Actividades
O alcalde, Alfonso Villares, xunto coa Concelleira de Cultura e Xuventude, Dolores García Caramés, e a Concelleira de Turismo, presentaron este venres o Programa de Marzo, no que se inclúen todas as actividades que se van a realizar no Concello de Cervo durante esta Semana Santa.
O alcalde resalta que é un programa que destaca pola súa diversidade, xa que “ten actividades que se poden adaptar a todos os gustos e idades”.
Pola súa banda a concelleira de Cultura, Dolores García Caramés sinala que traballaron ca intención de “ofrecer un amplo abanico de posibilidades, desde humor ata gastronomía, pasando polo cine e a arte”.
O programa divídese en cinco categorías: Arte, Xuventude, Cine, Actuación e Gastronomía.
No apartado de Arte temos unha exposición sobre...
leer más
A alcaldesa de Mondoñedo, Elena Candia, participou esta mañá na presentación da programación da Semana Santa de Mondoñedo, que organiza a Venerable Orde Terceira de San Francisco, en colaboración co Concello e entidades locais. Durante o acto, no que tamén participou o delegado territorial da Xunta, José Manuel Balseiro, a rexedora quixo agradecer o compromiso que anualmente amosan os veciños e voluntarios que se involucran na celebración dunha Semana Santa, a que definiu de “bela e singular” e que este ano conta cun programa que inclúe novidades, como é a celebración dunha nova procesión o 23 de marzo, Venres de Dores.
A Semana Santa de Mondoñedo é organizada pola Fraternidade Local da Venerable Orde Terceira de San Francisco, fundada en Mondoñedo, o 24 de febreiro de 1734. Esta celebración foi declarada de Interese Turístico Galego...
leer más
O vindeiro 1 de febreiro dará comezo nas parroquias unha nova edición de Aquí?... coma de 20!. Nesta ocasión a actividade estará centrada no envellecemento e movemento activo e está baseada na práctica do Chi-Kung e do Tai-Chi “co obxectivo de paliar e retrasar os efectos do paso do tempo tanto no corpo como na mente e de mellorar a calidade de vida”.
Desde o Concello sinalan que “esta actividade é apta para todas idades, ten carácter gratuíto e todas as persoas interesadas en participar o único que teñen que facer é achegarse á parroquia correspondente e cubrir a ficha de inscrición”. Tamén poden obter máis información na Casa da Xuventude ou chamando ao seguinte número de teléfono 982 129 889.
Os martes haberá envellecemento activo en Cinxe de 15:30 a 17:00 horas e en Remourelle de 17:30 a 19:00 horas. Os...
leer más
O Concello de Ribadeo organiza unha serie de actividades infantís durante o Nadal que se desenvolverán dende o 27 de decembro ata o 4 de xaneiro.
O día 27 haberá unha festa lúdica no pavillón dende as 16:30 ata as 19:30 horas. Haberá inchables, obradoiros e animación musical e a entrada será de balde.
Tamén o mércores 27 dará comezo un obradoiro de iniciación ao crochet, que terá lugar durante o xoves 28 e o venres 29. Trátase dunha actividade interxeracional realizada con Aquí? como de 20!!!. Celebrarase na Casa da Xuventude entre as 16:00 e as 17:30 horas, a inscrición é gratuíta. O obradoiro está destinado a rapaces a partir de 9 anos.
O venres 29 o grupo de teatro Pistacatro presentará Outono, no auditorio municipal Hernán Naval ás 17:30 horas. O prezo da entrada será de 4 euros e de...
leer más
Mondoñedo ofrecerá aos nenos durante este Nadal varias xornadas de actividades con ata dez tipos de colchonetasdiferentesno pavillón municipal.
O Infantipark estará dispoñible dende o martes 26 pola tarde ata o 30 de decembro en horario de mañá de 11:00 a 14:00 horas, por un prezo de catro euros; e de tarde de 16:30 a 20:30 horas por un custo de cinco euros.
O edil de Educación, Alberto García, explica que o Infantipark dispón de monitores que se encargan do coidado dos nenos mentres os pais poden permanecer nas gradas do pavillón municipal ou incluso aproveitar os descontos que ofrece a Asociación de Comerciantes, Industriais e Autónomos de Mondoñedo en establecementos asociados.
O Goberno municipal engade que os pais que presenten o resgardo de adquirir a entrada do Infantipark terán...
leer más
Caramuxo Teatro representará a obra Feo no Teatro Pastor Díaz de Viveiro este sábado, 23 de decembro, ás 18:00 horas. Trátase dunha comedia inspirada en O parrulo feo de Hans Christian Andersen que recibiu o premio María Casares 2016 ao mellor espectáculo infantil.
Tamén no Teatro Pastor Díaz de Viveiro o martes, 26 de decembro, ás 18:00 horas, Pomper Pompería presentará un espectáculo de pompas de xabón.
O mércores, 27 de decembro, ás 21:00 horas, a Banda Municipal de Música de Viveiro ofrecerá o concerto de Fin de Ano.
O xoves 28, ás 20:30 horas, Abarajar presentará o espectáculo de maxia O camino máxico co Mago Rafa, o Mago Teto e Dani Polo.
A Deputada de Cultura,Pilar García Porto, presentou este mércores no CENTRAD a programación de actividades queo Goberno da Deputación leva aos Concellos da provincia de xeito totalmente gratuíto, con motivo do Nadal. Son concretamente85 actividades en 61 Concellos, nas que haberá maxia, circo, títeres, musicaen directo, contacontos, teatro, concertos e actuación de corais. Na capital lucense as actividades xa comezaron coas actuacións das 12 corais polas rúas do casco histórico. A programación nos restantes Concellos lucenses arrincará o vindeiro 26de decembro e rematará o 7 de xaneiro de 2018.
García Porto avanzou que “dende o Goberno da Deputación, con esta iniciativa totalmente gratuíta, queremos contribuír a que todos os Concellos da provincia poidan dinamizar a vida cultural, especialmente no rural, durante a época do Nadal. Nesta...
leer más
O Concello de Lourenzá organiza a visita de Papá Noel e un concerto de Nadal para este fin de semana.
O concelleiro de Cultura, Manuel Arango, explica que “o venres 22 ás 18:00 horas chegará Papá Noel á carpa instalada polo Concello na praza Conde Santo, de Lourenzá. Previamente visitará o Punto de Atención á Infancia (PAI) e o centro de día para maiores. A parte musical correrá a cargo da Asociación Cultural Osorio Gutiérrez”.
Arango engadiu que “o sábado 23 a partir das 20:00 horas terá lugar na igrexa de Vilanova o Concerto de Nadal a cargo da agrupación Amor Fino. Este grupo é unha confraternidade de músicos profesionais formados academicamente nos mellores conservatorios de Rusia, unidos polo amor á música e á xente. No seu repertorio aparecen obras de clásicos como Häendel, Chopin ou Schubert e pezas...
leer más
A programación do Concello de Foz para este Nadal inclúe concertos, teatro, danza, a presentación dun libro, unha exposición e as visitas de Papá Noel e dos Reis Magos.
Este xoves, día 21, ás 21 horas na igrexa parroquial de Foz haberá un festival de Nadal a cargo dos conxuntos instrumentais e o coro infantil Peques da Escola de Música focense. Ao día seguinte, o venres 22, ás 20:30 horas e tamén na igrexa parroquial de Foz terá lugar outro festival de Nadal da Escola de Música local, neste caso a cargo dos alumnos de prebanda, coro infantil, coro xuvenil e a orquestra de jazz. Nesa mesma xornada do venres e tamén o sábado 23 haberá unha recollida de cartas dos nenos e nenas para Papá Noel. Para iso os seus elfos estarán na casiña de Papá Noel instalada diante da Casa do Concello de 12:00 a 13:00 horas e tamén percorrerán varias rúas da...
leer más
O Concello de Xove celebra a inauguración do Nadal o xoves, 21 de decembro, ás 19:00 horas, recibindo na Praza a Papa Noel quen estará no Centro Cívico das 19:00 ás 20:00 horas.
O venres 22, ás 21:30 horas, no pavillón de deportes terá lugar o VII Concurso de Karaoke. O sábado 23, ás 20:00 horas, no pavillón de deportes, Saíñas volve representar, dado o seu éxito, o espectáculo Identidade. O luns 25, ás 18:00 horas, no salón de actos do Centro Cívico, Dani Ríos presentará Danceplay de Nadal. Haberá chocolatada gratuíta.
Esta programación tamén inclúe a celebración da Semana Lecer Blanco que terá lugar do martes 26 ao venres 29 de decembro, con actividades de cociña, manualidades, música, experimentos, xogos, xincanas e educación emocional entre outras. Está organizada pola ANPA Pedro Caselles Rollán.
... leer más