Lourenzá
24/06/2015
Desde a Asociación de Sendeirismo Terras de Lourenzá explican que "para rematar o mes de xuño, outra pequena ruta. Nesta ocasión, o domingo 28, sumámonos á iniciativa do Concello de Lourenzá e de diferentes Asociacións, para participar na segunda edición da actividade Todos cara a Tovar. No noso caso farémolo camiñando, nun trazado duns 8 kms. e dificultade baixa, que nos levará polo que foron os dominios do Coto de Canedo, posesións do antigo señor de Tovar. Non será necesario anotarse (xa que cada un levará o seu propio avituallamento). Só hai que achergarse ó Pazo ás 16:30 para comezar a camiñar; e ó remate, de volta en Tovar, desfrutar das diversas actividades que se darán cita esa xornada: baile, teatro, fogueira de San Pedro...".
22/06/2015
Desde a Asociación de Sendeirismo Terras de Lourenzá “seguimos camiñando neste mes de xuño; e nesta ocasión, para compartir o día especial dunha asociación amiga, a Pasada das Cabras de Burela, que organiza camiñata e celebración para o vindeiro sábado, 27 de xuño”.
A saída será ás 9 da mañá do Cantón de Vilanova. E en Burela recorrerán a Serra de Buio e o Monte Castelo. Trátase dun treito de 8,2 quilómetros e a dificultade é baixa. As persoas interesadas en participar deben inscribirse antes das dúas da tarde do vindeiro xoves, 25 de xuño.
01/06/2015
O Concello de Lourenzá organiza actividades infantís, este venres 5, e inaugura unha ruta de sendeirismo, o domingo 7, para conmemorar o Día do Medio Ambiente.
A alcaldesa, Emma Álvarez Chao, anunciou hoxe que “o próximo venres, 5 de xuño, conmemórase o Día do Medio Ambiente e, como non podía ser doutro xeito, dende o actual equipo de goberno do Concello de Lourenzá decidimos celebralo cos máis cativos. Vamos facer uns obradoiros medioambientais, nos que os asistentes poderán facer diversos elementos, como casiñas ou comedeiros para paxaros. Tamén montarán entre todos unha árbore dos desexos, onde se transmitan valores medioambientais, despois de narrar unha historia con temática sobre o medio ambiente. Estas actividades estarán abertas a todo o público e, se o tempo o...
leer más 13/05/2015
A asociación cultural Osorio Gutiérrez, de Lourenzá, organiza un obradoiro de baile tradicional, impartido por Luis Prego Fernández.
Este obradoiro terá lugar o 7 de xuño, no pavillón municipal de Lourenzá. Está dirixido a todas as persoas que queiran asistir a partir de 10 anos de idade. E desenvolverase de 10 a 13:30 horas e de 16 a 19:30 horas.
O prezo será de 20 euros para os socios (25 euros si inclúe comida) e para os non socios será de 25 euros (30 euros si inclúe comida).
Os interesados poden anotarse antes do 22 de maio no seguinte número de teléfono: 616 63 63 20. As prazas serán limitadas.
12/05/2015
A biblioteca pública municipal de Lourenzá acollerá este venres, día 15, ás 18:30 horas o espectáculo Cóntoche un traxe, a cargo de Montserrat Rivera, para conmemorar o Día das Letras Galegas.
A concelleira de Cultura, Lupe Flórez Seivane, anunciou que “dende o Concello de Lourenzá vimos de presentar a actividade para conmemorar o Día das Letras Galegas nesta edición de 2015. Vai ser este venres, 15 de maio, ás seis e media da tarde na biblioteca pública municipal Juana de Ibarbourou. É unha actividade para tódolos públicos, con acceso libre e trátase do espectáculo Cóntoche un traxe, que correrá a cargo de Monsterrat Rivera, unha das integrantes do grupo Leilía. Esta actividade chega ao noso concello a través do circuíto Ler conta moito, da Rede de Bibliotecas de Galicia...
leer más 29/04/2015
A Festa do Maio organizada polo Concello de Lourenzá para este venres, día 1, contará nesta ocasión cun espectáculo infantil de maxia, xogos e teatro, que terá lugar na praza do Conde Santo despois do tradicional desfile.
A concelleira de Cultura, Lupe Flórez Seivane, explicou que “o Maio, como é tradicional cada ano, desfilará polas principais rúas da vila na tarde do 1 de maio, que neste caso é o vindeiro venres. Sairemos do mercado gandeiro arredor das 4 e media da tarde e todo o percorrido irá acompañado polos alumnos da Escola Municipal de Música e Danza Osorio Gutiérrez. Finalmente temos prevista unha actuación na praza do Conde Santo, da compañía A Illa dos Nenos, que presentará o espectáculo Ledicias: unha combinación de maxia, xogos e teatro para os máis pequenos...
leer más 28/04/2015
A Asociación de Sendeirismo Terras de Lourenzá realizará no vindeiro mes de maio unha nova camiñata. Nesta ocasión, e baixo o lema Ruta dos barrios, farán un percorrido de 12 quilómetros e dificultade baixa, por distintos recunchos da vila, para desfrutar dos encantos que se aprecian coa ollada de camiñante e que soen pasan desapercibidos na vida diaria.
O punto de partida será no entorno da Capela da Santa Cruz, ás 10 da mañá, do 10 de maio. Despois de realizar o trazado circular, confluirán novamente no mesmo lugar, para desfrutar dunha comida campestre conxunta, aproveitando a celebración da Romaría da Santa Cruz, que ten lugar durante esa fin de semana.
Anotan ata o xoves, 7 de maio; e o prezo é de 15 euros para costear o xantar...
leer más 21/04/2015
A concelleira de Cultura de Lourenzá, Lupe Flórez, tamén deu a coñecer que “o domingo, 26 de abril, vamos ter á compañía Trípode, composta por Alberto Niñe, Pepe Peinó e Cachín, co espectáculo Apedreando. Será ás oito e media da tarde no salón de actos cun prezo de 2 euros a entrada. Sabemos que as representacións teatrais teñen moito éxito aquí, en Lourenzá, polo que convidamos a todos os nosos veciños a asistir a esta que organizamos para despedir o mes de abril”.
21/04/2015
O salón de actos da Casa do Concello acollerá o venres a proxección dunha película de Pepe Peinó e o domingo haberá unha representación teatral a cargo da compañía Trípode. Son actos organizados pola Concellería de Cultura.
A concelleira Lupe Flórez Seivane explicou que “queremos despedir este mes de abril o vindeiro fin de semana cunha programación que inclúe unha proxección de cine e unha obra teatral. Trátase da proxección da película Tristeza na herba, dirixida e con guión de Pepe Peinó, que é unha persoa moi coñecida no mundo cultural da Mariña e que soe colaborar con nós cada vez que se lle pide. De maneira altruísta tamén nos trae a proxección da súa película recentemente estreada. Será este venres, 24 de abril, ás nove da noite no salón de actos con entrada...
leer más 16/04/2015
O Concello convoca un concurso para elixir á Madalena deste 2015, unha das protagonistas do desfile do maio. A concelleira de Cultura, Lupe Flórez, dixo que “a mellor forma de manter viva unha tradición é involucrar ás rapazas desde a súa infancia para que se impliquen na mesma”. As mozas de 10 a 17 anos, de Lourenzá, teñen ata o 27 de abril para anotarse e participar no sorteo que haberá o día 28 e do que sairá elixida a Madalena.
A edil popular explicou que “desde o Concello de Lourenzá, por segundo ano consecutivo, vimos de convocar un concurso para que as rapazas entre 10 e 17 anos do noso concello poidan converterse en protagonistas do desfile do maio, que cada 1º de maio se celebra en Lourenzá. Trátase dunha tradición popular que queremos manter viva e pensamos que...
leer más