Eventos
A pista de xeo de tamaño XL volverá a Ribadeo un ano máis, e estará instalada no parque de San Francisco do 15 de decembro ao 7 de xaneiro. O prezo da entrada xeral será de 6 euros, aínda que aquelas persoas que consuman máis de 20 euros na hostalería e no comercio locais só pagarán 3 euros presentando os tíckets correspondentes. A novidade deste ano é que para os grupos escolares da comarca, de máis de 10 persoas, establécese un prezo por entrada de 4 euros. Esta mañá tiña lugar a presentación desta actividade organizada polo Concello de Ribadeo e Acisa. No acto participaron o alcalde, Fernando Suárez, a concelleira de Mocidade, Vanesa Yanes, o presidente de Acisa, David Martínez, e o xerente desta asociación, Jesús Pérez.
O rexedor manifestou que “hai que aproveitar o frío e o Nadal para que Ribadeo se encha de xente, nova e non tan...
leer más
O Mercado do Nadal volve a Ribadeo e terá lugar dos días 6 ao 10 de decembro na rúa San Francisco e a súa contorna. Estará aberto en horario 11 a 14 horas polas mañás e de 17 a 21 horas polas tardes. Trátase dun evento organizado pola Concellaría de Turismo, Desenvolvemento Local e Comercio.
Segundo explica a edil Ana Martínez “a través da celebración deste evento, o Concello busca favorecer en maior medida ao comercio da vila e animar Ribadeo así como promocionar a artesanía e os seus profesionais. Nesta edición os postos estarán dispostos na rúa San Francisco e no parque, onde ademais se desenvolverán actividades paralelas, que animarán a vindeira longa ponte festiva en Ribadeo”.
A concelleira ribadense contou que “a presente edición acollerá 25 actividades artesanais recollendo diversos oficios, produtos...
leer más
O Motoclub Al Corte de Ribadeo organiza a III Papanoelada Moteira que terá lugar o 17 de
decembro.
Ese día a partires das 18:00 horas con saída do Cantón dos Moreno as motos percorrerán varias rúas de Ribadeo. E antes haberá caramelos e globos para os máis pequenos.
As persoas que queiran participar como moteir@s é imprescindible que leven traxe de Papa Noel para facer a ruta. Ao remate todos gozarán dunha chocolatada con biscoito.
Durante a tarde dese 17 de decembro haberá unha ambulancia da Cruz Vermella no Cantón á que as persoas que o desexen poderán levar alimentos non perecedoiros e así participar na Operación Kilo desta entidade. Todo o recollido será distribuído entre as familias máis necesitadas de Ribadeo.
Colaboran con esta III Papanoelada...
leer más
O Presidente da Deputación e Alcalde da Pontenova, Darío Campos Conde,xunto ao Tenente de Alcalde, Francisco Martínez Bermúdez, presentou na oficina de turismo deste municipio a XI Feira de Artesanía e Antigüidades da Pontenova, que terá lugaros días 8, 9 e 10 de decembro. Trátase dunha cita de referencia no sector das antigüidades e da artesanía na que participan profesionais de distintos puntos de Europa. Nesta edición, farano 60 anticuarios e artesáns de España, Francia e Portugal.
O Concello organiza este evento, ao que achega tamén 5.000 euros, contando coa colaboración de establecementos e colectivos da Pontenova, así como da Deputación de Lugo, que destina outros 5.000 euros, leva unha exposición de 120 pezas de olería e bargueños e promove unha ruta reinvidicativa en vespa para a posta en valor da Senda Verde, ademais de contribuír...
leer más
A S.D. Xove F.S. xunto coa Cervecería-Pizzería Onde Sempre de Xove están a organizar a I MARATÓN DE TUTE “ONDE SEMPRE XOVE FS”, cita que se vai a desenvolver o vindeiro 8 de decembro a partires das 11:00 horas no pavillón municipal de deportes de Xove.
A inscrición vai a costar 80 € por parella; a mesma xa está aberta e pódese facer no seguinte contacto: CARLOS (CARRETE): 605 791 777 O límite para inscribirse é o mércores 6 de decembro (incluído). A inscrición inclúe a comida para tódolos/as participantes, que se vai realizar ás 14:30 horas no propio Pavillón.
A previsión é que haxa 128 parellas; no caso de que a organización non consiga esas 128 parellas, o premio verase reducido proporcionalmente.
Ademáis dos importantes premios previstos para Maratón, a organización vai a realizar sorteos especiais...
Oito alumnos italianos de FP, que cursan os seus estudios no CFP Zanerdelli, de Brescia, farán prácticas en Ribadeo, a onde chegarán a finais de xaneiro e onde estarán durante un mes. Así o anunciou o director xeral do CFP Zanerdelli, Marco Pardo, que a pasada fin de semana participou en Ribadeo nas actividades da II Semana Europea da FP, organizadas por Apaga. Pardo insistiu na importancia que teñen estas saídas formativas por centros europeos para coñecer as diferentes realidades que se dan en cada país. En Brescia entre o 70 e o 80% dos alumnos que fan FP atopan traballos estables. Os sectores do automóbil, perruquería e estética e cociña son as especialidades que teñen máis saída. En Italia a Formación Profesional divídese por rexións e cada unha está especializada en diferentes profesións.
Marco Pardo, director xeral do CFP...
leer más
O Concello de Cervo, a través da delegación de Educación e Cultura, programa unha nova edición do Belén de Pastilina que confeccionan cada ano os nenos e nenas do municipio.
Nesta ocasión, as datas escollidas para desenvolver a actividade dirixida aos pequenos de entre 3 e 12 anos, son o sábado 2 de decembro, ás 12:00 horas na Casa da Cultura de San Ciprián; e o domingo 3 de decembro, á mesma hora, en Cervo, na Casa do Concello.
Os nenos interesados en participar nesta iniciativa enmarcada na programación do Nadal poden anotarse na Casa do Concello, na Casa da Cultura, ou chamando ao teléfono 982.879.116.
Os Beléns de plastilina permanecerán expostos ao público durante todo o Nadal.
A asociación de veciños do Burgo de Trasbar de Cervo anuncia as súas actividades para o mes de decembro que iniciará o domingo 3, cunha reunión ás 11:30 horas no local social para tratar o irmanamento coa asociación de veciños Nostra Señora de Lieiro que terá lugar o 16 de decembro.
O venres 8, a partir das 18:00 horas, os socios adornarán o local social de cara ao Nadal.
O domingo 10, remata o prazo para anotarse ao acto de irmanamento con Nostra Señora de Lieiro que se celebrará o sábado 16 a partir das 14:00 horas.
O domingo 17, terá lugar a recollida de alimentos para colaborar con Cáritas de Cervo.
O sábado 23, a partir das 16:30 horas, recibirán no local social a visita de Papa Noel e haberá unha merenda para os máis pequenos.
O...
leer más
Os días 6 e 8 de decembro haberá visitas guiadas gratuítas ao centro histórico de Viveiro. Están organizadas dende a Oficina Municipal de Turismo.
O percorrido discorrerá polo centro histórico da vila e fará unha parada no belén xigante de Viveiro, diante do berce. Este belén, instalado no atrio da Igrexa de Santa María, é a tamaño natural e está considerado como un dos máis importantes de Galicia pola dimensión das súas pezas e a extensión do seu conxunto.
As visitas ao centro histórico de Viveiro sairán da Oficina Municipal de Turismo que se atopa na avenida Ramón Canosa s/n, e o seu número de teléfono é 982 560 879.
Os horarios das visitas serán as 12:00 horas para o 6 de decembro, e ás 17:00 horas para o 8 de decembro.
A Asociación Socio Cultural A Pomba do Arco organiza o 2 de decembro, unha visita guiada ao Pazo de Fontao, na parroquia de Santa Cilla en Foz.
Este conxunto está formado por unha ermida, unha construción dedicada a vivenda levantada sobre os restos dunha antiga fortaleza do século XVII, así como unha ampla finca con xardín.
O percorrido vai comprender a visita á Casa do Pazo, concretamente ao salón de retratos onde se conservan imaxes da totalidade dos señores de Fontao desde o século XVII, e ás antigas mazmorras. Tamén se visitará a ermida de Santo André, antiga capela na que están enterrados algúns dos señores de Fontao, e atópanse imaxes relixiosas dunha capela anterior situada na desembocadura do río Ouro. Por último os asistentes coñecerán o xardín novo da finca, regado por máis de sete fontes.
... leer más