Burela
O Concello de Burela abre o prazo de inscrición dunha nova edición de Somos Verán, un programa de lecer estival dirixido a nenas e nenos que cursaron Educación Infantil e Primaria durante o curso 2025-2026. A iniciativa desenvolverase durante os meses de xullo e agosto no CEIP Os Castros e contará cun amplo programa de actividades lúdicas e educativas.
O programa estrutúrase en catro quendas: do 1 ao 14 de xullo, do 15 ao 28 de xullo, do 29 de xullo ao 11 de agosto e do 12 ao 25 de agosto. As actividades levaranse a cabo de luns a venres en horario de mañá (de 09:00 a 13:30 horas) e incluirán talleres, xogos, obradoiros e actividades relacionadas coa Bandeira Azul, entre outras propostas.
O prazo de inscrición estará aberto desde este xoves 11 ata o 15 de xuño e as solicitudes poderán presentarse a través do...
leer más
O Concello de Burela participa un ano máis en Festur, a Feira de Festas de Interese Turístico que se celebra no recinto feiral de Silleda no marco da Feira Internacional Abanca Semana Verde de Galicia. O municipio conta cun stand propio no que se promociona a Feira do Bonito, declarada Festa de Interese Turístico Nacional, así como “a ampla oferta turística de Burela, dando a coñecer os principais atractivos culturais, gastronómicos e naturais da vila. No stand está a técnica municipal de turismo, Andrea Andión, no espazo dedicado ás festas de interese turístico de Galicia”.
“Festur constitúe dende 2014 a gran mostra das celebracións galegas con esta distinción, converténdose nun punto de encontro co público e nun escaparate para achegar á demanda turística interna as festas máis antigas, con maior arraigo popular e máis singulares da...
leer más
A décima edición do torneo de fútbol Marosa Cup disputarase os día 20 e 21 de xuño.
O Concello de Burela anuncia que “xa está aquí a X edición da Marosa Cup 2026. Un ano máis, o fútbol será protagonista nunha fin de semana chea de deporte, compañeirismo e ilusión no que participarán arredor de 40 equipos”.
O sábado 20 de xuño disputáranse os partidos de Fútbol 8, nas categorías de biberón, prebenxamín, benxamín e alevín. E o domingo 21 serán os de Fútbol 11 en categorías infantil e cadete.
O Concello de Burela explica que “os partidos de F8 xogaranse en campo natural e campo artificial. En F11 tamén se xogará nos campos da Candelaria e San Ciprián”.
A Deputación de Lugo apoiará o vindeiro 15 de xuño en Burela o Festival De Cabo a Cabo, “unha proposta cultural e comunitaria que nace arredor dun acontecemento histórico para a localidade e para toda a Mariña: o partido de fútbol entre España e Cabo Verde do Mundial 2026. A iniciativa, impulsada polo colectivo Fanto Fantini, converterá diferentes espazos públicos da vila nun gran punto de encontro entre culturas a través da música, da arte, da gastronomía e da convivencia”.
A Presidenta da Deputación, Carmela López Moreno, destaca que “Burela representa unha das mellores versións da provincia de Lugo: unha terra aberta, integradora e orgullosa da diversidade que a fai medrar”. López pon en valor “a capacidade desta vila para construír comunidade desde o respecto e desde a convivencia, onde o 10% da poboación ten orixes caboverdianas” e...
leer más
Burela acollerá concursos de karaoke os días 3 de 4 de cuña, actividade incluída no programa das festas patronais. Anúnciao o Concello: “no marco do programa das festas patronais de Burela gozaremos, un ano máis, dun karaoke con retransmisión en vivo a través da canle de youtube do Concello. O mércores 3 de xuño ás 20.30 horas terá lugar a quenda do karaoke infantil e xuvenil. O xoves 4 de xuño ás 20.30 horas comezará o karaoke sénior, cunha entrada con prezo simbólico de 2 euros”.
Será no auditorio da Casa da Cultura e o prazo de inscrición para participar estará aberto dende o luns 25 ata o venres 29 de maio a través do correo electrónico: gaia@burela.org. As bases e a folla de inscrición están na web do Concello de Burela.
A Casa da Cultura de Burela acollerá este sábado, día 23 de maio, a obra Territorio Regueifa, un espectáculo recomendado para maiores de 14 anos, de teatro, humor, música e improvisación que achega ao público a arte da regueifa a través das actuacións de dous regueifeiros e unha regueifeira.
A función chega a Burela a través da AGADIC, cunha proposta dirixida por José L. Prieto e coa coprodución do Centro Dramático Galego con Ainé e o Festival Internacional Outono de Teatro (FIOT) de Carballo. O elenco conta ademais coa participación do burelao Manolo Maseda, xunto con Lupe Blanco e Josinho da Teixeira.
A obra comezará ás 20:00 horas con entradas a 5 euros e estarán á venda no despacho de billetes unha hora antes do comezo da función.
Este martes, día 19 de maio, terá lugar na Casa da Cultura de Burela a presentación do libro de Paco Rivas titulado Bóreas, da man da Editorial Medulia.
Será ás 19:30 horas e acompañarán ó autor Bernardo Penabade, crítico literario, e Lina Gómez, concelleira de Cultura en Burela.
A cuarta edición do Campamento Musical Verán Burela celebrarase desde o día 25 ata o 28 de xuño. Haberá formación en corda, vento, piano, percusión, etcétera.
A organización anuncia: “se es maior de 8 anos xoga, aprende e disfruta con nós”. As prazas son limitadas e para participar hai que inscribirse a antes do día 20 de maio.
A presentación será o xoves 25 de xuño ás 15:30 horas e o concerto final está programado para o domingo 28 ás 18:00 horas na Casa da Cultura de Burela.
O Concello de Burela celebrará o Día das Letras Galegas cunha programación cultural que inclúe literatura, tradición, música, maxia, teatro e actividades “participativas para todos os públicos, co obxectivo de poñer en valor a lingua galega e achegar a cultura á veciñanza dun xeito atractivo e diverso”. Desenvolverase ata o día 19 de maio.
Tamén anuncia que “unha das iniciativas destacadas será a intervención artística nalgúns pasos de peóns da vila, na que a Aula Medioambiental Gaia, persoal municipal da área de Obras e diferentes colectivos locais, coa colaboración da Biblioteca Pública Municipal, pintarán versos de autoras e autores homenaxeados ao longo da historia do Día das Letras Galegas. Segundo explicou a concelleira de Cultura, Lina Gómez, “esta acción é unha maneira moi bonita de facer visible a nosa literatura no día a día....
leer más
O porto de Burela acolle esta semana, o mércores 13 e o xoves 14 de maio, as 33ª Xornadas Técnicas e o 27º Encontro Empresarial, que organiza un ano máis a Fundación Expomar co cofinanciamento da Consellería do Mar da Xunta de Galicia e o Fondo Europeo Marítimo, de Pesca e de Acuicultura 2021-2027.
A Fundación Expomar anuncia que “os profesionais e entidades máis representativas do sector pesqueiro a nivel nacional e europeo danse cita en Burela para abordar os principais retos e dificultades actuais na pesca e debater acerca do futuro do sector pesqueiro”.
Na apertura das Xornadas 2026, que se volverán celebrar no salón de actos da Confraría de Pescadores de Burela, e que se poderán seguir en directo a través da web de expomar.com, estará presente a conselleira do Mar da Xunta de Galicia, Marta Villaverde,...
leer más