Eventos
A asociación Cabaleiros do Landro de Viveiro organiza o sábado, 13 de outubro, a 1ª Ruta Cabalar de Viveiro.
A saída terá lugar ás 10:00 horas da explanada dos pavillóns polideportivos e á metade da ruta os participantes degustarán uns pinchos no monte San Roque.
A comida será no pavillón Antonio Tarrío e, servida por Galipizza, estará composta de callos, meixela, tarta xeada, café e chupito ao prezo de 20 euros (para os nenos ata 6 anos será gratuíta, e de 7 a 12 anos pagarán a metade). Haberá música en directo e os nenos e nenas disfrutarán de colchonetas.
Todo xinete farase cargo dos danos que poida ocasionar o seu cabalo. A reserva terá que realizarse antes do 10 de outubro nos números de teléfono: 678 069 886 (Adri), 600 968 204 (Normandy), e 660 985 747 (Sonia).
O Concello de O Valadouro organiza o vindeiro sábado, 13 de outubro, a XXXI edición da Feira do Mel.
O programa dará comezo ás 10:00 horas, coa a apertura dos postos de mel e artesanía. De 10:00 a 14:00 horas haberá un programa de promoción de artesanía cun obradoiro de instrumentos musicais. Ademais Ecoembes desenvolverá a campaña Separar con xeito.
Ás 14:00 horas terá lugar o sorteo de produtos e material apícola. Entre as 15:00 e as 19:00 horas haberá inchables, globoflexia e pintacaras. Ás 18:00 horas ofrecerase unha degustación de freixós con mel e ás 19:00 horas clausurarase a Feira. A animación musical da xornada correrá a cargo do grupo de música tradicional O Xogaral de Burela.
As actividades rematarán cunha conferencia sobre a velutina, titulada Apicultura, Ciencia e Control. Os...
leer más
Varias representacións teatrais, concertos e actividades en torno ao Samaín terán lugar ata finais de ano dentro da programación cultural do Concello de Ribadeo para este outono.
O edil de Cultura, Farruco Graña, anunciou que “o que nos convoca para o fin de semana que ven é a décimo sexta Mostra de Teatro Afeccionado Daniel Cortezón. Xa haberá cumprida información máis polo miúdo sobre este acto, pero queremos destacar que ten un formato novo este ano. Está dedicado ao teatro infantil e vaise prolongar durante tres domingos no mes de outubro, os días 14, 21 e 28. Tamén nos visitarán os títeres Cachirulo coa súa obra A cabeza do dragón, vai ser para celebrar o Día da Biblioteca. Este acto, que será o 20 de outubro, obviamente vaise celebrar na Biblioteca Municipal El Viejo Pancho”.
O concelleiro nacionalista...
leer más
Mariña Patrimonio organiza un roteiro polo patrimonio civil e relixioso de Viveiro. Será o vindeiro sábado, 13 de outubro.
Nesta visita contarase coa colaboración de Carlos Nuevo e percorreranse os edificios relixiosos das igrexas de Santa María e San Francisco, o casco histórico da vila e a contorna de Chavín. O horario será de 10:00 a 14:00 horas, e de 16:00 a 19:00 horas.
As persoas interesadas deben comunicalo con anterioridade (data límite este luns 8 de outubro). O mércores 10 informaráselles do importe da actividade, en función das opcións elixidas.
O prezo para os socios é 3 euros e para os non socios 13€. En ambos casos serían 15€ co xantar.
A alcaldesa de Mondoñedo, Elena Candia, o presidente do Consello Regulador de Agricultura Ecolóxica de Galicia (CRAEGA), Francisco López Valladares, e o presidente da asociación cultural “As San Lucas”, Miguel Souto, presentaron na Praza do Concello o Mercado de Agricultura Ecolóxica certificada que se situará no mesmo lugar da presentación durante os días que dure a feira máis antiga da Comunidade.
Deste xeito, na localidade mariñana daranse cita produtores desta especialidade, que ofrecerán aos visitantes 25 produtos, incluídos nesta denominación, e que se poderán visitar e mercar en seis casetas de madeira diferentes. O presidente do Consello Regulador agradeceu á comisión organizadora e ao Concello a posibilidade de participar na cita festiva, ao tempo que puxo en valor a importancia e a incidencia que ten estetipo agricultura no rural...
leer más
A Delegación de Cultura do Concello de Foz acaba de abrir o prazo para presentarse a Raíña ou Rei do Entroido 2019.
Os aspirantes deben ser maiores de 18 anos e teñen que entregar a documentación nas dependencias da Concellería de Cultura de Foz, que están na Casa do Concello. O prazo de presentación rematará o 6 de novembro de 2018 e poden obter máis información chamando ao número de teléfono 982.140.027.
A documentación a presentar son os datos persoais das/os que se presenten á elección, dúas ou máis fotografías recentes e unha breve exposición breve dos motivos polos que lles gustaría ser Raíña ou Rei do Entroido de Foz.
A cea de coroación da raíña ou rei do Entroido de Foz 2019 será o sábado 16 de febreiro.
Do 2 de novembro ao 1 de decembro terá lugar a sétima edición do Mes da Maxia na Mariña Lucense, que organiza a Mancomunidade en colaboración coa Xunta de Galicia. A cita chegará a 19 locais hostaleiros de toda a comarca.
Desde a Mancomunidade manifestan que “como cada ano, desde hai xa 7 edicións, celebramos o Mes da Maxia. Durante as fins de semana de novembro e a primeira de decembro estarán repartidos por diversos establecementos varios magos profesionais que farán que as ceas nestes locais sexan inesquecibles. Todas as ceas darán comezo ás dez da noite”. Nesta edición participarán os Magos Jorge, Paredes, Rafa, Kiko, Teto e Pi.
Os locais que acollerán as actuacións do sétimo Mes da Maxia son: O Noso Lar, O Asador, Vila do Val, Casa Damián, Buenavista, A Marquesa, Casa do Fidalgo, A Garita, Casa Franco, Mis...
leer más
A Festa do Ramo no Alto do Cruceiro, en Xuances (Xove), celébrase este fin de semana, concretamente o venres 5 e o sábado 6 de outubro. Está organizada pola Asociación Cultural e de Festexos Alto do Cruceiro por décimo segundo ano consecutivo tras ser recuperada despois de doce anos sen celebrarse. O lugar de celebración será no campo da festa Onofre Louzao, un recinto inaugurado hai un tres anos na honra de Onofre Louzao, máximo promotor desta festa que faleceu hai 5 anos. Este recinto está situado nas inmediacións do centro social do Alto do Cruceiro, a uns 150 metros da estrada nacional, polo que acceso á mesma é moi fácil e sinxelo, explica a organización.
Os organizadores engaden: “aínda que esperamos e desexamos con todas as nosas forzas ter uns bos días climatolóxicos pode que non sexa así, polo que dispoñemos dunha gran carpa. E...
leer más
As festas da Pontenova, na honra de San Lucas, celébranse do 12 ao 15 de outubro e contarán con sete actuacións musicais, a Queima dos Fornos e un espectáculo acrobático con vehículos.
O venres 12 haberá sesión vermú e verbena, que estará amenizada polas orquestras Los Españoles e Olympus. Ademais as sete da tarde terá lugar un espectáculo acrobático cun coche Ferrari e motos a cargo de Paulo Martinho.
Para o sábado 13 está programada sesión vermú e verbena, na que actuarán o grupo Lume e a orquestra Capitol. E de madrugada, ás 00:45 horas, celebrarase o tradicional espectáculo pirotécnico Queima dos Fornos, que chega á súa vixésimo primeira edición.
O domingo 14 haberá sesión vermú e verbena, amenizada polas orquestras Compostela e París de Noia.
E rematarán as...
leer más
O Goberno local do Concello de Mondoñedo ultima xa a celebración da Festa dos Maiores que se vai levar a cabo na localidade o vindeiro mércores 17 de outubro, coincidindo coas San Lucas.
Ás 14:00 horas dará comezo a comida-baile no pavillón municipal de deportes. Está previsto que sexa unha xornada de confraternización na que non van faltar a gastronomía típica, o baile, a festa e os agasallos para todos os participantes. O xantar estará amenizado pola Orquestra Mindoniense Principal.
A rexedora, a popular Elena Candia, convida a participar nesta cita que supón, unha edición máis, “un día de festa e de ledicia paraos veciños e veciñas”.
Inscricións
As persoas empadroadas no Concello de Mondoñedo maiores de 65 anos e os pensionistas de calquera idade, xunto coas súas parellas, terán...