Teatro
A compañía Teatro dos Ghazafelhos estará este domingo, 19 de marzo ás 17.30 horas, no Cine Teatro de Ribadeo. O público que acuda poderá gozar dun espectáculo teatral sobre a igualdade de xénero, o cambio de roles ou os estereotipos sociais.
Dirixido a nenas e nenos de 5 anos en diante e ás súas familias, "Iriña Bailarina" esculca na ruptura de roles convencionais a través dunha bailarina que vive nunha caixa de música e que devece por poder saír do espazo que a anoa a dar voltas sen cesar para poder xogar ao futbolín, ser pirata ou mesmo, se quere, poder engordar, isto é, para quebrar ou modificar a súa propia sorte ou fado.
Con "Iriña Bailarina" Teatro Ghazafelhos pretende que reflexionemos en familia sobre a igualdade de xénero, o cambio de roles ou os esterotipos sociais.
Ghazafelhos...
leer más
Este sábado, 18 de marzo, Luis Davila e Carlos Blanco chegan a Viveiro co seu último espectáculo “Menú da noite”. Esta comedia poderá verse no Teatro Pastor Díaz a partir das 20:30 horas.
Luis Davila e Carlos Blanco deixan (momentaneamente) a saia escocesa e póñense esmokin para sachar como é debido. E ata cociñan caldo en directo. Literalmente.
O debuxante de Bueu e o actor arousán combinan novamente inxenios e artes para atopar o cóctel perfecto.
Desta volta viaxan a Broadway. Cos sachos, claro. E bailan (?) claqué e todo. Animación incluída. Un xoguete escénico, un traballo a dúo onde a comedia ten finalmente a cobertura visual que nunca tivo. Menú da Noite. Con música de Budiño e Kepa Junquera. Risas aseguradas (e debuxadas).
O Teatro Pastor Díaz, de Viveiro, acolle este sábado, 11 de marzo, a representación teatral “Balor na acción dunha cadeira”, de Artesacía. Será ás 20:30 horas. Trátase dunha obra de teatro contemporáneo de 70 minutos de duración que está dirixida por Roi Fernández. O elenco artístico está composto por Laura Villaverde, Simón Piñón e Roi Fernández.
Quen seriamos nós se fosemos quen de recuperar as imaxes que os nosos antergos percibiron e retiveron breves segundos, sen que a memoria conseguira rexistralas?
Cal é a orixe da nosa dinastía interior e profunda?
“Balor na acción dunha cadeira” é o proceso multidisciplinar de reconstrución do pensamento de O Pernas, un emigrante real que marchou de Sada a New York en 1910, perseguindo o destello enfeitizante do cometa Halley, e rematou perdido na escuridade da...
leer más
A Concellería de Cultura de Foz programa diversas representacións teatrais para este mes de marzo e a primeira delas será mañá, venres. Ademais haberá varias actividades para nenos e nenas organizadas pola Biblioteca Pública Municipal nos meses de abril e maio dentro do programa Ler conta moito.
A concelleira de Cultura, Silvia Blach, anunciou hoxe que “mañá, venres, 10 de marzo, ás seis e media da tarde, temos na Casa da Cultura de Foz Ubú Teatro coa súa obra A Galiña azul, de Carlos Casares. É un espectáculo programado por FalaRedes e a Biblioteca Pública Municipal”.
Silvia Blach engade que “o mércores 19 de abril, ás seis e media tamén na Casa da Cultura, teremos a Elefante Elegante con Lobo bobo. É unha programación de Ler Conta Moito e da Biblioteca Pública Municipal de Foz. O venres 16 de maio, ás seis na...
leer más
O sábado, 11 de marzo, ás oito da tarde, no Centro socio-cultural de San Cosme de Barreiros o grupo Falcatrueiros Teatro, de Monterroso, porá en escena Quizais é que non me queres?, unha obra de creación colectiva baseada en textos de Quim Monzó, Suso de Toro, Juan José Millás... e dirixida por Jouse García.
As relacións de parella, este é o punto de partida desta obra, ou mellor dito, a ruptura ou o desengano nesas relacións; como unha relación pode cambiar nun breve intre, cun simple xesto, unha simple palabra ou unha situación diferente á normalidade.
A obra está estruturada en pequenas escenas de parella que se desenvolven nun bar; un punto de encontro de todo tipo de personaxes. Trátase dun espectáculo cómico no que situacións aparentemente normais se converten en anormais, e iso sempre provoca o sorriso....
leer más
O concelleiro de Cultura, José Díaz, presentou hoxe a programación cultural para o mes de marzo, que inclúe coma número forte o Tributo a Alejandro Sanz do día 25. O responsable de Cultura comentou respecto ao resto da programación para este mes que “por hablar un poco de las cosas que son ya habituales, que siempre hacemos regularmente tendremos el cine infantil, que seguirá siendo los domingos a las seis y media de la tarde, va a haberlo el primer domingo de marzo, el día 5, y el último domingo de mes, el día 26. Estas películas para niños están teniendo muy buena acogida y siempre tenemos mucha gente en las proyecciones. Tendremos también la presentación de la Semana Santa que será el 16 de marzo, y que va a contar con la actuación de Escolma de Meus que interpretará varios temas para acompañar este evento que será en el Auditorio a las ocho de la tarde, y que...
leer más
O Teatro Pastor Díaz de Viveiro acollerá o sábado, 4 de marzo, o espectáculo Pitusa Semifusa.
Esta proposta musical é un mollo de cancións de Olga Brañas, interpretadas por unha nena chamada Pitusa Semifusa, neta dunha famosa directora de orquestra. Pitusa, a súa avoa e o seu irmán irán explicándolles ás cativas e cativos as familias de instrumentos musicais nun espectáculo participativo, divertido e didáctico.
A representación dará comezo ás 18:00 horas, ten unha duración de 45 minutos e o elenco artístico está composto por Marta Bravo na voz, Sergio Tannus á guitarra e Olga Brañas ao piano.
Ribadeo únese a outros Concellos que celebran o 24 de febreiro como Día de Rosalía. No Teatro terá lugar a lectura dun manifesto e despois unha representación teatral a cargo de Inversa Teatro, segundo deu a coñecer o concelleiro de Cultura, Farruco Graña.
O edil dixo: “queremos axudar a afianzar esta data no convencemento da importancia que ten lembrar a escritora de Padrón. Así como o nome de Rosalía de Castro é coñecido por todos, a súa obra foi durante décadas ofrecida ao grande público como un produto sentimentaloide e derrotista. É o momento de lermos a Rosalía e descubrir toda a súa modernidade. Conceptos hoxe asumidos normalmente como obxecto poético (a xustiza social, a liberdade fronte á norma opresora, a situación da muller, a emigración…) xa foron utilizados por esta galega no século XIX. E por riba, era muller e escribía en galego”.
O Teatro Pastor Díaz, de Viveiro, acolle o 18 de febreiro a representación da obra Rubicundo a cargo do grupo Ghazafelhos. Será ás 18:00 horas.
Dirixida a un público infantil a partir de 5 anos é unha adaptación dun texto de María Canosa baixo a dirección de Pepablo Patiño. O elenco artístico está composto por Pepablo Patiño, Montse Piñón e Jorge Casas.
Conta a historia de Rubicundo quen todas as noites sae na súa bicicleta enriba da árbore do seu xardín rumbo á noite pecha. Semella que ninguén repara nesta personaxe, enfundada nun gabán e sombreiro de copa. Ninguén agás Erea, disposta a chegar ate o fin daquel misterio. Rubicundo cóntanos unha fermosa historia sobre a amizade, a constancia e a poesía, abríndonos a posibilidade de perseguir os nosos soños sen sentir límites nin distancias.
A Casa da Cultura de Foz acollerá este sábado, día 18, ás 18:30 horas unha representación teatral a cargo da compañía A Adala infantil, que poñerá en escena a obra titulada A ra que se quedou sen charco. A entrada é gratuíta.
Esta actividade cultural está organizada polo grupo de teatro A Adala e colabora o Concello de Foz.