Música
Este domingo, día 2 de xuño, haberá un novo guateque do programa de actividades Arruguiñas . Estará amenizado polo dúo Primera Línea e será na Casa do Mar, en San Ciprián, desde as 19:30 horas.
Esta actividade está organizada polo Concello de Cervo en colaboración coa Asociación de Xubilados Terra Mar.
A Big Band da Escola Municipal de Música e Danza ribadense dará un concerto no xardín da Escola Oficial de Idiomas de Ribadeo este martes, 28 de maio ás 19:00 horas. Ademais haberá un pincheo.
A organización desta actividade advirte que “en caso de choiva suspenderase o concerto e a merenda terá lugar no soto da escola”.
Este vindeiro domingo o grupo Gemtonics actuará a partires das 13:00 horas na rúa Rosalía de Castro para animar a hora do vermú, dos viños e das compras en Ribadeo.
Ata xullo a música chegará tamén á rúa San Roque o 2 de xuño, á Praza de Abaixo o 16 de xuño e tamén á Zona Vella o 7 de xullo.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo e a gozar do Domingueo e de todas as propostas que poderán atopar todos os domingos do ano, ou en calquera outra xornada na nosa vila e nas nosas parroquias”.
Este sábado, 25 de maio, haberá un novo guateque do programa de actividades Arruguiñas . Estará amenizado polo dúo Son de Festa e será no local social da Senra desde as 20:00 horas.
Esta actividade está organizada polo Concello de Cervo en colaboración coa Asociación de Veciños da Senra.
O musical titulado “Unha noite na eira do trigo”, da orquestra La Oca Band, presentarase en Ribadeo este xoves, 16 de maio. Será no auditorio municipal Hernán Naval ás 20:30 horas.
Para esta actividade, que organiza o Concello de Ribadeo, a entrada é gratuíta ata completar o aforo do auditorio.
A Banda Municipal de Música de Ribadeo estreará dúas pezas no concerto das Letras Galegas, que será este venres, 17 de maio, ás 20:30 horas no auditorio municipal Hernán Naval. A entrada é de balde ata completar o aforo.
O director da Banda ribadense, David Ballester Martínez, anuncia que “a Banda Municipal de Música de Ribadeo, despois do seu concerto de Semana Santa, segue coa súa programación e a seguinte actuación que temos e o concerto das Letras Galegas, que este ano se dedican a Luísa Villalta, unha persoa que aparte de ser escritora tamén foi violinista, co cal é para nós un concerto dobremente satisfactorio por dedicalo a unha persoa que escribiu nas letras que todo o mundo coñece e tamén comprendeu as nosas letras musicais”.
Sobre o repertorio para esta actuación, David Ballester explica que “vai ser...
leer más
A Coral Polifónica de Burela organiza o seu XXXII Festival das Letras Galegas, onde actuarán tamén a Coral Polifónica de Cariño e o Coro Parroquial de Landrove (Viveiro). Será este domingo, 12 de maio, ás 20:00 horas no auditorio municipal de Burela.
A organización anuncia que será “unha xornada de luxo no que a protagonista é a nosa fermosa lingua. Qué mellor maneira de agasallala que a traveso da música!”.
O 12 de maio seguirá o Domingueo en Ribadeo, que organizan o Concello e Acisa
Este vindeiro domingo o grupo Los Mendezcatos actuará a partires das 13:00 horas nas inmediacións da Praza de Abastos para animar a hora do vermú, dos viños e das compras en Ribadeo. Este concerto foi aprazado o pasado domingo, día 5, debido ás inclemencias meteorolóxicas rexistradas esa xornada.
Ata xullo a música chegará á Avenida Rosalía de Castro, á rúa San Roque, á Praza de Abaixo e tamén á Zona Vella.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo e a gozar de todas as propostas que poderán atopar todos os domingos do ano, ou en calquera outra xornada”.
Burela acollerá entre os días 27 e 30 de xuño o segundo Campamento Musical ASUEMBU. Está orientado ás especialidades de corda fretada, piano e vento.
A asociación de usuarios da Escola de Música local (ASUEMBU) organiza por segunda vez esta iniciativa, que culminará nun gran concerto final na Casa da Cultura, coa colaboración do Concello. Está dirixida a maiores de 8 anos.
"Dende a área de Educación do Concello de Burela estamos encantados de colaborar con iniciativas deste tipo, sobre todo despois do éxito do pasado ano, que fai que se espere unha gran participación para este ano", sinala o concelleiro Mario Pillado.
"Os rapaces e rapazas, pequenos grandes músicos, desfrutarán das ensinanzas dos docentes, así como tamén dos concertos e das actividades organizadas dentro do propio...
leer más
Burela acollerá unha actuación do grupo Lulavai este sábado, 11 de maio, na Casa da Cultura ás 20:00 horas. O concerto está enmarcado na conmemoración do Día das Letras Galegas no municipio.
A agrupación, formada por catro mulleres, amosará nesta actuación a súa combinación de voces e arpas célticas. O despacho de entradas abrirá ás 20:00 horas do propio día 11 e o prezo das mesmas será de 4 euros.
Ademais de temas dos seus anteriores traballos discográficos, Lulavai presentará novas cancións sobre as que están a traballar de cara ao lanzamento do seu próximo disco. Durante algo máis dunha hora de música, o público desfrutará tanto de temas baseados no repertorio tradicional galego como de composicións propias.
Lorena Reinaldo, Paula Oanes, Josefa Fernández e Elena Paz coñecéronse en 2005...
leer más