Teatro
A Área de Cultura do Concello de Ribadeo programa para este domingo, 25 de abril, a actuación de Teatro dos Ghazafellos que presenta a obra As pitas baixo a choiva. A función terá lugar no Auditorio Municipal Hernán Naval de Ribadeo ás 17:30 horas. O prezo da entrada é de 3 euros.
Conta a historia de Ludivina e Tereija que son dúas pitas que viven no curral da Barreira. Están agardando a visita de Ricardiño, o neno que ven ás veces xogar con elas, pero temen que choiva pois cando iso pasa Ricardiño tolea e perségueas ata pechalas no curral. Coa axuda do galo Chafarís e o raposo Rosende, tentarán que o neno deixe de tolear coa choiva e sega a xogar con elas.
Trátase dunha adaptación do conto de Ricardo Carvalho Calero As pitas baixo a choiva, baseado en historias de Xentes da Barreira, O Lar de Clara, O país de...
leer más
O dúo artístico Aldoalado, formado por Lucía Aldao e María Lado, presentan este venres, día 23, en Foz a Epístola de Aldaolado ás neofalantes. Será ás 20:00 horas na Sala Bahía.
O prezo das entradas é de 5 euros e hai que reservalas previamente chamando ao teléfono 982.140.027 extensión 3.
O dúo artístico Aldaolado está composto por Lucía Aldao e María Lado, dúas poetas galegas de consolidada carreira, que no ano 2005 decidiron unir os seus nomes e os seus esforzos creativos para dar lugar a esta proposta. Aldaolado é un proxecto artístico orientado á poesía escénica, co que conseguiron facer do recital un acto atractivo, próximo e divertido para todo tipo de público, mesmo para aquel que nunca leu poesía. A súa espontaneidade e complicidade en directo é a base sobre a que crearon case unha ducia de espectáculos...
leer más
A compañía Baobab representará a obra O lobo e a lúa este sábado, día 17 de abril, ás 18:30 horas na Sala Bahía, de Foz. É unha actividade incluída na programación cultural de primavera organizada polo Concello focense.
Esta representación de teatro infantil está dirixida a nenos e nenas a partir de 2 anos de idade e ten unha duración de 50 minutos. Logrou o premio Barriga Verde de textos para teatro de monicreques no ano 2014.
O prezo das entradas é de 2 euros para os nenos e nenas e de 3 euros para os adultos. Hai que reservalas chamando ao teléfono 982.14.00.27 extensión 3.
O 24 de abril ás 20:00 horas chegará ao Auditorio Municipal de Burela "A aldea das mulleres", o novo espectáculo de Carmen Conde de Tarabela Creativa.
A historia transcorre ao tempo que debulla fabas. Mentres ela vai debagando historias con ese poder simbólico que ten "buscarse os feixóns" constrúe a aldea das mulleres con relatos das habitantes, que rexen o seu destino, teñen as súas leis, viven emancipadas e tallan en pedra ornamentada os seus nomes para a Historia. E como fío condutor unha legume chea de supersticións, maldita, cargada de ánimas, empregada para a xustiza, como afrodisíaco e como o único alimento para roer en tempos da fome. Fabas e mulleres nunha sesión-aldea que acubilla liberdades, rompe silencios e achega ao público historias apañadas da horta da realidade.
A entrada será de balde.
Esta semana...teatro. Unha nova representación teatral na Casa da Cultura. Nesta ocasión son os compoñentes do grupo de teatro da Asociación de Axuda ó Enfermo Mental A Mariña os que se achegan a representar a obra infantil: "A maxia dos sentimentos".
Trátase dunha oportunidade de pasar unha boa tarde de domingo en compañía do teatro.
Será mañá, 11 de abril, ás 19 horas. A entrada é gratuíta e está limitada a 60 asistentes polas normas sanitarias pola COVID-19.
O Concello de Alfoz organiza actividades infantís na biblioteca municipal e unha representación de monicreques no salón de actos de Cultura o día 24 de abril para conmemorar o Día do Libro.
As actividades para nenas e nenos de 3 a 12 anos serán de 17:00 a 19:00 horas en grupos reducidos. Para participar hai que inscribirse no Concello previamente, do 19 ao 22 de abril. Para obter máis información os interesados poden chamar ao teléfono 982.558.001, extensión 2.
E tamén o sábado 24, pero no salón de actos de Cultura, ás 19:30 horas Trécola Teatro presenta a obra Xogo revolto, un espectáculo de monicreques dirixido a público familiar para celebrar o Día do Libro. A entrada é gratuíta e o aforo limitado.
Este sábado, día 10 de abril, ás 18:30 horas volve o teatro para os/as máis pequenos/as á Sala Bahía, de Foz. Micromina trae o seu espectáculo Cousas de casa.
É unha actividade dirixida ao público infantil a partir de 3 anos e ten unha duración de 40 minutos. Trátase dun espectáculo de monicreques que realiza un percorrido por aqueles conceptos que nos permiten reflexionar acerca da igualdade entre mulleres e homes nos distintos ámbitos, con especial énfase na reincorporación profesional da muller despois de ser nai e a corresponsabilidade do home como pai nos coidados do novo membro da familia, bebé.
As prazas son limitadas e hai que reservar as entradas na Delegación de Cultura do Concello de Foz, chamando ao teléfono 982.140.027 Extensión 3. O prezo é de 1,5 euros para os nenos e de 2,5 euros para os adultos...
O Concello de Foz quere conmemorar o día mundial do teatro, que se celebra este sábado, 27 de marzo, cunha semana dedicada a el. A delegación de Cultura leva á sala Bahía representacións o xoves 25 ás 20 horas e o sábado 27 ás 18.30 horas.
A concelleira de Cultura, Inés López Couto, anuncia que “o xoves porase en escena a obra Dreaming Juliet, da compañía Elefante Elegante, inspirada na obra de Shakespeare Romeo e Xulieta, que aborda o tema do amor cunha linguaxe visual asentada no teatro de movemento, na música interpretada en directo e na danza”.
Ines López engade que “o sábado será a quenda do teatro infantil. Culturactiva achéganos a obra Rosalía, cunha equipa de mulleres que farán que os nenos poidan achegarse á infancia dun dos referentes das nosas letras. Esta obra infantil inclúese na conmemoración do día...
leer más
Alfoz celebrará o Día Mundial do Teatro con Bátega e “O mundo da Martiña”. Será o 27 de marzo ás oito da tarde no salón de actos de Cultura.
Martiña é unha nena moi curiosa. Non entende porque as súas opinións son menos importantes que as dos adultos, nin por que ten que calar e obedecer sen razón aparente, non entende por que os nenos visten ou xogan de xeito diferente ás nenas, non sabe cales son os pensamentos impuros, nin tan sequera que é o pecado exactamente. Co tempo, descubrirá que se trataba de ir mudando en muller. A perspectiva dunha nena pode ser a máis atinada e, sen dúbida, sincera. A través dun monólogo musicado e entreverado de cancións, veremos como se enfronta Martiña á incontrolable paixón adolescente, ao duro mundo laboral e como o seu espírito crítico e as súas dúbidas respecto do establecido, nunca a abandonarán. ...
leer más