Eventos
O Concello de Burela organiza o que será o seu I Torneo Social de parchís por parellas. Celebrarase o día 31 de agosto na praza do Concello a partir das 10:00.
A partir de mañá, venres 9 de agosto, as persoas interesadas poderanse inscribir na Casa do Concello en horario de 9:00 a 14:00, e oprazo rematará odía 14 de agosto.
Como máximo poderán participar un total de 16 parellas, que serán seleccionadas por orde de inscrición. As dúas parellas finalistas gañarán un trofeo doado pola asociación Saúde Mental A Mariña.
"O noso obxectivo principal é fomentar a convivencia e o entretemento entre veciñas e veciños, así como promocionar os xogos tradicionais como o parchís", sinala a concelleira de Igualdade e Servizos Sociais, Sandra Fernández.
Pola súa banda, a...
leer más
A parroquia de Castro de Ouro, no concello de Alfoz, celebra a festa na honra a San Salvador este domingo, 11 de agosto. Este festexo recupérao a asociación veciñal Castrodouro, que anuncia: “esta fin de semana hai unha nova cita cunha das festas máis queridas do noso pobo: o San Salvador. Igual é porque deixou de celebrarse durante moito tempo e cando se fixo foi de forma intermitente. Tamén porque moita xente ten conexión co Castro e fai o posible por regresar nestas datas. E é que cando temos San Salvador todo o mundo é un chisco da nosa parroquia”.
As actividades comezarán ás 13:00 horas con misa solemne e despois haberá procesión e sesión vermú, a cargo do dúo Belinda. Ás 15:00 horas empezará unha comida campestre e a partir das 18:00 horas haberá sesión de tarde amenizada polo dúo Belinda.
Cervo celebrará as festas na honra da Nosa Señora, San Roque e o Carme, do 14 ao 17 de agosto, cando terá lugar a Queimada Popular, festa declarada de Interese Turístico Galego, organizada por Airiños do Xunco.
A cita foi presentada pola alcaldesa de Cervo, Dolores García Caramés; pola tenente alcalde Mali Méndez; e por unha representación da Asociación Cultural Rego Cachón, que organiza as festas patronais; e de Airiños do Xunco, que se encarga da Queimada e tamén da Festa do Ovo Frito, xunto á asociación Cabaleiros da Bidueira.
Os festexos arrincarán o mércores 14 de agosto con esta popular Festa do Ovo Frito que contará coa actuación da Charanga Europa e da Discomóbil Conxuro.
Xa o xoves 15 de agosto ás 13:00 horas está prevista a misa solemne cantada polo Coro de Cervo, seguida de...
leer más
O Concello de Alfoz anuncia que “esta fin de semana temos unha cita para asistir á festa na honra da Virxe do Carme e San Mamede, organizada pola Asociación Veciñal de San Mamede das Oiras”. Serán o venres 9 e o sábado 10.
As actividades comezarán o venres ás 21:00 horas con cea e despois actuacións de Xilo e Carlos e do dúo Belinda.
E o sábado ás 13:30 horas haberá misa solemne e continuación sesión vermú co dúo Eclipse, que tamén actuará na verbena xunto á disco móbil Conxuro, que ofrecerá Remember 90.
A organización anuncia que haberá carpa.
A parroquia de San Isidoro de Monte, no concello de Xove, celebrará a feira do San Bartolo o día 24 de agosto, sábado.
As actividades empezarán ás 10:00 horas coa recepción do gando no campo da feira. Ás 13:00 horas celebrarase misa solemne e a partir das 13:30 horas haberá sesión vermú con animación musical, que volverá desde as 17:30 horas.
Haberá premios para o maior número de reses cabalares e para o maior número de reses vacúas. E polo tarde celebraranse concursos de marcha cabalar.
A comparsa Os Macanudos organiza a quinta edición do evento denominado Holiwave. Será o día 17 de agosto, sábado, en San Bartolo (Barreiros).
As actividades empezarán ás 13:00 horas cunha sesión vermú e ás 14:00 horas comezará un xantar. Desde as 17:00 horas haberá festa infantil con actividades como pintacaras, xogos, concurso de disfraces, explosión de cores Holi e festa da auga. E ás 19:00 horas empezará a festa de tarde, para rematar a xornada cunha queimada co Gran Druída a partir das 23:00 horas.
A música correrá a cargo da discoteca móbil The Sound Project.
O colectivo Pensamento e Sementeira recupera a Xira de Viveiro a Portochao, que se celebrará o día 17 de agosto, sábado.
“Unha das nosas liñas de actuación é recuperar tradicións, festas e acontecementos esquecidos do noso concello. É un pracer anunciarvos que recuperamos a Xira de Viveiro a Portochao! Será o vindeiro 17 de agosto, así que gardade o día nas vosas axendas. Haberá dúas modalidades de participación: a través dunha andaina de balde duns 3,5 quilómetros aproximadamente pola beira do río Landro (percorreremos o camiño das Aceas e o paseo fluvial). A saída será dende o aparcadoiro da variante ás 13:00. A outra opción é a través dunha ruta en kaiak. Os kaiaks son biplaza e poderán participar menores a partir dos 6 anos, que deberán ir acompañados dunha persoa adulta responsable A saída realizarase dende a rampla do pavillón...
leer más
O Concello de Trabada programou os días 15 e 16 de agosto, coincidindo coas súas festas patronais, dous espectáculos dirixidos a un público infantil e familiar.
O 15 de agosto ás 18:00 horas na praza do Concello a Maga Fani trae o espectáculo “Enredos, abraios e vocábulos do país”.
E o 16 de agosto ás 18:00 horas na praza do Concello terá lugar o espectáculo “Un día no circo”, de PistaCatro Productora de Soños.
“Son días de festa e xuntanzas familiares, por iso pensamos nestes dous espectáculos para os máis pequenos, que se unen á programación de cine e teatro que temos ao longo do ano para un público máis adulto”, afirmou o alcalde de Trabada, Rubén García.
O vindeiro 24 de agosto a partir das 10:00 horas veciños e visitantes poderán desfrutar na praia de Coto dunha exposición de motos e coches clásicos na VI Concentración Retroclásicos, de Barreiros. Máis tarde, ás 14:30 horas, comida no restaurante A Yenka seguida dunha ruta polas praias de Barreiros. Ás 19:00 horas levarase a cabo a entrega de trofeos. Haberá premios para o participante máis veterano, ao participante máis novo e ao club máis numeroso. Ademais, entregaranse premios especiais ao participante máis lonxano, á moto máis antiga, así como ao coche máis antigo.
O prezo é de 35 euros para os adultos e de 15 euros para os nenos e nenas de ata 14 anos. Dito prezo inclúe inscricións, detalle, comida e sorteos.
Para inscribirse poden facelo no teléfono 697 35 60 90 (Pedro) ata o 22 de agosto.
... leer más
O Concello de Viveiro acolleu a presentación da 40ª Feira de Artesanía, que se celebrará nos xardíns Noriega Varela entre os días 9 e 18 de agosto.
A feira, organizada polo Concello de Viveiro e a asociación PROA, celebra o seu 40 aniversario, consolidándose como unha das máis antigas de Galicia.
Haberá decenas de postos, coa presenza de numerosos profesionais da artesanía e nos que haberá obradoiros e demostracións do oficio.
Con motivo dos catro decenios de actividade da feira o acto de inauguración contará coa colaboración de Carlos Nuevo, Cronista Oficial de Viveiro, e da asociación folclórica Bágoas da Terra.
Haberá tamén unha exposición sobre a feira realizada con motivo do aniversario na sala traseira do Conservatorio Profesional de Música de Viveiro, co obxectivo de poñer en valor a historia do evento.
