Teatro
A obra teatral ‘O palco e as lúas’ do autor e director Manuel Lourenzo será representada na quinta edición do Teatro no Castelo, que terá lugar o vindeiro sábado 25 de agosto ás 21.00 horas nas inmediacios do Castelo do Castrodouro en Alfoz.
O Clube Teatral Elsinor será o encargado da representación na que actuarán Manuel Lourenzo, Cristina Fuentes, Margot R. Alvarade, Carme Martinez, Xosé Martínez, Xulia Miguel e Xabier Esteller.
SOBRE O DIRECTOR
Manuel Lourenzo, nado en Ferreira do Valadouro, é actor, dramaturgo, director teatral, tradutor e dinamizador de diferentes iniciativas teatrais.
Manuel Lourenzo cursou estudos de Maxisterio. Entre 1962 e 1964, viviu en Alemaña. Volta a Galiza e, en 1965, xunto con Francisco Pillado, o Grupo de Teatro O Facho, grupo ligado á Agrupación...
leer más
A asociación fotográfica Os Negativos, de Viveiro, organiza unha proxección fotográfica que terá lugar 1 de setembro.
O título desta proxección é 60 en Positivo, e terá lugar o 1 de setembro, ás 21:00 horas, no Teatro Pastor Díaz de Viveiro. A entrada é de balde.
Trátase dun espectáculo multimedia, composto por unha proxección de fotografías dos socios do grupo, en pantalla xigante e acompañada de música.
Colabora con este evento o Concello de Viveiro.
As formacións musicais ribadenses A Gramola e Calabash volven ensaiar, despois duns anos de inactividade, para reaparecer nun concerto conxunto que ofrecerán este venres, día 10, ás 20:30 horas no Cine Teatro de Ribadeo con entrada gratuíta.
O músico ribadense Marcos Rodríguez, que é a cabeza visible desta iniciativa, explicou: “para nós, refírome a Olalla Canoura López, profesora de violín nas escolas municipais de música de Ribadeo e de Burela, e para min, que son o profesor de percusión na escola de Ribadeo, é un pracer volver reunir a xente con dous proxectos que tíñamos parados. Un deles é Calabash, un grupo de percusión de Ribadeo que levaba tres anos sen actuar, xa que debido ao relevo xeracional tivemos que esperar uns anos e agora temos uns rapaciños que xa poden animarnos un pouco a tarde, como veremos este venres. E por outro...
leer más
O parque de San Francisco será escenario de diversos espectáculos ao longo desta semana. Haberá citas para o público infantil e familiar e moita música. E o sábado en Porcillán terá lugar o concerto de Son do Sil.
O concelleiro de Cultura, Farruco Graña, anunciou que “hoxe, martes 24, no parque de San Francisco ás oito e media da tarde as familias, e sobre todo os pícaros e as pícaras, que estean atentos porque vai aparecer un novo circo cun espectáculo titulado Baila un vestido verde con Pista Catro”.
O edil nacionalista contou que “tamén no parque de San Francisco, o día 25 de xullo, Día da Patria Galega, temos o concerto co que se conmemora esa celebración todos os anos en Ribadeo a cargo da Banda de Música Municipal de Ribadeo, que leva por título Concerto do Día da Patria, será ás oito e media”.
... leer más
A Concellería de Cultura convoca a segunda edición do Certame de Teatro Afeccionado Concello de Lourenzá, que inclúe novidades nos premios.
O concelleiro de Cultura, Manuel Arango, anuncia que “as bases están publicadas na páxina web do Concello e o prazo para que as compañías se inscriban remata o 28 de setembro. As representacións desenvolveranse durante o mes de novembro e o certame rematará cunha gala de entrega de premios que terá lugar en decembro”.
Manuel Arango destaca que “as novidades deste ano son un aumento da dotación do premio á mellor representación, que pasa de 600 a 750 euros. E establécese un novo premio, que se decidirá por votación do público asistente ás representacións. Cada grupo seleccionado polo xurado para representar a obra no certame recibirá 300 euros en concepto de participación,...
leer más
O grupo teatral O Centiño de San Martiño, en Foz, estrea a súa terceira obra titulada El Guindilla. Será este sábado, 30 de xuño.
A representación terá lugar ás 21:00 horas na área recreativa de Ferreiravella, en San Martiño, que é o lugar de ensaio do grupo.
A asociación cultural O Centiño presenta El Guindilla como a obra máis picante endexamais escrita e dirixida por Pepe Peinó, que levará por diversos escenarios da provincia comezando pola semana do teatro de Foz, en agosto, e continuando polos circuítos de Buxiganga.
A Delegación de Cultura programa unha representación teatral para este domingo, 17 de xuño.
O grupo Andanzas representará a obra El caso de la mujer asesinadita, escrita por Miguel Mihura e Álvaro de la Iglesia. É unha comedia emocionante de intriga, pertencente á “alta comedia”, e na que os autores desmontan o mito do matrimonio burgués de épocas pasadas.
A representación, para todos os públicos, será ás 19:00 horas, no centro sociocultural Manuel Díaz Sampedro.
A programación cultural do Concello de Burela para este mes de xuño arrancou hoxe cunha obra de teatro en inglés para os centros de ensino. Mañá haberá teatro pola noite cun grupo de Castropol, e o domingo toca unha nova edición do rastrillo popular solidario. A actividade máis importante deste mes será a presenza de Carlos Blanco e Xosé Antonio Touriñán coa obra Somos Criminais o día 15 con dúas funcións.
O concelleiro de Cultura, José Díaz, comentou que “hoy mismo jueves hubo una obra de teatro en inglés para los colegios de Burela. Se habló con ellos para traerles esta obra que nos parece a nivel educativo muy interesante, tanto para fomentar el gusto por el teatro como para aprender un poco de inglés y divertirse aprendiendo. Está sufragada esta obra por la Delegación de Cultura, se desarrollaba a partir de las diez de la mañana en el...
leer más
O vindeiro domingo, 10 de xuño, no centro sociocultural Manuel Díaz Sampedro, de San Cosme, o grupo Dinamoteatro representará a obra Eu queríame casare.
Trátase dunha comedia que conta a historia de Antón e Lola, unha parella que se atopa preto dos corenta anos e que busca unha relación á que poder agarrarse.
A representación dará comezo ás 19:00 horas. Está incluída no programa Cultura no Camiño 2018 da Xunta de Galicia e colabora a Delegación de Cultura do Concello de Barreiros.
A Concello organiza ademais unha excursión a San Andrés de Teixido e Cedeira, que terá lugar o 20 de xuño.
Esta viaxe é gratuíta e as inscricións poden facerse xa no centro sociocultural Manuel Díaz Sampedro (Biblioteca-OMIX), de luns a venres en horario de 10:00 a 14:00 horas.
... leer más
O domingo, 10 de xuño, estará en Viveiro A Tropa do doutor Milagre-Cooperando facemos a viaxe.
Esta actividade desenvolverase na Praza Maior, a partires das 12:00 horas, e está incluída no programa Cooperativismo en Movemento 2018 da Xunta de Galicia.
A Tropa do doutor Milagre é un explosivo e curativo espectáculo de rúa para todos os públicos, no que non faltarán elixires, cataplasmas, cremas e pomadas listas nos seus floreados frascos. A Tropa fai unha chamada a asistir a esta cita: “veñan facerse cun dos nosos remedios curativos”.
En caso de mal tempo a actividade trasladarase ao Conservatorio Municipal.