Exposiciones

Etiquetas:
04/07/2019

A exposición de Xosé Blanco: "Collages, Óleos, Estarcidos, Tintas", composta de 20 obras nas que se amosan distintas técnicas poderá visitarse na primeira planta do Castelo do Castrodouro ata o vindeiro 27 de xullo.

O horario de apertura do Castelo do Castrodouro durante os meses de xullo e agosto é de martes a domingo de 11 a 14 horas e de 17 a 20 horas. 

Sobre o autor
A Estivada (O Valadouro), agosto de 1955. 
O autor conta que “os meus primeiros garabatos fíxenos, penso eu, sendo un neno, nas libretas, cadernos e pizarras da escola de Dna. Mercedes en San Tomé, ou nas paredes da miña casa, nas do muíño… A miña querencia por debuxar, naceu e medrou en min dun xeito natural e inconscente… Os primeiros estudos artísticos que fixen, foron por correspondencia, aos 13 ou 14 anos, nunha academia de...

leer más
Etiquetas:
21/06/2019

A Oficina de Turismo de Foz, que está situada no edificio do Cenima, estará aberta no verán, durante os meses de xullo e agosto, de luns a sábados de 10 a 14 horas polas mañás e de 16:30 a 20:00 horas polas tardes. Os domingos abrirá de 11 a 14 horas e os festivos de 11 a 14 horas e de 17 a 20 horas. 

O punto de información turística da Basílica de San Martiño, que está no centro de interpretación da mesma, tamén estrea horario de verán. De martes a sábado de 10:30 a 14:00 horas polas mañás e de 16 a 20 horas polas tardes. Os domingos abre de 10:30 a 13:00 horas e os luns está pechado. 

Haberá visitas guiadas á Basílica de San Martiño ás 10:30 e ás 19:15 horas. As persoas interesadas en contar con este servizo poden solicitalo con Silvia Blach no 982 13 26 07 ou 620 623 592.

 

14/06/2019

"Xolo", usuario da Asociación de Axuda ao Enfermo Mental A Mariña, é un dos protagonistas desta exposición de pintura participativa conformada por 14 debuxos e ilustracións realizadas por persoas con problemas de saúde mental para ilustrar as cancións do disco "Disorders" do artista Carlos Morales.

Cada un dos temas está inspirado nun trastorno mental co fin de visibilizar a enfermidade tratándoa con normalidade, respecto e empatía.

Na inauguración participaron o alcalde de Cervo, Alfonso Villares, a edil de Cultura, Dolores García Caramés, e a concelleira de Sanidade, Mali Méndez, que arrouparon a "Xolo" xunto aos seus compañeiros do centro e a representantes da Federación de Asociacións de Familiares e Persoas con Enfermidade Mental de Galicia (FEAFES).

 

13/06/2019

A Sala de Exposicións do Complexo Regalxunqueira de Viveiro acolle ata o día 28 de xullo a mostra titulada "Hai Mulleres", de Otero Regal.

Esta exposición presenta retratos ilustrados con poemas e prosa. Unha idea que naceu coma homenaxe á muller. A mostra estivo de xira por outras cidades do Estado.

Os autores dos textos literarios que acompañan á mostra son: Xoan Neira, Javier Rivera, Jaime Oroza, Renata Otero, J.J., Paco Rivas, Manolo Romero Mancha, Carlos Clementson Cerezo, Santiago Lafuente Flors, Virginia Araya, Susana Obrero, MªLuz Escuin, Tirsa Caja, Carlos Boves, Pedro García Cueto, José Luis Morales, Matías Muñoz Borja, Juan Pedro Carrasco García, Graciela Pelegrín, Ezequías Blanco, Isabel Flors Aparicio, Elsa López, Luis Alberto de Cuenca, Javier Lostalé, Cristóbal López de la Manzanara, Pepe Viyuela...

leer más
Etiquetas:
10/06/2019

O colectivo viveirés Pensamento e Sementeira abre mañá martes, día 11 de xuño, dentro da programación da súa “Primavera Cultural 2019”, a exposición  “A cidade” do fotógrafo Pepe Ventureira.

“A cidade—di Ventureira--ocupa a vida de moitas persoas; a razón construída a base de beirarrúas, obríganos a vivir amoreados baixo a ditadura do verde e o bermello…”

https://www.pepeventureira.photography/

A exposición estará aberta até o vindeiro día 18 de xuño, de 17:30 a 20:30 os días laborables e de 12 a 14 horas os sábado e domingo na sala da planta baixa da Biblioteca Municipal de Viveiro (Praza Maior).

05/06/2019

A sala de arte da Casa da Cultura de Burela acolle a exposición fotográfica Meridiano 7,30º Oeste de José Luís Rodríguez (Pradero), na que plasma a paisaxe da costa luguesa e a vida das xentes da Mariña.

A mostra permanecerá ata o vindeiro 21 de xuño e poderá visitarse de luns a venres en horario de 10:00 a 13:00 horas e de 17:00 a 20:00 horas.

Pradero comezou a súa carreira profesional en 1995 e traballou como fotoxornalista no diario El Progreso e en La Voz de Galicia. Posteriormente colaborou coa revista Interviu ata o seu peche, e en medios como El Mundo, El País ou O Jornal de Noticias de Portugal. 
No 2014 comeza o proxecto de fotografías das praias da costa lucense avalado pola Deputación de Lugo, e a través desas imaxes achéganos á paisaxe e á vida das persoas da Mariña de Lugo. Froito da conexión do...

leer más
Etiquetas:
13/05/2019

La sala de exposiciones Luis Fega de la Casa de Cultura de Vegadeo acoge la muestra de Iván López titulada Segunda parte.

El horario de visitas es de 15:00 a 21:00 horas, de lunes a viernes. Esta exposición permanecerá abierta hasta el próximo 27 de mayo.

 

Etiquetas:
10/05/2019

O Concello de Xove acollerá nas próximas semanas unha exposición fotográfica e mais unha obra de teatro para concienciar sobre a difícil situación das persoas refuxiadas. As actividades encádranse no plan de sensibilización promovido polo Fondo Galego de Cooperación e Solidariedade, entidade da que o municipio é socio.

A mostra ‘No colo da esperanza’ poderá visitarse a partir de mañá venres e ata o 2 de xuño na Sala de Exposicións do Salón de Actos, de 18 a 21 horas. As exposición foi realizada en 2015 na denominada “ruta dos Balcáns” polo fotoxornalista Felipe Carnotto, que previsiblemente se achegará ata Xove para ofrecer unha charla ao respecto. As fotografías están protagonizadas principalmente por rapazas e rapaces que foxen da guerra en Siria canda as súas familias, na busca dun futuro próspero en Europa. A forza das imaxes pretende...

leer más
Etiquetas:
09/05/2019

O próximo sábado, 11 de maio, terá lugar a inauguración da colección de acuarelas de Alfoz e A Mariña do pintor leonés Juan Ramón Alves Fernández, gañador das dúas últimas edicións do Maratón de Pintura de Alfoz.

Durante o acto de inauguración, previsto para as 11.00 horas no Castelo de Castrodouro, o acuarelista Juan Ramón Alves efectuará unha demostración para todos os visitantes que se acheguen. 

Ademais presentarase o IV Maratón o Aire Libre do Concello de Alfoz, que terá lugar o sábado 27 de xullo e no que poderán participar todos os pintores que o desexen, existindo unha categoría infantil (ata 16 anos) e outra sénior. Como en anos anteriores, a temática será referida ao concello de Alfoz, podendo reproducir calquera motivo, monumento ou paisaxe do termo municipal.

 

05/05/2019

A exposición Bujados: bosquexos, poemas e documentos inaugurouse este sábado na Biblioteca Municipal de Viveiro, e inclúe unha colección de apuntamentos, bosquexos e debuxos orixinais do artista Manuel Bujados. A exposición  estará  aberta ata o 2 de xuño en horario de luns a venres de 16:30 a 20:30horas e o sábado de 11:30 a 13:30 horas. A mostra está organizada pola Deputación de Lugo, a Rede Museística Provinciale o Concello de Viveiro.

Bujados: bosquexos, poemas e documentosfundaméntase no legado que María LuísaBlascoBujados, sobriña do artista, entregou ao Museo Provincial de Lugo no 2016.Trátase dunha colección inédita e de gran importancia para profundar no coñecemento da obra de Bujados, no seu proceso creativo e na súa dedicación profesional á ilustración. A colecciónrecibiuun tratamento de conservación por parte do persoal...

leer más