Exposiciones

A sala de arte da Casa de Cultura acollerá a partir do vindeiro venres, 30 de xaneiro, a exposición de pintura Unha ollada. Nela, os artistas Laura P. Rodil, Mar G. Pires e Ángel Picos mostran os seus traballos máis representativos na modalidade de acrílicos. A mostra está coordinada pola Concellería de Cultura e será inaugurada este venres ás 20:00 horas. Na mostra participan dous artistas da Mariña e un da Coruña.

Laura P. Rodil é natural de Burela e unha das xoves pintoras dedicadas á técnica do acrílico en Galicia. A través das súas obras intenta mostrar ao mundo as pequenas paisaxes que previamente acostuma a captar co obxectivo da súa cámara fotográfica. Mar G. Pires procede de Ribadeo e é unha pintora costumista que utiliza a pintura como medio para manifestar as súas...

A Concellería de Cultura de Burela presenta estes días na vila a que será a súa primeira exposición para este novo ano 2015. A mostra leva o título de Universo Viary e corre a cargo da artista Silvia Viary, unha moza burelesa especializada na creación de obxectos de bixutería artesanal. A exposición inaugurouse o pasado venres, 2 de xaneiro, na sala de exposicións da Casa da Cultura de Burela, e permanecerá aberta ata o 16 de xaneiro en horario de 09.00 a 13.00 horas polas mañás e de 17.00 a 20.00 horas polas tardes. A concelleira de Cultura de Burela, Mónica Pedre,  animou aos veciños "a achegarse a visitar esta interesante exposición".

Esta tarde inaugurouse na Oficina Municipal de Información Turística de Ribadeo a III Mostra de Pintura Afeccionada. Nela participan quince pintores non profesionais, que expoñerán dende hoxe e ata o 11 de xaneiro os seus óleos. A exposición pode visitarse en horario de 10:00 a 14:00 horas polas mañás e de 16:00 a 19:00 horas polas tardes. Este é o terceiro ano no que se celebra a mostra, despois de que en 2012 tivese lugar no Forte de San Damián e en 2013 na antiga Oficina de Turismo do concello. No acto de inauguración a concelleira de Cultura en Ribadeo, Mari Luz Álvarez

Lastra, explicou que "dende a Concellería de Cultura queremos potenciar a pintura dos pintores e pintoras afeccionados do noso concello. Ribadeo a nivel cultural é unha referencia e ao longo de todo o ano temos exposicións de pintores que xa son profesionais ou que están consagrados nesta arte....

O artista barreirense Celso Dourado, inaugurou o pasado sábado, 8 de novembro, a súa exposición Represaliados no Museo Etnográfico da Fonsagrada. A mostra consta de dez cadros que repasan a historia do Comandante Moreno e os doce homes que formaron parte do Batallón Galicia, que foron asasinados e enterrados no ano 1937, nunha fosa común do Acevo. Os seus corpos foron exhumados finalmente no ano 2007, un acto que serviu de inspiración a Celso Dourado para comezar a traballar na obra que agora presenta e que estará previsiblemente exposta no Museo Comarcal ata finais de ano.

...