal da autora pola perda da súa irmá. Xurdiu coa pretensión de romper o tabú da morte por suicidio, pero foise abrindo a abrazar outros tipos de dó tamén invisibilizados, como as mortes de cativos. É unha invitación á diversidade e á pluralidade porque hai moitas formas de vivir a norte, a despedida e o dó. É ademais unha aposta pola creatividade como ferramenta para superar a dor e homenaxear aos nosos seres queridos, facendo da súa ausencia unha presenza chea de aprendizaxe nas nosas vidas.
A autora, Silvia Melero Abascal, é impulsora do proxecto que leva...
leer más
A lonxa de Burela acollerá o vindeiro xoves, 2 de maio, a presentación do proxecto 'PEQUE PEIXE', unha iniciativa da Secretaría Xeral de Política Lingüística da Xunta de Galicia que ten como obxectivo formar aos nenos de 3 a 15 anos na terminoloxía mariñeira e pesqueira en galego.
No acto, que terá lugar na lonxa de ABSA en Burela, participarán 132 nenos de 7 e 8 anos de varios colexios públicos da comarca: CEIP Virxe do Carme de Burela, CEIP Fondo Nois (Foz) e CEIP Península da Paz de San Cibrao.
O evento conta coa colaboración de Armadores de Burela (ABSA), a Organización de Produtores Pesqueiros de Lugo (OPP-7) e a propia Secretaría Xeral de Política Lingüística a través do seu Secretario Xeral, Valentín García.
Para este proxecto desenvolvéronse 6 unidades didácticas adaptadas a...
leer más
A Librería Bahía de Foz acolle este venres, 5 de abril, a presentación do libro A cova do Rei Cintolo.
No acto, que dará comezo ás 20:30 horas, estarán os dous autores da obra: Xurxo Lorenzo e Javi Fouz.
A cova do Rei Cintolo é o primeiro gran libro sobre a gran cova galega, no que recolle o coñecemento completo en todos os eidos posibles, dende a historia, as lendas, etimoloxía, arqueoloxía, xeoloxía, bioloxía, descrición detallada do interior, os nomes das salas e formacións coa súa explicación, e visitantes ilustres, entre outros temas. A información presentada neste libro é resultado de anos de investigación de arquivos, periódicos e entrevistas persoais, coa contribución de máis de oitenta persoas, de Galicia e tamén de fora, que aportaron material ou información que doutro xeito teríase perdido.
... leer más
A escritora focense Raquel Rey presentará este xoves, 21 de marzo, na Librería Bahía, de Foz, a súa novela Bon Vivant. O acto dará comezo ás 20:30 horas.
Este é a última obra de Raquel Rey, quen asina co pseudónimo de Elizabeth Bowman. Amor, sedución e esperanza son os ingredientes desta novela editada por Titania.
Bon Vivant chega tras o seu libro Magia en las Estrellas, presentado hai dous anos e que foi o primeiro en poder adquirirse no mercado español despois de varias novelas publicadas por editoriais hispanoamericanas.
Seguen as actividades programadas pola Concellaría de Igualdade para este ano. Carme Adán presentará o libro Feminicidio. Unha nova orde patriarcal en tempos de submisión este sábado, 16 de marzo, ás 12 da mañá no salón de actos da Casa do Mar. Xunto á autora estará a concelleira Mariluz Álvarez Lastra.
Desde o CIM e desde a Concellaría de Igualdade explican que “tras o éxito acadado na manifestación en Ribadeo e na convocatoria de folga xeral das mulleres, a Concellaría de Igualdade continúa coas actividades programadas ao longo deste ano. Seguimos con accións coeducativas nos centros educativos. Onte, 11 de marzo, en colaboración co CIFP Porta da Auga organizouse un contacontos para o alumnado de infantil do Colexio Público Gregorio Sanz e do Colexio Sagrado Corazón de Xesús. Esta actividade foi impartida polo alumnado do segundo curso...
leer más
O vindeiro martes, 5 de marzo, ás oito e media da tarde, estará na Librería Bahía a periodista Karmele Marchante presentando o seu libro “Puta no se nace”.
“Puta no se nace” é un libro denuncia contra a explotación de mulleres e nenas por parte do lobby do sexo. Nas súas páxinas, a recoñecida periodista dice basta á esclavitude do século XXI que desnuda de dereitos e de dignidade aos millóns de mulleres de todo o mundo que caen nesta lacra, e demanda a necesaria e efectiva persecución de todos aqueles que contribúen dun ou outro xeito a que este lucrativo e inhumano negocio se manteña.
Xunto á periodista participará no acto de presentación a artista plástica Katova, quen xunto a Noa, outra muller artista de Viveiro, crearon un escaparate feminista na Librería Bahía co que pretendemos dar visibilidade ás...
leer más
A Librería Bahía, de Foz, acollerá o vindeiro luns, 18 de febreiro, a presentación da novela de Santiago Lopo, A arte de trobar, coa que gañou o Premio Xerais na edición de 2017. O acto dará comezo ás 20:30 horas e nel tamén participará o club de lectura da Pomba do Arco.
Santiago Lopo estará ademais, a primeira hora da tarde, con alumnos de primeiro de bacharelato do IES de Foz.
A arte de trobar é unha novela que se sitúa no século XII e que nos achega o mundo dos trobadores e xograres, nunha narración áxil e con grandes doses de intriga.