1. Inicio

Exposiciones

O Cenima, de Foz, acollerá do 7 ao 28 de abril a exposición da cuarta edición da Semana das Artes da Mariña lucense. Estará protagonizada por 11 mulleres.

Etiquetas:
Foz, Cenima, Mulleres
03/03/2017

Dende o 7 de abril no Cenima, de Foz , 11 mulleres mariñáns serán as protagonistas da exposición da cuarta edición da Semana das Artes da Mariña lucense. Permanecerá aberta ata o 28 do mesmo mes. Contará coa visita dos escolares e profesores da Mariña, como ven sucedendo nas edicións anteriores, e co público que queira achegarse a contemplar as propostas artísticas destas 11 artistas: Zili Katova, Cristina Basanta, Lucía Vila, Eva Rivas, Alicia Puchades, Carmen LLonín, Adriana Pardo, Laly Santos, Pili Rei, Lucía Catuxo e Renata Otero.

Esta nova proposta pretende integrar arte e educación, como medio de avanzar nos procesos creativos de todas e todos os habitantes da comarca. Coñecemento, creatividade e expresión artística, son os soportes dun desenvolvemento emocional que intenta mellorar as condicións de vida dos/as cidadáns mariñáns. Con...

leer más

No Complexo RegalXunqueira, de Viveiro, pódese visitar ata o 14 de marzo unha exposición da fotógrafa focense Naza Meijide.

Etiquetas:
Viveiro, exposición, Fotos
08/02/2017

Ata o 14 de marzo pódese visita no Complexo RegalXunqueira, en Viveiro, a exposición de de fotografías de Naza Meijide, titulada “Amienatta”. 

“-¡Amienatta!, ¡Amienatta!-Gritan as voces das nenas que baixan, correndo descalzas, polo enlodado camiño que atravesa a aldea e polo que, cada día, todos voltavamos camiñando a casa de voluntarios. Sorrisos sinceros que enchían as pupilas e ensanchaban o corazón, sons titilantes no calor intoxicante  e húmedo de Lamin ó mediodía”.

Amienatta é un traballo fotográfico sobre a aldea de Lamin (Gambia), os arredores e as súas xentes. Unha viaxe introspectiva a unha experiencia inolvidable na que vivín, integrada, nesa remota aldea do país africano, convivindo, aprendendo, crecendo e querendo as súas xentes. Porque como di a costume gambiana “is nice to be nice”.

... leer más

A exposición "O humor do país", do debuxante Luis Davila, poderase ver en Burela do 15 de febreiro ao 15 de marzo. Será na Casa da Cultura.

Etiquetas:
exposición, Humor, Burela
31/01/2017
A exposición "O humor do país", do debuxante Luis Davila, poderase ver en Burela do 15 de febreiro ao 15 de marzo. Será na Casa da Cultura.
 
A Concellería de Cultura organiza unha exposición do debuxante Luís Davila, titulada O humor do país, que se inaugurará o vindeiro 15 de febreiro na Casa da Cultura, onde permanecerá durante un mes.
 
O concelleiro de Cultura, José Díaz, dixo que “estos días presentaremos la programación definitiva de febrero. Estamos cerrando cosas para el Carnaval, para los últimos días del mes, que es cuando coincide este año el Carnaval”.
 
José Díaz explicou que “sí que nos gustaría adelantar una exposición que tenemos programada para el 15 de febrero la inauguración, que estará un mes aquí en Burela, y que creo que va a  atraer a muchísimos curiosos tanto de nuestro concello como de toda A Mariña. Se trata de la exposición de Luís Davila, se llama O...
leer más

Na Casa da Cultura de Burela pódese visitar ata o 31 de xaneiro unha exposición de traballos feitos polas mulleres asistentes aos cursos de manualidades, bordados, encaixes e bolillos, impartidos polo CIM o ano pasado.

Etiquetas:
exposición, Mulleres, Burela
19/01/2017
Na Casa da Cultura de Burela pódese visitar ata o 31 de xaneiro unha exposición de traballos feitos polas mulleres asistentes aos cursos de manualidades, bordados, encaixes e bolillos, impartidos polo CIM o ano pasado.
 
Ata o 31 de xaneiro estará aberta ao público na Casa da Cultura a exposición de traballos feitos polas mulleres que asistiron aos cursos de manualidades, bordados, encaixes e bolillos impartidos polo CIM durante o pasado ano 2016. 
 
Ao acto de inauguración asistiron monitoras, alumnas, veciñ@s e usuarios das distintas asociacións locais así como a concelleira de Servizos Sociais, Patricia Otero, que agradeceu “o grande esforzo realizado polas monitoras, alumnas e persoal do Concello, do CIM, que traballou duro para que esta exposición resultase un éxito. Desde a Concellería de Servizos Sociais apostamos por darlle continuidade a estes cursos, máis aló do 2017, porque as actividades deste ano xa están tamén en marcha”. 
 
Otero destacou “o...
leer más

Na Casa da Cultura de Alfoz pódese visitar a exposición "Cartas de Amor" ata o 25 de xaneiro. Alude á violencia de xénero. Está organizada pola Concellería de Igualdade e Benestar.

Etiquetas:
Debuxo, Alfoz, exposición
16/01/2017
Na Casa da Cultura de Alfoz pódese visitar a exposición "Cartas de Amor" ata o 25 de xaneiro. Alude á violencia de xénero. Está organizada pola Concellería de Igualdade e Benestar.
 
Ata o 25 de xaneiro pode visitarse na Casa da Cultura de Alfoz a exposición "Cartas de Amor" sobre a violencia de xénero. En horario de luns a venres de 16 a 20.30 e polas mañás en horario da cafetería, excepto os xoves.
 
Con esta exposición “preténdese establecer un paralelismo entre o mundo romántico das primeiras relacións de parella, e a crueldade que, ás veces, vai asociada a elas”, explican desde a Concellería de Igualdade e Benestar.
 
E engaden que “para iso propúxoselles a debuxantes que plasmasen nunha imaxe situacións ou momentos que considerasen como violentos entre adolescentes, co obxectivo de por de manifesto a necesidade de mudar esas actitudes por outras nas que prime o respecto á parella. Deste xeito, amósanse traballos...
leer más

No Castelo de Alfoz pódese visitar ata finais de xaneiro a exposición "Colección de Xoguetes". A mostra está composta por 40 pezas.

Etiquetas:
Alfoz, Xoguetes, exposición
26/12/2016
No Castelo de Alfoz pódese visitar ata finais de xaneiro a exposición "Colección de Xoguetes". A mostra está composta por 40 pezas.
 
O Castelo de Alfoz acolle ata finais de xaneiro a exposición Colección de Xoguetes. A mostra, que se pode visitar na planta baixa do Castelo, recolle varias pezas que abranguen tipoloxías de xoguetes tan dispares como medios de transporte, instrumentos musicais ou aparellos de cine. É unha fermosísima colección doada polo químico de raíces chairegas José Luis Basanta Campos ao Museo Provincial de Lugo.
 
As 40 pezas que compoñen esta colección, permiten achegarnos aos medios de xogo de hai décadas, entre os que se atopan xogos de mesa ou tradicionais e xoguetes ópticos. Entre os aparellos de cine pódense ver un zoótropo ou un Ombro Cinema, ademais de xogos de construcción e de taboleiro.
 
...
leer más

Ata o 13 de xaneiro permanecerá aberta na oficina de turismo de Ribadeo a exposición "Andar cos tempos...", organizada polo Observatorio da Mariña pola Igualdade e o Concello de Ribadeo.

Etiquetas:
Patrimonio, Ribadeo, exposición
19/12/2016
Ata o 13 de xaneiro permanecerá aberta na oficina de turismo de Ribadeo a exposición "Andar cos tempos...", organizada polo Observatorio da Mariña pola Igualdade e o Concello de Ribadeo.
 
Este domingo, 18 de decembro, inaugurouse a exposición titulada Andar cos tempos…ou de cómo cribar o gran para mañá, organizada conxuntamente polo Observatorio da Mariña pola Igualdade e o Concello de Ribadeo. Esta mostra pode visitarse na Oficina de Turismo en horario de atención ao público ata o 13 de xaneiro. Ao acto de inauguración asistiron o concelleiro de Cultura, Farruco Graña, e a concelleira de Turismo, Ana Martínez.
 
O concelleiro de Cultura, Farruco Graña, salientou que “comisariada por Carme Campo e Chus Caramés, esta exposición pretende facer unha reletura do baile e da música tradicional enfocado desde a perspectiva de xénero. Carme Campo e Chus Caramés son educadoras no ámbito non formal e investigadoras do noso patrimonio cultural inmaterial, ademais son mestras de baile...
leer más

Ata o 31 de xaneiro pódese visitar na sala de exposicións de RegalXunqueira, en Viveiro, a exposición "Homes e Bestas", de José Mª Álvez e Sergio López.

Etiquetas:
Fotos, exposición, Viveiro
18/12/2016
Ata o 31 de xaneiro pódese visitar na sala de exposicións de RegalXunqueira, en Viveiro, a exposición "Homes e Bestas", de José Mª Álvez e Sergio López.
 
Ata o 31 de xaneiro pode visitarse na sala de exposicións de Regalxunqueira, en Viveiro,  a exposición titulada "Homes e Bestas. Tradición cabalar en Mondoñedo",  de José Mª Álvez e Sergio López Maseda.
 
A mostra consta de 39 fotografías que recollen impactantes imaxes da rapa das bestas de Campo de Oso en Mondoñedo nos anos 70 e dende 1998 á actualidade. Tamén reflicten instantáneas da feira cabalar das San Lucas e da baixada dos cabalos do monte para as populares feiras mindonienses nos últimos anos. As fotografías recollen o traballo fotoxornalístico de José María Álvez Marciel dende a súa chegada á comarca da Mariña para traballar no diario El Progreso. Ademais a mostra tamén presenta instantáneas tomadas polo fotógrafo burelés Sergio López da rapa nos anos 70.
 
... leer más

O Conxunto Histórico Artístico de Sargadelos será escenario do 29 de novembro ao 20 de decembro dunha exposición sobre o caricaturista cervense José Mª Cao Luaces.

Etiquetas:
Sargadelos, exposición, Cervo
26/11/2016
O Conxunto Histórico Artístico de Sargadelos será escenario do 29 de novembro ao 20 de decembro dunha exposición sobre o caricaturista cervense José Mª Cao Luaces.
 
A sala de exposicións do Conxunto Histórico Artístico de Sargadelos acollerá desde o vindeiro martes, día 29, ata o 20 de decembro unha mostra sobre o caricaturista José María Cao Luaces, nacido en Cervo no ano 1862. O acto, que se celebrará ás 18 horas, contará cunha conferencia do debuxante e pintor Siro. Está organizado pola Xunta de Galicia e o Concello de Cervo.
 
A exposición, que leva por título José María Cao Luaces, un galego patriarca da caricatura arxentina, xa estivo en Santiago, Pontevedra, Ourense, Vigo, Lugo, Melide e A Coruña. “Ten como principais obxectivos poñer en valor e dar a coñecer entre a cidadanía a obra e a figura deste destacado debuxante galego”, segundo explican os organizadores, que tamén destacan que “a mostra recupera a obra dun artista que contribuíu...
leer más

Ata o 13 de novembro pódese visitar na Casa da Cultura de Burela a exposición "Imaxes con fondo", do Fondo Galego de Cooperación e Solidariedade.

Etiquetas:
Fotos, exposición, Burela
28/10/2016
Ata o 13 de novembro pódese visitar na Casa da Cultura de Burela a exposición "Imaxes con fondo", do Fondo Galego de Cooperación e Solidariedade.
 
O Programa de Atención de Inmigrantes do Concello, como socio do Fondo Galego de Cooperación e Solidariedade, presenta unha exposición titulada Imaxes con Fondo. 
 
Segundo explica a concelleira de Inmigración e Cooperación, Angélica Gómez, “dita exposición promove a reflexión  e o pensamento crítico, así como o cambio de actitudes dentro da nosa sociedade por medio da palabra e da imaxe”. 
 
A mostra poderá verse na Casa  da Cultura ata o 13 de novembro e conta coas obras mais destacadas das presentadas ao concurso fotográfico Imaxes con fondo do 2012. “Nas fotografías quedan reflectidos aspectos sobre solidariedade interxeracional, aforro enerxético, respecto ao medio ambiente, consumismo occidental, prostitución,  explotación  laboral...
leer más