Presentación
A Deputada de Cultura, Pilar García Porto, e o Alcalde de Burela, Alfredo Llano, informaron que xa se poden adquirir as entradas para asistir á Ópera Madame Butterfly, que se celebrará en dito municipio mariñán o 2 de novembro ás 20:30 horas no auditorio municipal. No acto participou tamén o Concelleiro de Cultura de Burela, José Díaz.
As persoas interesadas en participar nesta cita, que terá lugar no auditorio da casa da cultura, poden facerse coas entradas en www.ataquilla.com. Os prezos varían entre os 15 e 20 euros. Co fin de evitar completar o aforo dende internet, hai reservadas 100 entradas que se porán a venda o mesmo día.
Trátase dunha das operas máis recoñecidas da historia de música, e unha das máis representadas. É considerada ademais unha das principais obras de...
leer más
Unha colección de monstros do máis variado é o que nos trae Fran Amil no seu novo libro-CD. A colección Sonárbore da editorial Galaxia lanza Monstros con ou sen consentimento un volume que nos presenta toda unha serie de personaxes peculiares. Lobos bondadosos, robots, entes larpeiros ou estraños personaxes musicais danse cita en forma de cancións "para gozar en familia, cun sorriso nos beizos e moito ritmo para erguer o ánimo e non parar de bailar" acompañados das ilustracións de Manel Cráneo.
Fran Amil é un músico, compositor e produtor coruñés que dende os anos 90 pasou por algún dos grupos chave do movemento Bravú (Os Papaqueixos, Ruxe-Ruxe ou Diplomáticos de Monte Alto). Dende hai uns anos fai música infantil en galego, sendo os traballos anteriores, Un conto ao revés e A voz do vento, disco no que musica e canta poemas de Manuel...
leer más
Este mércores, 26 de setembro, terá lugar na librería Bahía de Foz a presentación do libro "Conserveiras de Celeiro, Vicedo, Bares e Barqueiro" do que son autores Vicente Míguez e Carlos Nuevo, cronista oficial de Viveiro. O acto dará comezo ás 20:30 horas.
Trátase dunha obra cun gran valor documental xa que contén numerosas fotografías e imaxes da época, relacionadas co tema, á vez que un traballo de investigación exhaustivo que fai un percorrido polo desenrolo industrial da comarca ligado á pesca.
O Seminario de Estudos do Valadouro (SEVA) presenta este sábado, 1 de setembro, o número 2 da súa revista Candea Branca. O acto terá lugar na Casa da Cultura de Alfoz ás 20:00 horas.
Esta segunda entrega abarca desde xaneiro de 2017 ata xullo de 2018 e presenta traballos literarios e de investigación de autores mariñáns. Neste número hai colaboracións de Arturo Mogo, Antonio Reigosa, Andrés García Doural, Xoan Ramón Fernández Pacios, Lola Sánchez Orol, Paco Piñeiro, Xosé Isidro Fernández Vilalba, Fran Bouso, Claudia Pena, Pablo Mosquera, Beatriz Yáñez, Rita Morrigan, Alfonso Otero Regal, Pedro Rubal, Isaac Ferreira, Ramón Hermida, Alberto Geada, Lionel Rexes, Xavier Pardiñas, Pepe Blanco, Susi Paz e Miguel Vila.
A publicación recolle ademais a sección de noticias do SEVA coas actividades organizadas polo...
leer más
A sala Queralt do centro de interpretación da Basílica de San Martiño acolleu esta tarde a presentación da tarta denominada a Zapata do Milagre de San Gonzalo, unha creación de pastelería Anduriña, que se porá á venda mañá tanto neste establecemento como no propio museo.
Na súa intervención o alcalde de Foz, Javier Castiñeira, dixo que “se trata dunha idea interesante para promocionar o noso pobo por toda España a través da gastronomía e deste doce”. O rexedor destacou “o carácter emprendedor dos propietarios de pastelería Anduriña, Moncho e Mari, e a súa disposición a colaborar coas asociacións e colectivos do noso pobo” e amosoulles “o máximo apoio desde o Concello de Foz”. Castiñeira fixo alusión ás máis de 25.000 visitas anuais que recibe a Basílica de San Martiño, dixo que se trata dun conxunto histórico impresionante e subliñou que...
leer más
A Coral Polifónica de Ribadeo presentará ao público este sábado, día 7 de xullo, ás 12:00 horas no Parador de Turismo o seu novo cd titulado Legado Indiano.
Este traballo recolle músicas sobre todo ribadenses como habaneras de autores da vila, outras que foron adaptadas pola Coral, poemas de El Viejo Pancho convertidos en milongas, e músicas das rondallas, pezas todas elas que non foron gravadas ata agora. Ademais tamén se inclúen temas do repertorio da Coral Polifónica de Ribadeo.
O prezo do cd será de 12 euros.
Este é o segundo cd da Coral Polifónica de Ribadeo, o anterior do ano 2002 leva por título Nos mares da música.
O empresario Gervasio Cao e o enólogo Roberto Regal presentaron onte á noite os dous viños de Fumarel elaborados na Ribeira Sacra. A degustación, que se celebrou na propia vinoteca ribadense con numerosa presenza de público, estivo acompañada con embutidos de porco celta de Cárnicas Teijeiro, de Sarria.
Os dous viños creados por iniciativa de Gervasio Cao son tintos Súmmum Ribeira Sacra. Un deles, chamado Fumarel Croa, foi elaborado con uva da variedade Mencía ao 100%, producíronse 1.600 botellas e foi embotellado no pasado mes de abril. O outro, denominado Fumarel Penadoso, fíxose con uvas das variedades Mencía e Brancellao, a produción é de 300 botellas e foi embotellado neste mes de xuño.
Gervasio Cao explicou que “isto naceu o ano pasado nestas datas, foi algo moi acelerado pero que eu realmente tiña moitas...
leer más
Os dous viños elaborados na Ribeira Sacra pola Vinoteca Ultramarinos Fumarel, de Ribadeo, serán presentados neste establecemento este xoves, día 28, ás 21:30 horas. No acto, que será aberto ao público, participará o prestixioso enólogo Roberto Regal, xunto a promotor desta iniciativa, o empresario Gervasio Cao.
Cando se puxo en marcha esta iniciativa, no verán do ano pasado, o enólogo Roberto Regal explicou: “son de Chantada, enólogo de formación, consultor de bodegas desde hai 17 anos e nos últimos nove levo dedicándome a facer cultivos de viñedo en ecolóxico ou en sostible na Ribeira Sacra ben en fincas privadas ou que alugamos; facemos viños de finca, viños personalizados, como neste caso con Gervasio Cao, do Fumarel”.
Roberto Regal destacou que “isto non é facer un viño por para senón que consiste primeiro en...
leer más
A AVV O Tesón organiza o próximo sábado, 2 de xuño, a presentación do libro José María Rodríguez Díaz In Memoriam. Terá lugar na Casa do Mar de Ribadeo ás 19:30 horas.
O libro recolle dúas obras de José María Rodríguez Díaz, Semblanza de un guerrillero: Luis María Trigo Chao (El Guardarríos) e Don Secundino Martínez Montenegro (O cura vello de Ribadeo), xunto con textos introdutorios á súa vida e unha relación de artigos dos seus últimos anos.
Na presentación haberá unha mesa redonda sobre a figura de José María Rodríguez Díaz, na que participarán a súa filla, Marta Rodríguez Sampedro; o alcalde de Ribadeo, Fernando Suárez Barcia; o veciño da comisión da residencia de maiores José Antonio Ares Taboada; o presidente de O Tesón, Pancho Campos Dorado; e o presidente de Os Aventados, Pablo Mosquera Mata.
O Observatorio da Mariña pola Igualdade organiza este venres, 13 de abril, a presentación do libro Invisibles. Relatos do maltrato. O acto terá lugar na Casa das Letras de Ribadeo e dará comezo ás 20:00 horas.
Estarán presentes a autora, Montse Fajardo, e a concelleira de Igualdade do Concello de Pontevedra, Carmen Fouces.
Invisibles é o terceiro libro da xornalista Montse Fajardo, e narra sete historias reais do maltrato sufrido por sete mulleres, dúas das cales foron asasinadas, coas que visibilizar ás víctimas da violencia machista.