Eventos
22/05/2015
El próximo martes, 26 de mayo, se celebrará el evento “Conecta 4x4 Oscos-Eo” en la Casa de Cultura de Vegadeo a partir de las 16:00 horas.
Este evento está enmarcado en las actividades del “Proyecto Oscos-Eo Apoyo al Emprendimiento y al Empleo” que el CEDER Oscos-Eo está ejecutando en colaboración con el Proyecto EMPLEA-t 4x4 de la Fundación Jóvenes Empresarios.
Ayer, jueves, se publicó el programa del evento y el listado de empresas y entidades que han confirmado su participación.
Para asistir es necesario inscribirse en este enlace: FORMULARIOS ON-LINE
Desde la organización informan que “estos formularios de inscripción on-line continuarán abiertos...
leer más 19/05/2015
O vindeiro sábado, 23 de maio, celebrarase a 1ª Ruta Cabalar Monte Castelo, en Burela. O evento está organizado pola asociación Cabaliño de Pao e conta coa colaboración do Concello e diversas firmas comerciais.
A hora de inicio da ruta está prevista para as dez da mañá desde o pavillón dos institutos (ao lado do Hospital da Costa). Despois á metade da ruta haberá unha parada no mirador do Monte Castelo con pinchos. O xantar será ás 14:30 horas. O seu custe é de 20 euros para todos os que se animen: acompañantes, amigos, etc. A sobremesa estará amenizada por DJ Chente con sorteos e colchoneta gratis para os nenos.
Haberá trofeos para o xinete ou amazona mais novo, para o de mais idade, para o de mais lonxe e para a asociación mais...
leer más 15/05/2015
Hoxe tivo lugar a presentación do cartel e do programa das festas patronais de Burela 2015. Ao acto asistiron membros da comisión organizadora, o alcalde, José Mª González Barcia, e os concelleiros Diana Durán e José Casas.
Os festexos darán comezo o 29 de maio coa celebración da Festa de Cabo Verde na praza de abastos e coa baixada da imaxe desde a igrexa de Vila do Medio ata a parroquial.
O pregón, que será o 30 de maio na Casa da Cultura ás 20 horas, será pronunciado por Martín Barreiro, meteorólogo de TVE.
Os días grandes das festas patronais de Burela serán o 5, o 6, o 7 e o 8 de xuño. Haberá verbenas coas orquestras Galilea, Garibaldi, Televisión, Philadelfia, Palladium e París de Noia....
leer más 13/05/2015
Este sabado, 16 de maio, pola mañá, a Escola de Xadrez da ACD.XOVE organiza o IIº Torneo de Xadrez, para a categoría Pre-Bemxamin. (nenos-as do 2007-2008).
O Torneo celebrarase na Sala Multideportiva do Concello de Xove en horario de 10:00 a 12:00 horas. Participaran nenos de todalas Escolas de Xadrez da Mariña. Ao finalhaberá medallas e trofeos para os mellores xadrecistas de cada idade.
Organiza e Patrocina: ACD.XOVE. Colabora: Concello de Xove.
12/05/2015
A biblioteca pública municipal de Lourenzá acollerá este venres, día 15, ás 18:30 horas o espectáculo Cóntoche un traxe, a cargo de Montserrat Rivera, para conmemorar o Día das Letras Galegas.
A concelleira de Cultura, Lupe Flórez Seivane, anunciou que “dende o Concello de Lourenzá vimos de presentar a actividade para conmemorar o Día das Letras Galegas nesta edición de 2015. Vai ser este venres, 15 de maio, ás seis e media da tarde na biblioteca pública municipal Juana de Ibarbourou. É unha actividade para tódolos públicos, con acceso libre e trátase do espectáculo Cóntoche un traxe, que correrá a cargo de Monsterrat Rivera, unha das integrantes do grupo Leilía. Esta actividade chega ao noso concello a través do circuíto Ler conta moito, da Rede de Bibliotecas de Galicia...
leer más 11/05/2015
A Asociación Cultural O Castelo de Alfoz está preparando un acto moi especial para celebrar a Festa das Letras Galegas, o vindeiro 17 de maio, que constará de diferentes partes. Para empezar, vén de recuperar o concurso literario "Trulasqui", que organizou hai algúns anos e que se perdera nos últimos. Neste concurso participan rapaces de Primaria e de Secundaria. O acto cultural do día 17 terá lugar na Casa da Cultura de Alfoz e comezará ás 18,30 horas e nel incluiranse as seguintes cousas.
1. Conferencia sobre a vida do escritor galego homenaxeado este ano, Filgueira Valverde. Esta conferencia correrá a cargo do profesor e escritor alfocense Lionel Rexes.
08/05/2015
O Concello organiza unha peregrinación por etapas a Santiago de Compostela, a través do Camiño Norte. A primeira etapa terá lugar mañá, 9 de maio, e discorrerá entre Sn Xusto e Mondoñedo.
Segundo explica o concelleiro José Manuel Gómez Puente “faremos esta peregrinación a Compostela en nove etapas duns 20 quilómetros cada unha. Será os sábados. Desprazarémonos en autocar ata o punto de saída da etapa, camiñaremos e volveremos coller o autobús para retornar a Barreiros”.
As persoas interesadas en participar na peregrinación pagarán 50 euros e recibirán coma agasallo unha camiseta, unha sudadeira e unha gorra.
07/05/2015
A conselleira do Medio Rural e do Mar, Rosa Quintana, será a encargada de inaugurar a XVI Feira Monográfica Náutico Pesqueira Expomar, que se celebrará na nave de redes do 14 ao 17 de de maio. O evento foi presentado este mediodía en Burela polo sector pesqueiro e polo alcalde e presidente da Fundación Expomar, José Mª González Barcia.
O rexedor contou que “acabamos de presentar no barco museo Reina del Carmen a 16ª da feira monográfica náutico pesqueira Expomar, que se vai celebrar en Burela, en concreto na nave de redes, desde o día 14, xoves, deste mes de maio ata o 17, domingo”.
González Barcia indicou que “a feira está previsto que sexa inaugurada pola conselleira do Medio Rural e do Mar da Xunta de Galicia, Rosa Quintana...
leer más 07/05/2015
Ribadeo celebra os Maios este domingo, 10 de maio, ás 17.00 horas no parque San Francisco.
"Este ano contamos co alumnado do curso de Monitores de Ocio e Tempo libre nas actividades de animación. Coma sempre, para adornar o Maio, podes traer flores, ovos baleiros, fiúncho e un sombreiro de palla para ti", explican desde a organización.
06/05/2015
O vindeiro domingo, 10 de maio, terá lugar unha sesión didáctica de anelamento científico e identificación das diferentes especies de aves que habitan a rasa costeira de Rinlo, en pleno ZEC As Catedrais.
O Concello propón “un día inesquecible para pequen@s e maiores”. Esta aventura con ás denominada O anelamento e a extraordinaria migración das aves, será impartida por Erebia.
Todas as persoas, adultas e nen@s, que queiran participar nesta actividade deben inscribirse no seguinte número de teléfono: 982 128 689 ou no correo: turismo@ribadeo.org
O punto de encontro para o inicio da actividade será o porto de Rinlo. Alí...
leer más