Deportes
Hoxe, 18 de outubro, tivo lugar a Xornada de Promoción dos Bolos dirixidas a nenos/as de 5º e 6º de Primaria do Colexio Pedro Caselles e a rapaces/as de 1º de ESO do IES Illa de Sarón, que serven de preludio ao campionato anual que tódolos anos organiza o Concello de Xove a través da Concellería de Deportes.
Mañá, 19 de outubro, no Centro Social de Lago, vai comezar unha nova edición, a XXXI da Tirada de Bolos Concello de Xove, que no caso da Liga Sub 16 será a XX edición e a XI da Liga Feminina. O Campionato vaise desenvolver ao longo de 18 tiradas, rematando o 14 de marzo do vindeiro ano no Centro Social de Sumoas.
A competición prevista para este ano vai ser moi similar á da pasada tempada. O sistema de puntuación, clasificación, etc. é o mesmo da pasada edición.
O calendario para...
leer más
A asociación Os Sendeiros de Foz organiza unha ruta pola zona da Serra do Xistral, que rematará na Fervenza de Escouridal, o día 20 de outubro. Na actividade participarán membros da asociación de Rebollín de Salas. A saída será ás 8:30 horas de Foz e ás 8:50 horas desde Ferreira.
As persoas interesadas en participar poden inscribirse ata o día 16 de outubro, e poden facelo nos números de teléfono 606 718 482 e 670 369 017, ou no e-Mail ossendeiros@yahoo.es.
O prezo é 25 euros para os socios federados, 29 euros para os socios non federados e 33 euros para os non socios. Está incluído o xantar.
A organización recomenda levar equipo de sendeirismo e informa que a ruta ten un nivel de dificultade medio.
O Concello de Foz...
leer más
A praia de Limosa será escenario este sábado, 12 de outubro, do Memorial Macgiver, organizado polo Club Limosa Surf coa colaboración do Concello de Cervo.
Tal e como explicaron desde a organización “logo de XI edicións de campionato, este ano decidimos realizar unha xornada de surf libre para todos os públicos”.
As persoas interesadas en participar poden rexistrarse ás 9:00 horas.
No recinto habilitado tamén haberá postos de comida e bebida e música en directo. E como peche desta xornada de surf o grupo Miss Lane And The Kryptonians ofrecerá un concerto ás 19:00 horas.
O Concello de Cervo convida a toda a veciñanza e visitantes, amantes e afeccionados do surf, a que se acheguen á Praia da Limosa, nesa xornada dedicada a este deporte que día tras día gaña...
leer más
A segunda fin de semana de outubro, días 12 e 13 nesta ocasión, é xa unha data de referencia no calendario deportivo mariñao. Un ano máis, no concello de Barreiros, terá lugar unha nova edición da Carreira 1/2 Km. Vertical e o Trail Monte Comado, que organiza o colectivo ACD Praias de Comado. Serán a quinta e sexta edición, respectivamente, dunha cita que cada vez colleita máis participantes chegados desde distintos puntos de todo Galicia, mais tamén do norte español e incluso da meseta, tendo alcanzado preto dos dous centos de persoas inscritas.
As inscricións xa están abertas e ata o último día deste mes, luns 30 de setembro, aquelas persoas que desexen participar poderán beneficiarse da cota de inscrición reducida. Ata dito día, o prezo da inscrición é de:
- 8€ para o 1/2Km. Vertical. Prezo estándar a partir...
leer más
A Concellería de Deportes organiza unha nova edición das escolas deportivas de inverno. O prazo de inscrición estará aberto do 25 ao 27 de setembro na Casa da Xuventude, en horario de 8:00 a 14:00 horas, e o prezo será de 8 euros ao mes por cada actividade. As escolas que se ofertan son: tenis, atletismo, patinaxe lúdico e como novidade haberá rutas en bicicleta. O concelleiro de Deportes, Ramiro Fernández Rey, explica que esta tempada non haberá nin zumba nin patinaxe artístico, posto que estas dúas disciplinas eran impartidas por unha empresa contratada polo Concello e ao estar a Corporación Municipal en funcións a lexislación non permite facer estas licitacións.
O edil contou que “do día 25 ata o día 27 está aberto o prazo de inscrición nas escolas deportivas de inverno do Concello de Burela. O prezo de cada actividade vai ser de 8 euros mensuais e para...
I Campionato Galego e III Interautonómico de Taiji Quan, na modalidade de Tao Lu, terá lugar este domingo, 22 de setembro, no Pavillón do CEIP Península da Paz, a partir das 10:30 horas.
A cita, na que se estima que participarán medio cento de deportistas procedentes de Galicia, Madrid, Asturias e Castela-León, foi presentada polo edil de Deportes, David Rodríguez, e polo Director Nacional do Departamento de Taiji Quan, Miguel Ángel Rojo.
A entrega dos trofeos está prevista para as 13:00 horas.
O Concello de Foz organiza un ano máis o Día da Bici, que se celebrará o 28 de setembro. Unha cita moi agardada por pequenos/as e maiores, que a convirte nunha actividade familiar na que compartimos unha marcha polas praias.
Sairá do Parque Infantil de Tráfico ás 16 horas e como é costume, a zona de avituallamento estará no parque do Río Ouro, onde os participantes repoñerán forzas para volver con ánimo ao punto de partida.
Ao finalizar non faltará o sorteo da bicicleta, de agasallos e dalgunha que outra sorpresa. E como non, a entrega de premios, sempre disputada: mellor disfraz, bici mellor engalanada, máis nova/o e máis veterano/a.
A inscrición será solidaria, aportando 1kg de produtos para o Banco de Alimentos. Agora mesmo o que máis falta fai son leite, aceite, cacao, conservas,...
leer más
Do 27 ao 29 de setembro terá lugar en Burela o V Torneo Marosa Cup de fútbol, que reunirá a 50 equipos e a unhas 700 persoas. O concelleiro de Deportes, Ramiro Fernández Rey, destacou o impacto económico que terá na vila este torneo. Haberá, como novidade, fútbol feminino e ademais torneo de veteranos e da liga Genuine. Na presentación celebrada esta maña no Concello, estiveron o alcalde, Alfredo Llano, o concelleiro de Deportes, Ramiro Fernández Rey, e o presidente da SD Burela, Jesús Manuel Ares.
O edil de Deportes dixo que “vimos de facer hoxe a presentación do que vai ser a quinta edición do torneo Marosa Cup, fixémolo o alcalde e mais eu e contamos coa presencia do presidente da Sociedade Deportiva Burela, Jesús Manuel Ares. É un torneo que ano a ano vai medrando”.
Ramiro Fernández salientou que “este ano...
leer más
Do 16 ao 30 de setembro estará aberto o prazo de inscrición nas Escolas Deportivas do Concello de Ribadeo para tempada 2019/20. En total son 12 as modalidades ofertadas. O pagamento da matrícula, 60 euros por escola, poderá facerse ata o 15 de outubro. A nova edición das Escolas foi presentada hoxe polo concelleiro de Deportes, Jorge Díaz, e polo técnico municipal de Deportes, Iván López.
As modalidades deportivas que se impartirán son atletismo, baloncesto, fútbol, fútbol sala, hoquei liña, natación, pádel, patinaxe, rugbi, tenis, tenis de mesa e ximnasia rítmica. O inicio das escolas terá lugar entre o 16 de setembro e o 15 de outubro e o remate será entre o 16 de maio e o 15 de xuño. Están destinadas a nenas e nenos nados entre os anos 2006 e 2015. Nas escolas con límite de prazas realizarase un sorteo entre os inscritos o 2 de outubro...
leer más
O clube barreirense exercerá de anfitrión o próximo 14 de setembro no I Torneo Praias de Barreiros de fútbol sala feminino, un evento que servirá tamén de presentación oficial do conxunto de Modesto Veiga ante a súa afección.
Ademais do conxunto local, entrarán en liza o Concello de Begonte, Lieders Futsal e o ADC Burela Pescados Rubén todos eles conxuntos que competirán a próxima tempada na 1ªGalicia Senior Feminina de Lugo.
Unha tarde de fútbol sala que comezará coa presentación do equipo sénior feminino ás 15:30 e que rematará trala disputa da final fixada para as 20 horas.
Na presentación do Torneo, ademais da directiva e xogadoras do Praias de Barreiros, estiveron presentes Ana Ermida (Alcaldesa de Barreiros), Daniel García e Dámaso Ratoeira (membros da corporación municipal) así...
leer más