Eventos
A Concellaría de Xuventude e a OMIX organizan unha Festa de Samaín que terá lugar o venres, 2 de novembro, no pavillón de deportes a partir das 16:30 horas. A entrada será de balde.
Haberá obradoiros de decoración de cabazas, maquillaxe de terror, elaboración de bruxas de pau, baile de disfraces Truco ou Trato con discoteca móbil, xogos tradicionais, desfile, presentación de disfraces e photocall.
Para participar no obradoiro de decoración de cabazas será preciso levar a cabaza e utensilios para limpala.
As persoas interesadas poden obter máis información na OMIX - Casa da Xuventude, en Antonio Otero, 15, ou no seguinte número de teléfono 982 129 889.
A asociación cultural A Pomba do Arco organiza unha nova edición da Festa da Palabra que se celebrará no Cenima, de Foz, entre o 7 e 9 de novembro. Desde a organización explican que “a consecuencia de imprevistos de ultima vémonos na obriga de cambiar o programa”, quedando como se anuncia a continuación:
Lois Pérez. Mércores, 7 de novembro, ás 20:30 no Cenima.
Os soños na gaiola. Grupo de teatro da Pomba do Arco. Xoves, día 8, ás 20:30 no Cenima.
Olga Novo e Ismael Ramos. Venres, 9 de novembro, ás 20:30 no Cenima.
A asociación Fervenza de Sargadelos celebrará o Samaín o vindeiro mércores, 31 de outubro. Os actos terán lugar no Ecomuseo Terras de Azul Cobalto, de Cervo, a partir das 18:45 horas.
Comezarán as actividades coa actuación do Mago Pi, ás 20:00 horas haberá unha chocolatada e ás 20:30 horas un concurso de disfraces e cabazas. Os premios serán dous paseos a cabalo en Cabaliño de Pao. No concurso poderán participar todas as persoas que o desexen e valorarase a orixinalidade tanto do disfraz como da cabaza.
A xornada rematará ás 21:00 horas coa Estantiga das Ánimas, desfile polo Rego Cachón ata a praza do Souto.
A Federación de Comercio A Mariña, coa colaboración da Xunta, promociona en todo o estado a realización de rutas turísticas pola comarca. A iniciativa foi presentada este mediodía a carón do Cenima, en Foz. Ao acto asistiron o delegado territorial da Xunta, José Manuel Balseiro, o alcalde focense, Javier Castiñeira, o presidente da FCAM, José Carlos Paleo, e o xornalista Pedro Madera, que realiza reportaxes para Marca Motor e para outras publicacións de ámbito nacional.
Paleo explicou que “o obxectivo é dar a coñecer todo o que temos aquí como a paisaxe, a gastronomía, os monumentos, as praias, as lonxas, os portos, os sendeiros, o comercio, a hostalería… toda unha ampla oferta para que quen nos visite en calquera época do ano saiba con qué se vai atopar”.
Marca Motor dará a coñecer aos seus lectores no mes de...
leer más
A asociación Amigos da Troula, en colaboración co Concello de Cervo, organiza a Festa de Samaín que se celebrará o día 2 de novembro en San Ciprián.
Os actos darán comezo coa cea que terá lugar no restaurante Buenavista, a partir das 22:30 horas. O menú estará composto por ameixas en salsa mariñeira, lombo en salsa de améndoas, ensalada, café, chupito e viños Rioja e Albariño. O prezo é de 20 euros e a venda de tíckets é na Casa da Cultura de San Ciprián, e nos números de teléfono 691 656 600 ou 617 383 418.
Ademais haberá unha festa de balde para todas e todos, a partir das 00:30 horas na Casa do Mar de San Ciprián, con dj e premios aos mellor caracterizados.
A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión á Festa da Castaña que se celebrará en Folgoso do Courel o día 3 de novembro, sábado. Este evento, declarado de interese turístico de Galicia, chega á súa trixésimo primeira edición.
A actividade inclúe a viaxe en autocar, o almorzo, a comida e o seguro obrigatorio de asistencia. O prezo é de 35 euros por persoa.
Para a reserva de prazas desta excursión hai que dirixirse á axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar aos teléfonos 676.44.54.65 ou 982.87.74.70.
A Mancomunidade de Municipios da Mariña organiza a sétima edición do Mes da Maxia que se celebrará do 2 de novembro ao 1 de decembro. O presidente da Mancomunidade, Alfredo Llano, subliña que “o obxectivo é mover á xente nun mes que tradicionalmente non é moi turístico nesta zona”.
Llano anunciou que “imos facer unha presentación oficial, como máis tarde o día 30 de outubro, do Mes da Maxia. Imos tratar de que estean todos os magos aquí para facer este acto e xa diremos onde”.
O presidente da Mancomunidade de Municipios da Mariña salientou que “o obxectivo é motivar á xente a saír ese mes de novembro polos diferentes establecementos hostaleiros onde vai haber actuacións máxicas. Os magos van tratar de levar da mellor maneira posible unha cea extraordinaria cunha actuación artística que sempre tivo moi bo resultado...
leer más
A parroquia de Rúa acollerá o vindeiro sábado, 27 de outubro, aFesta da Esfollada do Maíz.
A cita, foi presentada polo alcalde de Cervo, Alfonso Villares, a edil de Cultura, Dolores García Caramés, e por varios membros da Asociación de Veciños de Rúa Candelaria, organizadores do evento, coa colaboración do Concello.
A Festa, que terá lugar na AntigaEscola de Rúa, arrincaráás 16:00 horas coaesfollada do millo.
A partir das 20:00 horas está programada unhacea a base de empanada e pan da casa elaborados con fariña de trigo da Malla de Rúa, callos, sobremesa e viñoouauga; por un prezo de 6 euros para os socios e de 10 euros para os non socios.
Xa ás 22:00 horas dará comezo a Gran Verbena a cargo do Grupo Montreal e do Dúo Zafiro.
O Concello...
leer más
A Concellaría de Igualdade pon en marcha o vindeiro 28 de outubro un novo Domingo a Pé. O percorrido a realizar nesta ocasión será o comprendido entre Rinlo e Ribadeo.
Desde a Concellaría de Igualdade e desde o CIM explican que “os Domingos a pé son unha actividade anual dirixida ás mulleres adultas, co fin de promover un tempo para elas mesmas, un tempo de ocio, un tempo illadas das obrigas familiares, laborais… un tempo para rachar con esa dobre ou tripla xornada laboral. Ademais, de poder gozar dese tempo para elas, poderán coñecer lugares do seu entorno inmediato, e facer un pouco de exercicio físico”.
E engaden que “desta volta desprazarémonos desde Rinlo a Ribadeo. Consiste en ir no tren a Rinlo e volver pola senda costeira camiñando a Ribadeo 13 quilómetros. Sairase ás 11:30 horas da estación de tren de...
leer más