Eventos
A Delegación de Cultura do Concello de O Valadouro celebra a Semana das Letras Galegas e a Diversidade Cultural na que programa para este xoves, 17 de maio, ás 12:30 horas na Casa da Cultura unha xornada sobre a Vida e Obra de María Victoria Moreno, autora homenaxeada este ano, con Lionel Rexes. Despois os grupos de cantareiras pequenas e medianas da Asociación Cultural Amado Lar ofrecerán Cantigas Populares Galegas, e haberá unha lectura de varios contos de María Victoria Moreno a cargo dos nenos e nenas da Asociación Cultural Amado Lar.
Tamén o día 17 terá lugar a representación teatral da obra Mar Adiante de María Victoria Moreno interpretada polo grupo Bandullo Azul. Será ás 20:00 horas e está dirixido ao público familiar.
O venres, día 18, ás 19:00 horas, no pavillón polideportivo municipal celebrarase unha...
leer más
Viveiro acollerá a celebración de diversas actividades con motivo do Día das Letras Galegas.
O xoves, 17 de maio, ás 12:30 horas, na Praza da Fontenova, actuarán Tempus Fugit e Coral-Alborada. Ademais haberá postos das librarías Porta da Vila e Neira Brochs (se chove estas actividades terán lugar na Sala Multiusos do Concello).
O sábado, 19 de maio, ás 12:00 horas, na Biblioteca Municipal celebrarase Cataventos, un contacontos narrado por Pedro Brandariz. A entrada é de balde ata completar aforo.
O domingo, 20 de maio, ás 20:00 horas, no Teatro Pastor Díaz, terá lugar a Gala da Lingua con Cándido Pazó, Brandariz e Rei, Najla Shami e Lois Pérez. A entrada é de balde ata completar aforo.
A Mancomunidade de Municipios da Mariña presenta tres audioguías ficcionadas sobre os cascos históricos de Ribadeo, Mondoñedo e Viveiro. Presentan historias ligadas aos espazos polos que discorre cada paseo, que terán unha duración duns 45 minutos. Están protagonizadas polo grupo de teatro Chévere. A iniciativa lévase a cabo grazas ao convenio asinado coa Deputación de Lugo, e foi presentada este mediodía en Mondoñedo, pola tarde haberá un acto en Ribadeo ás 17:30 horas, e mañá farase a presentación ás 11:30 horas en Viveiro.
O presidente da Mancomunidade de Municipios da Mariña Mariña, Alfredo Llano, manifestou que “esta iniciativa, que foi tomada pola Mancomunidade, consiste basicamente en aportar un método diferenciado para atraer xente e facilitar á que veña aquí a que nos coñeza un pouco máis. Darlle información de primeira man dunha...
leer más
A comisión das festas patronais de Ribadeo 2018 comezou xa a traballar. Nuns días visitarán os domicilios e os negocios locais en demanda de axuda económica para sufragar os gastos dos festexos que se celebrarán do 5 ao 9 de setembro. O pregón será o día 1. A comisión, que foi presentada nas últimas horas, está formada por Juan José Otero (como presidente), Avelino Martínez e Marta Saiz. Ao seu carón estiveron o alcalde, Fernando Suárez, e o concelleiro de Cultura, Farruco Graña. O rexedor confirmou o apoio pleno do Concello á comisión, que tamén organizará as festas de San Roque o 16 de agosto.
O presidente da comisión das festas patronais de Ribadeo, Juan José Otero, agarda que “sexa polo menos como o ano pasado ou incluso un pouco mellor”. E anunciou que “empezaremos a semana que ven a facer o libro, e despois seguido ata ter todo feito...
leer más
Deste xeito, a delegación de Medio Ambiente leva meses en contacto con investigadores do Instituto Xeolóxico e Mineiro de España, co fin de poñer en valor a importancia que tivo a canteiría no seu día en San Ciprián.
Froito dese traballo conxunto instaláronse diferentes fitos que referencian a pegada que queda do traballo dos canteiros no pobo; e é que en varias zonas de San Ciprián pódense observar os sinais que foron deixando co paso dos séculos en forma de frontes, bancos de traballo, trincheiras, cuñas e barreños, para extraer os sillares e mampostos cos que construír as edificacións tradicionais da vila.
Os primeiros en coñecer de primeira man este itinerario circular de pouco máis de dous quilómetros bautizado como a “Ribeira de Lieiro” foron os alumnos e alumnas de 3º, 4º e 1º de Bacharelato do IES Marqués...
leer más
A Concellería de Turismo está a enviar cartas aos hostaleiros e hostaleiras locais para invitalos a que o vindeiro luns, 14 de maio, realicen a ruta xeolóxica do Perdouro. O obxectivo, segundo Ramiro Fernández Rey, é implicar ao sector na promoción turística de Burela.
O concelleiro burelés anunciou que “desde a Concellería de Turismo de Burela vimos de poñer en marcha unha iniciativa para involucrar un pouco máis ao sector hostaleiro nas rutas xeolóxicas”.
Ramiro Fernández explicou que “imos facer unha ruta xeolóxica única e exclusivamente invitando aos hostaleiros do pobo. Parécenos importantísimo que os primeiros en ensinar e en explicar as rutas xeolóxicas sexan os propios hostaleiros, e por iso o día 14 imos facer unha ruta unicamente para eles. A saída vai ser ás dez da mañá da Oficina de Turismo e faremos a...
leer más
A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión a Vigo e ás Illas Cíes. Será o día 26 deste mes, sábado.
Hai dúas opcións para participar: unha inclúe o desprazamento en autocar ata Vigo, o almorzo, unha visita guiada por esa cidade e o seguro de asistencia, cun prezo de 30 euros; e a outra, ademais do anterior, inclúe traslado en barco ás Illas Cíes e comida alí, cun prezo de 60 euros.
Para a reserva de prazas desta excursión hai que dirixirse a axencia de viaxes Augasantas, que está no baixo número 6 das galerías San Francisco-Reinante, de Ribadeo, ou chamar aos teléfonos 676.44.54.65 ou 982.87.74.70.
A Praza dos Campos será o escenario para conmemorar o Día das Letras Galegas, en San Ciprián.
O grupo A Rebolaxe, coa colaboración do Concello de Cervo, está a organizar unha xornada cunha ampla programación para a tarde do mércores, 16 de maio.
A cita, presentada polo alcalde de Cervo, Alfonso Villares, a edil de Cultura, Dolores García Caramés, e por varios membros da organización, comezará ás 18:30 horas con diferentes xogos tradicionais de balde dirixidos tanto aos nenos como aos adultos.
Ás 19:30 horas será a quenda da gastronomía a base de racións de panceta, chourizos e salchichas.
A tarde estará amenizada coa música do grupo local A Rebolaxe e da banda de gaitas de Burela Dambara; e ás 21:30 horas, porá o broche de ouro o grupo de música tradicional...
leer más
O 19 de maio terá lugar a 4ª Ruta Cabalar Monte Castelo, que organiza o Concello coa colaboración da asociación Cabaleiros Pena de Burela. O evento foi presentado nas últimas horas. No acto participaron o alcalde, Alfredo Llano, a concelleira de Medio Ambiente, Noelia Mª Ben, e membros da asociación Cabaleiros Pena de Burela.
A edil burelesa explica que “a saíra será ás 10 da mañá desde o pavillón dos institutos. Á metade da ruta faremos unha parada no Mirador do Monte Castelo, onde se servirán uns pinchos. Despois sairemos cara a praia da Marosa e seguiremos polo paseo ata a praia urbana, onde faremos unha nova parada. A continuación a ruta dirixirase á praza do Concello e despois os cabaleiros percorrerán as principais rúas da nosa vila”.
A concelleira de Medio Ambiente conta que “xa o xantar será ás dúas e...
leer más
A Concellaría de Igualdade organiza unha viaxe ao Talaso de Xixón, o 20 de maio. A actividade, enmarcada no programa O teu tempo é para ti, está dirixida exclusivamente a mulleres adultas. A inscrición estará aberta do 9 ao 16 de maio.
Desde a Concellaría de Igualdade de Ribadeo explican que “un ano máis, como ven sendo habitual, poñemos en marcha o programa O teu tempo é para ti, coa oferta dunha viaxe ao Talaso de Xixón, dirixida exclusivamente a mulleres adultas”.
E subliñan: “as viaxes constitúen un balón de oxíxeno para as persoas que están inmersas nunha voráxine de traballo e estrés; son unha válvula de escape que racha coa rutina diaria. Un viaxe turístico, de calquera tipo, neste caso a un balneario-talaso, coas súas novidades e sorpresas, pode producir efectos psicolóxicos insospeitados ou un cambio...
leer más