Eventos
O Pico da Frouxeira acollerá unha recreación histórica o día 8 deste mes, venres. O acto, que é para todos os públicos con entrada gratuíta, comezará ás 21 horas, pero o público debe estar no lugar con media hora de antelación como mínimo porque o acceso ao escenario da representación pecharase 30 minutos antes do inicio do evento. Titúlase A historia cobra vida na Frouxeira e está organizado polos concellos de Alfoz e Foz.
Ese mesmo día, pero ás 11 e media da mañá, na Frouxeira haberá outra recreación histórica, pero neste caso dirixida aos alumnos e alumnas de 5º e 6º de Primaria dos colexios de Alfoz e Foz.
Os organizadores explican que se trata dun acto dos concellos de Foz e Alfoz para a promoción da Frouxeira, iniciativa que se suma á sinalización dunha ruta e dun miradoiro nese lugar, actuación que conta...
leer más
A Concellería de Agricultura, Gandeiría e Montes de Xove informa da apertura do prazo para solicitar autorización para todos aqueles que queiran facer a tradicional fogueira do San Xoán.
O prazo ábrese o próximo luns, 4 de xuño, e rematará 20 deste mes. A solicitude poderá facerse no departamento de Agricultura, Gandeiría e Montes do Concello, sito no 1º andar da Casa Consistorial, en horario normal de oficina.
E desde o Concello lembran que “non está demais recordar que, para facer a tradicional fogueira, non é válido o permiso de queima agrícola”.
O Centro de Emprendemento do Conxunto Histórico de Sargadelos acollerá a súa primeira actividade o vindeiro sábado, 9 de xuño.
Trátase dunha xornada práctica que se vai desenvolver nas instalacións que foron adxudicadas semanas atrás á entidade Cabaliño de Pao. Espazo Natural, creada por un grupo de mozos amantes do mundo equino.
O alcalde de Cervo, Alfonso Villares, e a edil de Emprego, Manuela Méndez, mantiveron un encontro cun dos responsables de Cabaliño de Pao, Raúl Fraga, coa directora de Aspanane, Elena Santos e cola Psicóloga desta entidade, Alicia Lage, para perfilar o evento.
En concreto neste recinto, que están rematando xa de adecuar para a realización de actividades de lecer con cabalos para toda clase de público e para a aplicación de distintas disciplinas de...
leer más
A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión aos mercados de O Cerdal e Valença do Minho. Será o día 10 de xuño, domingo.
Hai dúas opcións para participar: unha inclúe o desprazamento en autocar, o almorzo e o seguro de asistencia, cun prezo de 30 euros; e a outra, ademais do anterior, inclúe a comida e o prezo total é de 40 euros.
Para a reserva de prazas desta excursión hai que dirixirse a axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar aos teléfonos 676.44.54.65 ou 982.87.74.70.
Este sábado, 2 de junio, celebra sus fiestas, en honor a San Antonio, el barrio de Fondrigo, en Vegadeo.
A las 13:00 horas habrá una misa de campaña y a continuación sesión vermouth con Disco Móvil Blanco y Negro.
A las 21:30 horas se celebrará una cena. El menú, consistente en churrasco, chorizo, postre, pan y bebida, será a 14 euros por persona. Después actuarán, en la fiesta-verbena, el Dúo Samba, Disco Móvil Blanco y Negro.
Organiza la comisión de fiestas de Vegadeo con la colaboración del Ayuntamiento de Vegadeo.
Desde a Concellaría de Desenvolvemento Local, Turismo e Comercio explican que “con motivo da celebración do V Ribadeo Indiano os días 6, 7 e 8 de xullo ábrese o prazo para participar cun stand no Mercado Indiano, que terá lugar durante o sábado 7 de xullo. Esta cita constitúe un espazo para a mostra de postos con produtos e mercancías de ultramar e da época así como de oficios que comprenderán finais do S.XIX a principios do XX (produtos da horta chegados das Américas como pataca, pemento, tomate ou millo, doces e pasteis típicos da época, xoguetes, xeados, barquillos, froitas tropicais, chocolates e cacaos, roupa, tocados e camafeos, flores e plantas tropicais, decoración…). As bases e solicitude de inscrición pódense consultar en: http://ribadeo.sedelectronica.gal/
E engaden que “asemade o...
leer más
A Escola Oficial de Idiomas de Viveiro acolle este xoves, 31 de maio, un acto aberto que contará coa presenza da escritora Luz Pozo Garza. Dará comezo ás 19:00 horas na sede da EOI, rúa Lavandeiras-Celeiro.
O pasado mes de novembro procedeuse ao cambio de nome do centro polo da autora mariñá, atendendo á proposta suscitada polo Observatorio da Mariña pola Igualdade co obxectivo de corrixir o desequilibrio actual na escolla de nomes femininos e masculinos en edificios, rueiros, fundacións, asociacións ou centros escolares, e entendendo que é de xustiza visbilizar a participación das mulleres na sociedade.
A cidade de Mondoñedo celebrará o vindeiro día 3 de xuño o Corpus Christi.Un ano máis, un grupo de voluntarios atópase xa inmerso nos preparativos para elaborar as alfombras florais, que se farán dende o sábado pola tarde.
O cartel, autoría de Irma Loureiro, foi presentado nun acto na Catedral no que participaron os propios voluntarios das alfombras florais, xunto á alcaldesa e ao bispo de Mondoñedo, D. LuisÁngel de Las Heras. A artista Irma Loureiro tamén é a encargada de deseñar as plantillas dos debuxos que adornarán as rúas da nosa cidade, nun día no que a beleza de Mondoñedo se incrementa, coas flores dos balcóns, as bandeiras e o colorido das alfombras florais.
Este ano a temática das alfombras será unha homenaxe ás antigas cidades e vilas da Diocese de Mondoñedo-Ferrol, que cada ano se turnan para realizar...
leer más
O vindeiro 16 de xuño rematarán as fins de semana tecnolóxicas, organizadas por Apaga, cun obradoiro sobre impresoras en 3D. Aínda quedan prazas dispoñibles. Logo estes cursos descansan e volverán despois da celebración do VII Fórum de Innovación e Formación sobre Vehículos, que terá lugar do 29 ao 31 de agosto. A Asociación de Profesores de Automoción de Galicia traballa tamén no que será o seu proxecto estrela en 2019, a doazón ao coñecemento e está á espera de todas as accións europeas solicitadas como promotores ou como socios. Son un total de 8, que se desenvolverán na súa maioría ao longo dos vindeiros dous anos.
As instacións do hotel O Cabazo, de Ribadeo, acolleron o pasado sábado, día 26, unha nova fin de semana tecnolóxica sobre avarías resoltas no taller. Foi impartido por Urbano Fernández Oliveros, que é un técnico de...
leer más
A biblioteca municipal de Lourenzá programa actividades para o público infantil os mércores 30 de maio, 6 e 27 de xuño.
O vindeiro mércores, día 30 deste mes, ás seis da tarde no salón de actos do Concello haberá un espectáculo de contacontos baseado en relatos de María Victoria Moreno a cargo de Charo Pita. Ao remate entregaranse os premios dos concurso de narración e debuxo Letras Galegas 2018.
O día 6 de xuño, que tamén é mércores, ás seis da tarde no salón de actos municipal terá lugar un espectáculo de maxia con Pedro Bugarín.
E o mércores 27 de xuño ás seis da tarde na biblioteca municipal haberá un obradoiro titulado Radiocontada para nenos e nenas de 6 a 11 anos de idade. As prazas son limitadas para os 15 primeiros que se anoten.
Estas actividades están...
leer más