Premios
A Concellería de Servizos Sociais continúa coa campaña de concienciación social por mor do Covid-19. Garda os teus contactos foi presentada esta mañá polo equipo de goberno burelés nas escaleiras da Casa do Concello. Haberá sorteos, a través das redes sociais, e premios para os mellores comportamentos.
Carmela López explica que “nesta ocasión, un equipo de veciños e veciñas de Burela entre os que se atopan sanitarios, veterinarios, deportistas, traballadores municipais, psicólogos, influencers locais e membros de Corpos de Seguridade e do equipo de goberno municipal será o encargado de revisar mans limpas, o bo uso da máscara, a distancia de seguridade… e premiar o bo comportamento dos cidadáns en diferentes zonas e espazos da vila”.
A edil burelesa subliña que “ademais, promoveranse encontros telemáticos con...
leer más
O Concello de O Vicedo organiza este mércores, 12 de agosto, unha ruta mixta de sendeirismo e kayaks. A ruta de sendeirismo comeza en Ponte Ulló para rematar en Ribeiras do Sor onde sae a ruta en kayak ata o Porto do Vicedo.
O xoves 13 ás 21:00 horas terá lugar a entrega de premios do Concurso de Fotografía Turismo O Vicedo. Celebrarase ademais un coloquio cos propios fotógrafos en torno ás imaxes presentadas.
O sábado 15 ás 10:00 horas, haberá unha ruta en kayaks con subida do río Sor. A saída será do porto do Vicedo e o final no entorno de Ribeiras do Sor. O prezo por persoa é 17 euros e a inscrición é obrigatoria para as actividades de natureza o teléfono 982 59 01 95.
Por mor das medidas sanitarias de prevención fronte ao Covid-19, haberá limitación de aforo a 20 persoas para as...
leer más
Alba Pérez e Marcos Rodríguez, os gañadores do X Concurso de Fotografía do Día do Pai convocado por Acisa, recolleron os seus premios. A pandemia do Covid-19 fixo que o acto se celebrase hoxe. A entrega foi realizada polo presidente da Asociación de Comerciantes, Industriais, Servizos e Autónomos de Ribadeo, Francisco Iriarte.
A foto de Alba Pérez Fernández, titulada Con papá al fin del mundo, conseguiu 521 votos e converteuse na gañadora do Certame realizado a través de facebook. A afortunada recibiu 200 euros en vales de compra para gastar nos establecementos asociados a Acisa Ribadeo.
E a foto de Marcos Rodríguez Rodríguez, chamada Música e vida??, foi a segunda clasificada no concurso. En total obtivo 352 votos. Como agasallo recibiu 100 euros para gastar nos establecementos asociados a Acisa.
... leer más
A gañadora do concurso Polos nosos negocios, convocado por Acisa, recolleu hoxe o seu premio. Carla García López, de 9 anos e natural de Ribadeo, levou 300 euros en vales de compra para gastar nos locais asociados. Fíxolle a entrega do seu agasallo o presidente da Asociación de Comerciantes, Industriais, Servizos e Autónomos de Ribadeo, Francisco Iriarte Quintana.
Acisa convocou o concurso Polos nosos negocios en pleno estado de alarma pola pandemia do Covid-19 co obxectivo de amosar o apoio dos ribadenses ao comercio e á hostalería locais.
Desde a directiva de Acisa lembraron que “do que se trataba era de deseñar un cartel e un slogan que animasen á xente a facer as súas compras no comercio da vila e a consumir na hostalería local, despois de varios meses de peche obrigado ocasionado pola chegada da pandemia do...
leer más
A Deputación de Lugo abre desde mañá mércores o prazo de presentación das candidaturas aos premios Lugo Cambiade turismo e hostalería, logo de publicar hoxe as bases e a convocatoria no Boletín Oficial da Provincia (BOP). A institución provincial convoca dúas modalidades; o premio Lugo Cambia ao Turismo Lucense e o premio...E Para Comer, Lugo á gastronomía lucense para recoñecer e poñer en valor o traballo feito por persoas, entidades ou institucións a favor da promoción turística da provincia, así como as actuacións innovadoras no mundo da hostalería.
A estes premios poderán optar as persoas físicas ou xurídicas, a título individual ou colectivo, institucións eentidades públicas ou privadas, asociacións e colectivos sen ánimo de lucro, de ámbito local, autonómico,nacional ou internacional que destaquen nalgunha das dúas modalidades...
leer más
A Delegación de Educación e Cultura do Concello de Foz deu a coñecer hoxe, mércores, os premiados nos concursos on line de fotografía, poesía e debuxo convocados a semana pasada e que contaron con cerca de cen participantes.
Despois de rematar onte, martes, o prazo para o envío dos traballos o concelleiro de Educación e Cultura, Héctor Moris, destaca a gran participación nos certames e agradece a colaboración da empresa focense Xaora Fotógrafos por doar os premios do concurso de fotografía.
O listado de premiados é o seguinte:
POESÍA ADULTOS:
María Victoria Varela Varela.
POESÍA INFANTIL:
1-Alina Rodríguez Dorrego.
2-Pablo García Martínez.
FOTOGRAFÍA ADULTOS:
1-Manuel Pardo.
2-Julio López Janeiro.
FOTOGRAFÍA JUVENIL:
1-Antón Ramos Blanco.
2-Daniela Ramos Manfugás...
Acisa ven de crear un novo premio ao mérito no asociacionismo. Neste 2020 vaino recibir a asociación local de loita contra o cancro. Será no transcurso da IX Gala que se celebrará o 21 de febreiro no hotel Voar. Alí será distinguido a título póstumo Pablo Vizoso Iglesias, ex presidente do colectivo empresarial. Tamén recibirán os seus premios os gañadores do Concurso de Decoración do pasado Nadal. Trátase de La Solana e Naná. Estes foron algúns dos asuntos abordados na asemblea xeral celebrada no noite de onte.
Nesa sesión as contas do pasado ano 2019 foron aprobadas por unanimidade, nese exercicio a asociación ingresou algo mais de 116.000 euros e gastou 124.000, tendo un resultado negativo de preto de 7.500 euros.
Dende a xerencia de Acisa, Jesús Pérez, indicou que “este ano destacamos o noso esforzo por...
leer más
Por cada compra entregarase un sobre que pode ter un boneco de papel ou un vale de compra para canxear no comercio local
O Centro Comercial Aberto de Burela volve a preparar este sábado a súa actividade dos inocentes con centos de euros en vales de compra para o día 28 coincidindo cos Santos Inocentes.
Este día, como ven sendo tradicional, é a xornada das bromas e na que tradicionalmente se lle colga a alguén un monigote de papel nas costas e, cando se decata disto, a xente ao redor cántalle: “inocente, inocente”.
Para festexar e potenciar este día tradicional, os establecmentos asociados a CCA Burela repartirán 1.000 sobres este día. Algúns terán premios en vales de compra e outros simplemente o monigote de papel, e se non toca o premio sempre o poderás poñer nas costas de alguén porque...
leer más
O grupo Gargallada, de O Barco de Valdeorras, coa súa obra Fuga foi o gañador do premio á mellor representación na terceira edición do certame de teatro Concello de Lourenzá, dotado con 750 euros.
O mesmo grupo de O Barco tamén levou o premio ao mellor actor de reparto, Manuel Caramés. Fauna 113, de Vigo, acadou o premio á mellor posta en escena e o premio Ana á mellor actriz, para Iris Darriba. O premio Lourenzo ao mellor actor foi para Xulio Leal, de Avelaíña Teatro, de Pontevedra. Paula Díaz, de Carauta Teatro, de Santiago, acadou o premio á mellor actriz de reparto. O premio do público foi para A estraña familia, de Martabelas Teatro, de Teo. O xurado concedeu un premio especial ao vestiario e atrezo, que recaeu no grupo Touporroutou, de Foz.
Na gala de entrega de premios, que se celebrou na noite do pasado...
leer más
O xurado do III Certame de Teatro Concello de Lourenzá, formado por Ana María Díaz Díaz, Miguel Gavín Sánchez, Javier Huertas Otero, María Cruz Valea López e presidido polo concelleiro de Cultura, Manuel Arango Ron, deu a coñecer as obras, actrices e actores que optan aos distintos premios que se concederán na gala que se celebrará o día 14 deste mes, sábado, ás 20 horas na carpa situada no Campo dos Bolos. Ao remate da gala o actor Sergio Pazos interpretará o monólogo Rebento se non o conto. A entrada é gratuíta.
Os elixidos son estes:
PREMIO CONDE SANTO Á MELLOR REPRESENTACIÓN:
A última cea, de Fauna 113
Fuga, de Gargallada Teatro
A Lola, de Avelaíña Teatro
PREMIO LOURENZO AO MELLOR ACTOR:
... leer más