Foz
Todo está listo para a cea de conmemoración do 30 aniversario da creación de Acia Foz, que terá lugar mañá, mércores, a partir das 21:30 horas no hotel restaurante Leytón.
Ao acto asistirán a directora xeral de Comercio da Xunta, Sol Vázquez, o presidente da Federación Galega de Comercio, José Mª Seijas, o delegado territorial da Xunta en Lugo, José Manuel Balseiro, a responsable da Área de Economía da Deputación de Lugo, Mayra García, o presidente da Mancomunidade de Municipios de Mariña, Alfredo Llano, o alcalde de Foz, Javier Castiñeira, así como edís dos diferentes partidos con representación no Concello focense. Exercerá como anfitrión o presidente de Acia/CCA, José Carlos Paleo, xunto ao resto da directiva da asociación que acaba de renovar por outros catro anos.
Na cita renderase homenaxe a Suso Fernández...
leer más
Os Sendeiros de Foz organiza unha ruta por Somiedo ao Pico Cornón. Será o 27 de maio, xunto á asociación Rebollín de Salas, que serán os seus guías.
A saída será ás 6:30 horas, da Praza de Galicia.
O prezo é 30 euros para os socios federados, 35€ para os socios non federados e 40 euros para os non socios. Inclúese a merenda-cea ao remate e o ingreso debe facerse en conta bancaria. Para participar é obrigatorio anotarse e pode facerse nos teléfonos 606 718 482 e 670 369 017, ou no e-mail ossendeiros@yahoo.es. O prazo límite para inscribirse é o mércores 23 de maio.
A organización informa que o nivel de dificultade da ruta é medio, e recomenda levar equipo de sendeirismo.
Colabora con esta actividade o Concello de Foz....
leer más
A Delegación de Cultura do Concello de Foz programa unha exposición de debuxos de Juan A. Mariño Domenech, que se inaugurará o día 14 de maio no CENIMA, e unha obra de teatro que se representará en Cordido o día 17.
O vindeiro luns, 14 de maio, inaugurarase a exposición de debuxo a cores con obras de Juan A. Mariño Domenech. Esta mostra permanecerá na sala de exposicións do CENIMA ata o día 6 de xuño. O horario de visita será de 10:00 a 14:00 horas de luns a venres.
O xoves 17, Día das Letras Galegas, o grupo de teatro A Adala Infantil presentará Mamasiña que medo! A representación terá lugar no centro social de Cordido, ás 19:00 horas. Organiza a Comunidade de Montes en Man Común da parroquia de Cordido coa colaboración do Concello de Foz. A obra conta a historia dunhas bruxiñas e un ogro grande e temido por...
leer más
O Concello de Foz organiza un curso para aprender a usar os teléfonos móbiles smartphone. Será na Casa da Xuventude desde o día 28 deste mes ata o 6 de xuño de 18:00 a 19:30 horas.
A concelleira Mercedes González dá a coñecer un novo curso “para dominar os teléfonos intelixentes. Despois do éxito da pasada edición, e da demanda que había, este ano volvemos a ofertar este curso. Do 28 de maio ao 6 de xuño faremos un obradoiro no que coñecer as posibilidades que nos dan estes teléfonos: aprender o seu uso, instalar aplicacións, sacarlles partido,… E para as persoas que non teñan facilitámoslle un para que poidan aprender desde cero”.
O curso será impartido por Carmen Seco e as prazas son limitadas. A inscrición pode facerse na Casa da Xuventude ou chamando ao teléfono 982.133.037.
O Centro Comercial Aberto de Foz únese á campaña Días Azuis do Comercio Galego, que terá lugar do 7 ao 21 de maio. A Federación Galega de Comercio sorteará 16.200 euros en premios repartidos en 80 tarxetas prepago de ABanca de 300 e 150 euros cada unha.
A campaña está organizada pola Federación de Comercio e pola Dirección Xeral de Comercio da Xunta de Galicia.
Todos aqueles consumidores que desexen participar nesta campaña o único que teñen que facer é rexistrar a súa compra en www.diasazuis.com a través de calquera dispositivo electrónico. Tamén poden pedirlle ao comerciante que lles faga a xestión en www.diasazuis.com/comercios
Trinta aniversario de ACIA/CCA
Por outra banda, xa están á...
Tá en Artes organiza un ano máis, coincidindo coa celebración da Semana das Artes na Mariña, un obradoiro de escultura en Foz que terá lugar o sábado, 5 de maio.
A actividade está dirixido a nenos e rapaces de todas as idades, e seguindo coa homenaxe a Puchades, a temática este ano vai ser a escultura.
Este obradoiro terá lugar na Avenida da Mariña, na parada de taxis, a partir das 12:00 horas. Os organizadores pretenden que os traballos que resulten queden expostos na rúa para darlle vida e ser un atractivo máis.
A Asociación de Comerciantes de Foz e Centro Comercial Aberto colabora coa actividade que supón tamén unha dinamización da rúa no ámbito comercial.
Para participar neste taller hai que anotarse no correo ...
leer más
A Concellería de Cultura de Foz organiza o VI Festival de Voces Xóvenes, que nesta edición terá lugar na igrexa parroquial focense. A primeira actuación será mañá, venres, ás 20:30 horas e correrá a cargo do Coro do Colexio Sagrado Corazón de Ribadeo.
O concelleiro de Cultura de Foz, Ánxel Paleo, anuncia que “este venres, día 4 de maio, dará comezo o sexto Festival de Voces Xóvenes A Capella. A novidade este ano é que se traslada á igrexa parroquial”.
Ánxel Paleo explica que “este venres dará comezo co Coro do Colexio Sagrado Corazón, de Ribadeo, ás oito e media. O venres 25 de maio, tamén ás oito e media, virá o Grupo Vocal Entrelas, da Coruña. Para pechar o festival o 1 de xuño ás nove da noite teremos o Coro da Escola de Música de Foz”.
O edil de Cultura en Foz salienta que “é un...
leer más
Este sábado, 28 de abril, celébrase en Foz un concerto a cargo do grupo de música infantil A Banda dos Cueiros, que terá lugar na Sala Bahía ás 12:30 horas.
Este grupo fai música para pícaros e pícaras de 0 a 8 anos, e naceu ao abeiro de Espazo Lector en Gondomar.
A actuación está organizada pola ANPA da Escola de Música de Foz, en colaboración coa profesora de Música e Movemento da Escola. Os grupos de nenos e nenas que cursan esta asinatura van participar tamén no concerto, acompañando nun par de cancións á agrupación.
Do 27 de abril ao 6 de maio desenvolverase a campaña do Día da Nai, que organiza o CCA de Foz e que foi presentada polo vicepresidente, José Ginzo, e pola secretaria, Olaya Pedrosa.
Todas aquelas persoas que realicen as súas compras nos establecementos asociados a ACIA/CCA entrarán no sorteo de 5 vales por importe de 50 euros cada un e de 5 tratamentos de beleza.
O sorteo terá lugar o 9 de maio en Radio Foz.
Desde o Centro Comercial Aberto focense animan “a realizar as compras do Día da Nai no comercio máis próximo, no que temos a carón das nosas casas, en Foz. Os nosos locais contan con todo o que precisamos para renderlles a homenaxe as nosas nais, nesa xornada tan especial, que se celebra o vindeiro 6 de maio”.
Renovación xunta directiva
A ACIA/CCA...
O Concello de Foz freta un autobús para que os veciños que o desexen viaxen gratuitamente a Monforte este domingo, día 29, para apoiar ao CD Foz, que se enfronta ao Lemos, nun partido decisivo para o ascenso de categoría.
O alcalde de Foz, Javier Jorge Castiñeira, explica que se organiza esta viaxe “dado a boa traxectoria que está tendo o noso club na Primeira Rexional e disputando nestes días encontros importantes para o ascenso, concretamente na próxima xornada contra o Lemos, de Monforte, que é o club que o segue e que está loitando co Club Deportivo Foz para o ascenso. O que quere facer o Concello de Foz, concretamente a Concellería de Deportes, é apoiar ao noso club para que teña máis arroupo na consecución do seu obxectivo, que é o ascenso”.
Javier Castiñeira engade que “para iso imos poñer un autobús que...
leer más