Xornada

O Concello de Cervo organiza unha xornada de portas abertas ao futuro centro de artesanía de Sargadelos. Será o 6 de abril.

Etiquetas:

31/03/2017

O Concello de Cervo programa unha xornada de portas abertas na que convida a todos os artesáns interesados a visitar as instalacións do futuro centro de Artesanía de Sargadelos.

Segundo sinalou o alcalde, Alfonso Villares, “hoxe mesmo enviamos unha comunicación por correo postal a todos os artesáns que amosaron o seu interese por formar parte deste Centro de Artesanía que poremos en marcha en Sargadelos, para convocalos o xoves, 6 de abril, ás 12:00 horas no antigo edificio das Cabalerizas, para que poidan ver, en primeira persoa, o resultado das obras que alí se acometeron, e os espazos que se acondicionaron para este fin”.

É un paso máis –engadiu- “que damos dende O Concello de Cervo para a posta en marcha deste Centro de Artesanía que ocupará un edificio de 840 metros cadrados que acabamos de rehabilitar e que...

O Concello de Cervo organiza unha xornada de bautismo de mergullo na piscina olímpica de San Ciprián. Será o 18 de marzo.

Etiquetas:

San Ciprián, Xornada, Mergullo

16/03/2017

O Concello de Cervo, a través da delegación de Deportes e en colaboración coa Escola de Mergullo Centro de Actividades Subacuáticas Costa Lugo, organiza unha xornada de bautismo de mergullo na Piscina Olímpica de San Cibrao.

A actividade terá lugar este sábado, 18 de marzo, en horario de mañá en tres quendas: 10.30h-11.30h, 11.30h-12.30h e 12.30h-13.30h.

A día de hoxe son unha vintena as persoas inscritas, e o prazo para anotarse pecha mañá, ás 12 do mediodía.

A inscrición está aberta a tódalas persoas maiores de 16 anos, que non teñan ningunha contraindicación médica.

Hai un máximo de 30 prazas. Os interesados poden anotarse na propia piscina de San Ciprián, chamando ao teléfono 609.42.32.10 ou enviando un correo electrónico a...

Nordés Faladora organiza, por terceiro ano consecutivo, unha xornada dedicada aos cogomelos, que inclúe saída ao monte e degustación. Será o 26 de novembro.

Etiquetas:

Xornada, Cogomelos, O Barqueiro

21/11/2016

Nordés Faladora organiza, por terceiro ano consecutivo, unha xornada dedicada aos cogomelos, que inclúe saída ao monte e degustación. Será o 26 de novembro.

A asociación Nordés dedica por terceiro ano consecutivo unha xornada ás setas e cogomelos o 26 de novembro.

Durante a mañá terá lugar unha recolleita cun grupo de 25 persoas polos hábitats que elixe o experto José Luis Cuba. O punto de reunión será ás 8:00 horas no restaurante A Goleta do Barqueiro. A organización aconsella levar roupa axeitada, unha navalla e un cesto.

Pola tarde ás 19:30 horas no restaurante Orillamar en Espasante, terá lugar unha demostración gastronómica coas setas e cogomelos recollidos pola mañá.

Para asistir a ambas actividades ou a unha soa é preciso chamar ao 653 756 454 (Ricardo). O custe da saída ao monte é de 5 euros e gratuíto para socias e socios. Tamén...

En San Ciprián celebrarase o 1 de outubro unha xornada dedicada ao baloncesto, que inclúe un clinic e un partido entre os equipos sénior do CD San Ciprián e o CB Celtas de Foz.

Etiquetas:

Baloncesto, Xornada, San Ciprián

28/09/2016

En San Ciprián celebrarase o 1 de outubro unha xornada dedicada ao baloncesto, que inclúe un clinic e un partido entre os equipos sénior do CD San Ciprián e o CB Celtas de Foz.

O pavillón polideportivo da Veiga, en San Ciprián, acollerá este sábado, 1 de outubro, unha xornada dedicada ao baloncesto que inclúe un clinic e un partido que enfrontará aos equipos sénior do Club Deportivo San Ciprián e do Celtas de Foz. As actividades foron presentadas polo alcalde de Cervo, Alfonso Villares; o responsable da sección de baloncesto do CD San Ciprián, Nacho Mota; e o adestrador do club Juanma López.

Nacho Mota, que tamén é o responsable deportivo da Federación Galega de Baloncesto na Mariña, destacou que para o clinic xa hai máis de 50 inscritos polo que a organización estima que finalmente haberá uns 70 participantes. Será impartido por: Yago Casal, que actualmente adestra no Celta de baloncesto feminino e foi adestrador axudante no Obradoiro CAB, na Liga ACB, director...

Ourol acollerá unha xornada de mecánica e robótica o 13 de agosto na praza do Concello. Está organizada por Ourelo.

Etiquetas:

Xornada, Robótica, Ourol

10/08/2016

Ourol acollerá unha xornada de mecánica e robótica o 13 de agosto na praza do Concello. Está organizada por Ourelo.

O grupo Ourelo coa colaboración do Concello de Ourol, e a través do programa Iniciativa Xove, organiza este sábado, 13 de agosto, unha xornada de Mecánica e Robótica.

A partir das 16:00 horas na praza do Concello e no edificio multiusos haberá varios stands con diferentes actividades. Terán lugar charlas anticontaminación nas que se tratarán temas como o dieselgate, as emisións dos coches e novos sistemas de anticontaminación. Se abordará ademais o coche de hidróxeno e o seu funcionamento, e levarase a cabo un obradoiro do motor no que se explicarán as partes dun motor diésel e gasolina mediante a construción dunha maqueta. Nesta xornada abordarase ademais a mecánica básica impartíndose obradoiros prácticos para unha condución...

O 6 de agosto haberá unha Xornada de Ciencia en Ourol. Está organizada polo grupo de mozos e mozas Ourelo.

Etiquetas:

Xornada, Ciencia, Ourol

31/07/2016

O 6 de agosto haberá unha Xornada de Ciencia en Ourol. Está organizada polo grupo de mozos e mozas Ourelo.

O grupo Ourelo coa colaboración do Concello de Ourol e a través do programa iniciativa Xove, organiza o 6 de agosto unha Xornada da Ciencia.

Dará comezo ás 16:00 horas na praza do Concello, e haberá sinxelos experimentos científicos que os nenos e nenas poderán realizar, xogos, fósiles, fluídos non newtonianos, experimentos con xeo seco, foguetes, efectos especiais, química do amor, coche de hidróxeno e moitas cousas que descubrirán a parte máis divertida da ciencia.

A entrada é libre e de balde. En caso de choiva a xornada celebrarase no Pavillón municipal.