Lourenzá
12/11/2015
O18 de novembro, comezou na biblioteca municipal de Lourenzá o programa de actividades de animación á lectura que este centro organiza para nenos e nenas de tres a sete anos de idade.
A alcaldesa de Lourenzá, Rocío López, sinala que “debido á alta participación, que ascende a 20 cativos, e a que os asistentes son de idades diferentes, vanse realizar grupos, quedando as actividades a realizar para as tardes dos mércores e xoves”.
López destacou tamén que “con este programa preténdese inculcar o interese polo mundo da lectura dende as primeiras etapas dos nenos e nenas. Para iso levaranse a cabo unha serie de técnicas adaptadas a cada idade, onde o xogo e a narración oral dos contos van ter un papel moi importante. Tamén se pretende dar a coñecer unhas pautas ós...
leer más 04/11/2015
A Asociación de Sendeirismo Terras de Lourenzá desprazarase o vindeiro 14 de novembro á provincia de Ourense para realizar a ruta Senda do Arenteiro, a penúltima das camiñatas que programarán neste 2015.
Trátase dun percorrido lineal, de 12 quilómetros e dificultade media-baixa, que os levará dende Carballiño ata Pazos de Arenterio, seguindo o curso do río, e que lles permitirá gozar, non só de fermosas paisaxes naturais en pleno outono, senón de diversas belezas arquitectónicas.
A saída de Lourenzá está prevista para as 7 horas da mañá dende o Cantón de Vilanova. O prezo é de 35 euros para socios e de 40 euros para non socios en el inclúese o...
leer más 04/11/2015
O Concello de Lourenzá organiza un concurso para elaborar o cartel da Cabalgata dos Reis Magos 2016, certame que vai dirixido aos escolares de educación Infantil e Primaria do municipio.
O prazo para a presentación dos carteis rematará o día 18 de decembro e deberá efectuarase na Biblioteca Municipal de Lourenzá. Establécese un único premio, que consistirá nunha cámara fotográfica, que será entregada ó gañador ou gañadora do concurso o día 23 de decembro nun acto público. O cartel gañador será o que se utilice para anunciar a Cabalgata dos Reis Magos 2016.
A alcaldesa de Lourenzá, Rocío López, anima “a tódolos nenos e nenas de Infantil e Primaria do...
leer másTerras de Lourenzá fará a ruta do Desfiladero de los Arrudos, en Asturias, o vindeiro 11 de outubro.
29/09/2015
Rematando setembro, a Asociación de Sendeirismo Terras de Lourenzá presenta a ruta do mes de outubro. Nesta ocasión volve desprazarse á veciña comunidade de Asturias, para, en pleno Parque Natural de Redes, realizar a ruta do Desfiladero de los Arrudos (PR.AS-61).
Trátase dun percorrido lineal, de 11 kms e dificultade media-baixa, que os levará de Caleao a La Fontona, con regreso a Caleao. Tendo en conta as características do entorno, recomendan levar botas e bastóns.
Esta andaina será o domingo, 11 de outubro, e a saída de Lourenzá está prevista para as 7 da mañá. No prezo (de 35€ para socios e 40€ para non socios) inclúese o transporte en autobús...
leer más 29/09/2015
O Concello de Lourenzá está ultimando os preparativos para a celebración da 25ª edición da Festa da Faba esta fin de semana, do venres 2 ao domingo 4. Durante estes tres días haberá numerosas actividades, como degustacións, mercados, pregón, exposición, competicións deportivas, actuacións musicais e ruta de tapas nos establecementos hostaleiros da vila.
A alcaldesa, Rocío López García, explicou que “un ano máis por estas datas o Concello de Lourenzá estase a preparar para levar a cabo unha cita gastronómica e cultural de gran relevancia, a Festa da Faba, que celebra a súa XXV edición. Este evento, declarado pola Xunta de Galicia como Festa de Interese Turístico Galego, ofrece para este ano un amplo abano de actividades. Esta é a miña primeira Festa da Faba como alcaldesa...
leer más 26/09/2015
A VI carreira popular Val das Fabas terá lugar en Lourenzá o 3 de outubro. Os participantes poderán elixir entre dous percorridos A Verdina (7 quilómetros) ou A Galaica (14 quilómetros).
Haberá varias probas. Ás 16:30 horas sairán os pitufos, que farán 150 metros. Os prebenxamíns sairán ás 16:40 horas e percorrerán tamén 150 metros. Ás 16:50 horas será tempo para os benxamíns, que farán 450 metros. Ás 17:00 saíran os alevíns, que percorrerán 700 metros. Ás 17:10 será a quenda dos infantís, que realizarán un percorrido de 1.400 metros. A Verdina (7.000 metros) sairá ás 17:30 horas ao igual que A Galaica (14.000 metros).
Haberá trofeos para os tres primeiros de cada categoría e medallas para as categorías menores. Así coma regalo de...
leer más 19/09/2015
O cartel da XXV edición da Festa da Faba de Lourenzá, obra do artista alfocense Hipólixo Xeada, foi presentado hoxe pola alcaldesa, Rocío López García; o concelleiro de Cultura, Manuel Arango Ron; e o edil de Festas, Francisco Dasilva Rivas. O festexo, que se celebrará do 2 ao 4 de outubro, será pregoado polos laurentinos Xosé López González e José María García Fernández. Ademais o goberno local anunciou hoxe que o primeiro mercado semanal de venta de fabas desta tempada desenvolverase o vindeiro domingo, día 27.
Sobre o autor do cartel, Hipólito Xeada, os responsables municipais explicaron que se trata “dun pintor de recoñecido prestixio, profeta na súa terra, un alfocense que pode presumir de contar cunha exposición permanente e ser o artífice da escultura que adorna o...
leer más 15/09/2015
A asociación de sendeirismo Terras de Lourenzá organiza o próximo 27 de setembro unha ruta ao San Cosme da Montaña, que levará aos participantes ata a tan afamada romaría. A saída é ás 9 da mañá do domingo, 27 de setembro, do Cantón de Vilanova. Está previsto que os anotados se distribúan nos coches, para completar as prazas e así evitar levalos medio baleiros. Dende este punto desprazaranse ata diante da Catedral de Mondoñedo, onde está previsto o inicio da ruta, arredor das 9:30 horas.
Despois de 12 kms. de dificultade media, chegarán ó entorno do San Cosme, onde poderán desfrutar da xornada de romaría e festa. A comida será por libre, polo que cada un pode optar por levala da casa, ou ben xantar nos postos que están situados para a festa (polbo, churrasco…).
... leer más 27/08/2015
As festas patronais de Lourenzá, o Conde Santo, botan a andar este venres, 28 de agosto, e durarán ata o luns 31. Durante eses días desenvolveranse numerosas actividades festivas, entre elas o II Concurso de Cantos de Taberna.
O día 28 ás 13 horas soarán as bombas de palenque para anunciar o inicio das festas e ese mesma xornada pola tarde, para conmemorar o Día da Bicicleta, está programado un percorrido ata a Cazolga, para o que é necesario inscribirse na praza do Conde Santo dende unha hora antes. Dende as 21 horas haberá unha gran pulpada a cargo de A Rochela e, a partir das once da noite, actuará o grupo Superglú no Campo dos Bolos seguido do concerto gratuíto de Revólver e remate da festa coa discoteca móbil de Dani Rego.
Ao...
leer más 20/08/2015
O Concello de Lourenzá convocou a 19ª edición do concurso fotográfico Festa da Faba. Deste xeito comezan as actividades previas ao festexo, que se celebrará os días 2,3 e 4 de outubro.
O certame de fotografía ten un tema libre, coa única condición de ser imaxes representativas e recoñecibles da zona de produción da Faba de Lourenzá. O premio para a mellor serie de fotos é de 500 euros. Cada concursante poderá presentar un máximo de 6 imaxes e un mínimo de 4. O prazo de presentación remata o día 21 de setembro. As bases poden consultarse na páxina web do Concello: www.concellodelourenza.es.
O certame foi presentado hoxe pola alcaldesa, Rocío López, e os concelleiros de Festexos e de...
leer más