Teatro

A Sala Bahía, de Foz, acolle este sábado, 15 de xaneiro, dúas representacións da obra de teatro infantil Tilintilonia, a cargo da compañía O Baúl da Tía Tola. Os pases serán ás 17:00 e ás 18:30 horas.

É un espectáculo para bebés que pretende o estímulo dos sentidos e que viaxa a través das sensacións e das emocións. Está dirixido preferentemente a nenos e nenas de 6 meses a 5 anos.

O Baúl da Tía Tola explica que “Tilintilonia é un pequeno planeta habitado por dúas mulleres, (Tilín e Tilón, cada unha co seu son). Elas descubrirán un mundo cheo de texturas, cores, sons e fantásticos seres que xorden coa música e onde o vento e a auga convértense en elementos de xogo. Dous seres espertan en Tilintilonia a un mundo máxico no que descubrir novos sons e melodías, novas texturas, onde deixarse levar pola fantasía e os...

O programa de visitas da Apalpadora organizado pola Vicepresidencia da Deputación de Lugo coa colaboración de asociacións de nais e pais e colectivos culturais das distintas comarcas inclúe catro encontros para a primeira semana do ano.

O luns, 3 de xaneiro, a “filla do Apalpador” estará no Auditorio Municipal de Escairón, no Saviñao, ás 17.00 horas e na Casa da Cultura de Pantón, ás 20.00 horas. O martes, 4 de xaneiro,  achegarase a Palas de Rei, ás 12.00 horas, na Casa da Cultura, e Mondoñedo, ás 20.00 horas, na Casa da Xuventude. 

A narradora Antía Vázquez, acompañada polo músico André Espiñeira, será a encargada de presentar ás crianzas esta personaxe, cun espectáculo que mestura narración oral e música.

A programación ten como obxectivo de promover a presenza de tradicións propias na...

A Delegación de Cultura do Concello de O Valadouro continúa coa súa programación de Nadal coa actuación de Pablísimo que presenta O arquivo do chibo. A función, dirixida ao público familiar, terá lugar este xoves, 30 de decembro, ás 18:30 horas no salón de actos da Casa da Cultura do Concello do Valadouro. 

O arquivo do chibo é unha fabulación libre arredor do conto clásico de Os sete cabuxos e o lobo. Presenta cantigas de lobos esfameados, fábulas de cameiros teimudos e a historia de sete cabuxiños desobedientes. Un teatriño con múltiples xanelas e espazos que serven de viñetas para contar, a xeito de banda deseñada, este clásico actualizado empregando monicreques, xoguetes, sombras e moita cachifallada.

A compañía Spaguetti Títeres presenta Historias para unha man, dentro do ciclo Monicreques, organizado pola Área de Cultura, Patrimonio Histórico Artístico e Normalización Lingüística da Deputación de Lugo e a Concellería de Cultura de Burela. 

A representación terá lugar no auditorio da Casa da Cultura este xoves, 23 de decembro, ás 18:00 horas. A obra está destinada a todos os públicos e a entrada é libre ata completar aforo.

Trátase dun espectáculo sen palabras, composto de catro pezas da vida cotiá: o soño, a pingueira, historias con frores e o impo, todas elas conducidas polas mans que poñen e quitan do escenario pois estas son a ialma dos títeres.