Teatro
O grupo de teatro O Centiño de San Martiño, dentro do Circuíto de Teatro Afeccionado que organiza a Deputación Provincial de Lugo, desprázase este vindeiro sábado, día 30 de outubro, ata Burela para representar Vaia faena, a corentena. Será ás oito da tarde no auditorio municipal
Desde O Centiño sinalan que “estaremos en Burela tentando superar a ansiedade, a angustia, o estres e o medo do pasado confinamento de 2020 por mor da pandemia de coroavirus. Severino e Consuelo, Elvira e Fermín, Félix e José Luis, Teresa e Cándido, os oito veciños do edificio, asomaranse unha e outra vez aos seus balcóns para darlles renda solta a todos os seus traumas coroavíricos e existenciais. Sempre con humor, sempre con simpatía. O teatro tamén é unha forma de vencer o Covid-19”.
Ao abeiro do ciclo de Monicreques 2021 da Área de Cultura da Deputación de Lugo este sábado, 23 de outubro, ás 18:00 horas na Casa da Cultura do Vicedo estará Trécola Producións co seu espectáculo “Show de Barallocas”.
Barallocas é un ser despistado e apaixoado que en cada obxecto, sombra ou mesmo na palma da man atopa un xogo. Unha ilusión que vai medrando ata que enreda e esvara con todo conseguindo chegar á maior desfeita endexamais imaxinada.
A entrada é de balde. Organizan: asociación de veciños de San Román e Casa da Cultura de O Vicedo.
O Concello de Barreiros remata este domingo, 24 de outubro, a súa programación cultural BarreirosConvídate que levou diferentes actuacións ás distintas parroquias do concello.
Este domingo Ubú Teatro Infantil presentará O vixiante dos soños. Será no centro sociocultural de San Cosme ás 12:30 horas.
Esta actuación inclúese no programa Miúdos Seráns da Deputación Provincial de Lugo.
A Concellaría de Cultura de Ribadeo programa para este fin de semana a presentación dun libro e unha actuación de monicreques.
O domingo, 24 de outubro, ás 12:00 horas, na Casa do Viejo Pancho, terá lugar a presentación do libro titulado La naturaleza en el aula da asturiana Claudia López e a ribadense Patricia Muíña. A pedagoxía a través dos recursos próximos e cotiáns é a razón de ser da obra destas autoras.
Tamén o domingo Os monicreques de Kukas presentan Don Gaiferos. Será no Auditorio Municipal Hernán Naval, ás 20:00 horas e o prezo da entrada xeral é de 5 euros, para persoas desempregadas, estudantes e xubiladas 3€. Trátase dunha obra de teatro con monicreques de fíos e música en directo que, partindo do romance popularizado por Faustino Santalices e incorporando cancións e músicas do folclore galego, conta...
leer más
Hipócrita Teatro representa a obra Casting este sábado, 23 de outubro, ás 20:30 horas no Teatro Pastor Díaz de Viveiro. A actuación inclúese no ciclo de teatro afeccionado da Deputación de Lugo.
Conta a historia de varias actrices que compiten por un único papel cinematográfico. Atrapadas nas súas personaxes estereotipo chegan ao límite do absurdo por cumprir coas expectativas do seu rol. Trátase dunha comedia agridoce para chorar, rir ou chorar coa risa.
A reserva de entradas pódese facer no número de teléfono 982 560 162 ou no correo electrónico rg.cultura@viveiro.es.
O circuíto de teatro profesional Aparte da Vicepresidencia da Deputación de Lugo fai parada este sábado na Mariña. O Vicedo acollerá a obra “Pinconus” de Hipócrita Teatro, na que a música e o humor xúntanse en escena para narrar as aventuras e desventuras dos protagonistas.
A montaxe, destinada a público de todas as idades, envolve ao espectador nunha viaxe cara un lugar ao que todos queren ir, pero moi poucos se atreven: Pínconus. Sucederanse unha serie de estratexias por parte das personaxes que interpretan Ana Carreira, Carlos Rebolo, Marga Portomeñe e Carlos Coira.
Unha comedia musical para toda a familia que non deixará indiferente a ninguén, con texto e dirección de José Campanari e música de Piti Sanz. A representación será ás 20 horas na Casa da Cultura do Vicedo.
O Concello de Barreiros programa unha representación teatral para este domingo, 17 de outubro, coa obra Gloria Nacional de Teatro do Noroeste. Será nos colexios vellos de San Miguel ás 19:00 horas.
Escrita e dirixida por Eduardo Alonso conta cun reparto integrado por Miguel Pernas, Luma Gómez e Manuel Varela. Conta a historia dun escultor e pintor duns 60 anos, considerado polos seus contemporáneos unha auténtica gloria nacional, que ven de recibir o encargo do goberno de crear unha escultura monumental que se colocará na praza principal da capital, ademais aparecen en escena a muller da limpeza e a ministra de cultura. O encontro das tres mentalidades xeran nesta obra unha comedia de profundo contido social.
A representación está incluída no programa de dinamización lingüística FalaRedes e conta coa colaboración...
leer más
A compañía Talía Teatro presenta o seu espectáculo titulado Pelos na lingua este domingo, 10 de outubro, ás 19:00 horas no centro sociocultural de San Cosme de Barreiros.
Esta comedia, para público a partir de 12 anos, é un divertido espectáculo que fala en clave positiva da situación crítica que está vivir a lingua galega. O director da obra é Avelino González e o elenco está formado por Toño Casais, María Ordóñez e Artur Trillo.
Talía Teatro explica que “Pelos na lingua vai destinado a todo o mundo (e non esaxeramos), independentemente da súa posición respecto á lingua: aos galego falantes, aos que non o son, aos que queren selo pero non se atreven, aos que si queren selo e tomaron esa determinación, aos que non o falan porque non o saben falar ben, aos que lles dá igual que se fale ou non, aos que pensan que o...
leer más
A Casa da Cultura de O Vicedo acolle este xoves, 7 de outubro, ás 16:45 horas, o espectáculo infantil A Caixa sen Pandora, dentro do programa Ler conta moito.
Trátase dunha historia interactuada con Montse Piñón e Pepablo Patinho que propón metaforicamente que pasaría se Pandora non abrise a caixa, entendendo que abrir a caixa é a loita das mulleres pola igualdade.
O espectáculo está dirixido a nenos e nenas de 5 a 14 anos.
Mañá, venres 1 de outubro, dá comezo a XVIII edición da Mostra de Teatro Afeccionado Daniel Cortezón.
Este venres o grupo de teatro Axouxeres, de Vilaronte-Foz, representará a obra Cousas de Mulleres.
O sábado, 2 de outubro, o grupo O Torques, de Burela, presentará O Randiña.
E o domingo 3 de outubro, Farándula Velutina, de Corcubión, porá en escena A derradeira bala.
Todas as representacións terán lugar no Auditorio Municipal Hernán Naval a partir das 20:30 horas. O prezo da entrada é de 3 euros.
A cita enmárcase na programación cultural do Concello de Ribadeo.