Deportes
02/05/2016
A praia do Torno, de San Ciprián, acollerá unha xornada dedicada ao paddle surf este venres, día 6, a partir das 17:30 horas. Esta actividade, dirixida a mozos e mozas a partir de 12 anos de idade, está organizada pola Delegación Municipal de Xuventude, que dirixe a concelleira Dolores García Caramés, quen explicou que os interesados en participar deben inscribirse previamente.
Poden apuntarse na Casa do Mar, de San Ciprián, chamando ao teléfono 691.65.66.00 ou a través de dinamizacion@concellodecervo.com
A actividade será impartida por Limosa Surf...
leer más 18/04/2016
A Delegación Municipal de Xuventude do Concello de Cervo, que dirixe a concelleira Dolores García Caramés, organiza unha xornada dedicada ao skate e outra ao surf. Os interesados en participar nestas dúas actividades deben inscribirse antes deste xoves, día 21.
A xornada dedicada ao skate será este venres 22 pola tarde e está dirixida a alumnos e alumnas de 4º, 5º e 6 º de Primaria e rapaces a partir de 12 anos. E a de surf será este sábado 23 pola mañá para rapaces con idades a partir de 12 anos.
Os interesados en participar poden inscribirse na Casa do Mar, de San Ciprián, no teléfono 691.65.66.00 ou a través do correo electrónico dinamizació...
leer más 16/04/2016
O Vicepresidente da Deputación, o nacionalista Antonio Veiga, acompañado dos organizadores da proba, José Carlos Díaz, Xoel Díaz Agustín Pérez, Xesús Seivane e Iván Labrada, participaron na presentación da IV Carreira Popular das Praias, a proba parte da iniciativa de diversos grupos de entidades de Barreiros como son Peña Barcelonista San Miguel, Hotel Ría do Masma, Café Bar Moderno, Casa Elena Turismo Rural, Actiboot, Valea Taxi e Pinturas Centeno.
A Carreira das Praias do 2016 celebrarase o vindeiro 8 de maio e contará con saída en Punta Anguieira a partir das 11 horas da mañá, que será o momento no que tomen a saída ós participantes das categorías infantís, posteriormente, as 11:45 tomarán a saída os participantes da categoría...
leer más 16/04/2016
O colectivo Pensamento e Sementeira abre o 24 de abril o programa “Camiñadas polas Terras de Viveiro” coa rota dos muíños do Fontecova.
A xornada dará comezo ás 10 da mañá na explanada de Verxeis. As persoas participantes farán o primeiro tramo do paseo fluvial do río Landro. A primeira parada será no muíño das Aceas para deseguido continuar até o Convento de Valdeflores. A rota dos muíños seguindo o regato Fontecova chegará até a capela da Sarna. A volta será por Fontecova até a Ruanova, en Magazos, onde os camiñantes repoñerán forzas cuns petiscos.
Para participar nesta actividade, que terá un percorrido aproximado de 9 quilómetros, hai que se...
leer más 15/04/2016
A asociación de Sendeirismo Terras de Lourenzá organiza unha ruta para este mes de abril por Cangas do Morrazo.
Esta andaina será pola Ruta do Monte Facho cun percorrido de 12´5 quilómetros e dificultade media. Terá lugar o sábado, día 23 de abril, e a saída de Lourenzá está prevista para as 7:30 horas. O prezo é de 25 euros para os socios e 30 euros para os non socios e inclúe o transporte en autobús e a comida nun restaurante da zona.
O prazo para anotarse remata o día 21 de abril e as inscricións poden facerse nos números de teléfono 636 49 64 48 (Fe) ou 669 68 59 02 (Sandra).
14/04/2016
Dende o pasado 20 de xaneiro está legalizada a Asociación Cultural Amigos de Regalxunqueira, que conta con 60 socios e na actualidade está presidida por María Carmen Blanco Trobo, o secretario é Alfonso Otero Regal e a tesoureira, Montserrat Prieto Pernas. Segundo anunciaron, a asociación “realizará as seguintes actividades: sendeirismo, cinefórum, cursos de gravado, cerámica e pintura, ioga, pilates, reiki, excursións, viaxes organizadas, gastronomía, elaboración de cervexa artesán e de vermú, conferencias encol da sanidade e club de lectura, entre outras”.
Como primeira actividade da asociación, no apartado de sendeirismo, este próximo sábado, día 16 de abril, iniciase o percorrido: O Barqueiro – Vegadeo, seguindo a ruta...
leer más 11/04/2016
O vindeiro 19 de abril darán comezo os Bailes de salón, que organiza a Concellería de Servizos Sociais. A edil Patricia Otero explica que “ao longo desta semana aquelas persoas interesadas en acudir a esta actividade poden achegarse ata a Casa do Concello para inscribirse”.
Os Bailes de salón impartiranse na Casa da Cultura os martes ata o 26 de xullo. Será en tres quendas, del 18:45 a 20:00 horas, de 20:00 a 21:15 horas e de 21:15 a 22:30 horas.
Os interesados en obter máis información e/ou aclaracións poden chamar ao seguinte número de teléfono 982 58 06 09.
11/04/2016
Vista Alegre ya prepara su tercer y último Día del Club de la temporada ante otro de los grandes, ElPozo Murcia. A partir de esta tarde, todas las personas interesadas ya pueden adquirir su entrada para el gran espectáculo de este sábado, 16 de abril (18.30 horas), con la visita del actual bronce de Primera LNFS. Para este encuentro los soci@s tendrán acceso gratuito.
La venta anticipada estará disponible hasta el viernes, día 15, a las 14.00 horas, en la sede del CD Burela FS Pescados Rubén (Horario de atención al público: de lunes a viernes, 10.00-14.00 // 16.00-19.00). El sábado la taquilla se abrirá a las 17.30 horas.
07/04/2016
O Grupo de Sendeirismo da ACD Xove deu comezo a súa tempada de Rutas o pasado día 3. As andainas seguirán a finais do presente mes.
A vindeira ruta será o día 24 de abril pola comarca ferrolán. Será pola ruta de Senda e Fervenzas do río Belelle. A distancia é de 12´5 quilómetros con dificultade baixa. A saída será desde a Igrexa de Santa María de Neda, seguindo a Senda do río Belelle que nace nas Fragas do Eume e chega ao mar na ría de Ferrol. Na ruta atópanse varios muíños restaurados e que fan referencia ao afamado pan de Neda. Caracterízase esta ruta pola espectacularidade das fervenzas e a frondosidade das árbores á ribeira do río.
04/04/2016
Este sábado, día 9 de abril, as asociacións Pasada das Cabras de Burela e Terras de Lourenzá organizan a cuarta etapa do Camiño Norte de Santiago dende Lousada a Martiñán. A etapa ten un percorrido de dezaseis quilómetros.
A saída será de Burela ás oito da mañá da Estación de Autobuses. O prezo é de 20 euros para os socios e 25 euros para os que non o son e inclúe autobús, comida e seguro. As persoas que queiran participar deben anotarse en Gráficas Arfe de Burela ou no teléfono 982-580 504 antes do xoves día 7 ás 20:00 horas.